上堂坐吾定, 走來走去,正常嗎

3pigmama

我個女21個月大,上堂Story Time 永坐吾定,老師問問題,其他小朋友會留心聽, 會答問題, 我個小朋友只會 走來走去, 又吾肯同老師講野, 正常嗎?


我怕是過度活躍症.
有什麼方法可以改善?  有冇什麼機構有治療班呢?

tsangnamnam

我諗又唔係過度活躍掛.
我個女以前去pg, 都唔肯坐定circle time, 過左幾堂先明白個流程同埋自己要坐低.

而且, 會唔會係老師講得唔夠吸引呀?  
曾聽過有個教pg嘅老師話: 唔係小朋友曳, 係我吸引唔到佢地啫.

griffinma

我個仔上PG時都有咁既情況,成堂都坐唔定,我當初都好怕佢係過度活躍,但後來發現可能係講個個唔吸引,因為轉左第二間上佢好留心,當然仍然會有時走來走去,但情況好好多。

Capricorn2521

個個坐定定留心聽，只係自己果個吾係，有時真係幾尷尬。不過，21個月咁細個，就算佢真係有ADHD嘅傾向，你依家都做吾倒D乜。不如，再比D時間佢適應吓。或者到2歲時返N1問吓老師意見。同時又發掘吓佢對什麼有興趣，才著手訓練佢嘅專注啦。

有時可能小朋友吾理解，吾知發生緊咩事，又聽吾明老師講乜，就冇興趣，所以就走咗去玩佢認為好玩的東西。

[ 本帖最後由 Capricorn2521 於 11-9-23 17:55 編輯 ]

vnghk0001

我個女返playgroup 都係咁，但我發覺唔係次次都坐唔定，有特別主題佢就好專心，一冇興趣就又走過，不過佢而家返pn 就成日坐，因為我冇陪佢上，佢自己一個人驚，唔敢走黎走去，佢而家仲學識兩個字「坐低」 ，都係聽老師話多過阿媽

crownsky

我真係覺得好尷尬，返playgroup其他小朋友可以坐定定聽老師講書，自己果個就走嚟走去！所以想佢快D返學老師教！

rchchan0505

ok ga！
我囡囡上學前班時都有2個同學仔係周圍行，但佢地100%清楚上堂做乜，返家可以講番出來。老師話讓他們行，因為佢地係有咁ga特性，只會有時引下佢地坐好。不過佢地越大就越定。

Cindyjasper

原帖由 rchchan0505 於 11-10-4 00:15 發表
ok ga！
我囡囡上學前班時都有2個同學仔係周圍行，但佢地100%清楚上堂做乜，返家可以講番出來。老師話讓他們行，因為佢地係有咁ga特性，只會有時引下佢地坐好。不過佢地越大就越定。 ...

我個仔就係咁，佢學琴成日唔專心，老師講野就東望西望東攪西攪，但佢四五日後同佢練琴佢又完全做到老師要求，記得晒老師講乜，佢依家三歲四個月比以前好咗dd,我諗平時佢喺學校都應該係咁。

不過我明白一樣野就係每個小朋友都係獨一無異，做父母係應該欣賞佢哋獨特之處，如果自己都厭棄自已嘅小朋友，就無人識欣賞佢哋。