12月3日旅行後記

jojoplanet

我都覺得最好可以過晚夜最好...因為個度比小朋友走下行下都好舒服...

hcshiu

我個女K3，佢就玩得有Ｄ唔夠皮，食完飯玩左一陣就上車走。係車上面，有一Ｄ學生仲係好精神，由頭玩同唱歌到落車，無瞓到，而有幾個就瞓左。

其實呢個旅行最值得去既地方，係比一Ｄ平日父母都要番工既家長，可以同子女有親子時間，同比家長睇下自己子女係點同其他同學相處，同其他家長班主任非正式溝通下。

原帖由 jojoplanet 於 09-12-4 11:40 發表
我都覺得最好可以過晚夜最好...因為個度比小朋友走下行下都好舒服...

Joshua_BB

我仔仔都係k3, 佢玩得好開心, 又玩機動遊戲, 撈金魚, 單車等等, 食完飯上到車已好攰, 成家都好攰, 一家三口瞓到落車. 不過都幾好玩, 天氣又好. 學校安排都算ok.

jojoplanet

原帖由 sweetcouple 於 09-12-5 09:13 發表
旅行翌日, 排隊湊放學時, 聽到某家長同另外幾位家長的對話:

家長甲: AIYA, 應該俾D魚蛋呀、腸仔呀咁, 俾D小朋友做午餐丫嘛........佢果D午餐, 邊咬到喎, 要剪架........我又冇帶較剪.........
家長乙&丙: (點頭)

...

係個評語表我除咗食物tick 尚可其餘都係非常好...其實本身個食物係無問題但係2樣煮法都係酸就唔係咁好,如果有d人唔食酸野就無咗2碟餸食啦.....如果有蝶係炒蛋就好d..

我自己有帶scissor, 不過同枱個個都無帶, 有個小朋友食菜, 因為太大差d嘔添...因為d菜係太硬..

hcshiu

唔知係唔係我女食慣，佢好耐之前已經開始係成條菜食，所以夾左兩條菜比佢，佢都食哂。姑勿論營地既菜是否過硬，我都會建議家長多給機會孩子多用牙食飯，既唔一定要將食物剪到好細，比機會細路練下D牙，如果唔係第時換牙可能唔夠位出。

食飯呢個活動真係睇到好多野。食飯之前，我係飯堂側的餐廳見到一對父母，拿了自備食物比個仔，媽咪抱著個仔（應是K1半日班），爸爸拿著匙羮餵，睇爸爸既動作，係每一啖都盡量大啖倒落個仔個口到，個仔又一邊喊。睇到D咁既情景，真係好想同果對父母講，個細路係時候學下自己拿餐具食，唔洗人餵架啦。有需要，幫個細路轉全日班，等佢係學校學下自己食飯。

舊年我係學校旅行見到有D仲誇張，有家長帶埋DVD機，比個細路一邊食飯一邊睇電視。咩世界呀？

原帖由 sweetcouple 於 09-12-5 09:13 發表
旅行翌日, 排隊湊放學時, 聽到某家長同另外幾位家長的對話:

家長甲: AIYA, 應該俾D魚蛋呀、腸仔呀咁, 俾D小朋友做午餐丫嘛........佢果D午餐, 邊咬到喎, 要剪架........我又冇帶較剪.........
家長乙&丙: (點頭)

...

hcshiu

我記得我個女兩歲入Nursery班（果時唔係讀又一村，又一村無Nursery），因為細女，要插班，十二月一日剛好係學校旅行，所以我個女第一日番學就係旅行。

旅行當天午飯，同枱四個家庭，一個細路唔食飯，要扭食义燒包，個呀媽就另外叫比佢食，另一個細路乜都唔食，對面果個由亞爺陪去旅行，亞爺左手掌夾住個細路塊面，夾硬張開佢個口向天花板，就咁倒Ｄ食物落個細路個口到，睇到我目定口呆。我個女因為自小由我陪食，要佢坐high chair同埋自己拿食具自己食，所以去到，佢自己拿著食具食自己Ｄ野。

係香港，大部份父母要番工，都係由傭工或老人家照顧，為方便，就一定會餵個細路，亦即係大部份既細路，都會食飯食到咁差。

而家好多後生仔女乜都唔緊，唔識為自己計劃，其實某個程度上源於子女自小凡事都有人比自己緊張，就係父母，食唔食飽，有無營養，交唔交到功課，功課考試高唔高分，升中讀邊間，升大學讀乜野，大學畢業做乜工作，有無前途，識唔識到男（女）朋友，人品點樣，結唔結到婚，買唔買到樓，生唔生細路，識唔識照顧細路，樣樣父母都比子女緊好多，子女久而久之，就乜野都唔會去理，唔去緊張，因為佢根本唔會見到佢唔上心既結果，實有父母幫佢攪掂。就簡單到食飯唔緊張無得食，因為有父母實會留番比佢，又唔緊張食得慢食物會凍，因為父母會番熱，又唔緊張呢餐食唔食得飽，因為餐後可以扭父母要零食。到第時出到黎社會，佢地先發覺，無人幫佢地預先準備，做錯事要自己來負責，佢地會覺得係個社會欠佢地既，係人地做得唔好，唔係佢地問題（即姓賴），父母咁樣教養子女，其實係對佢地好殘忍。

離哂題添(sweetcouple: sorry)，不過，做父母真係唔係見到今日個細路可以食完成餐飯就叫做教養得好，等佢知道佢地要為自己既行為負責，先至係做父母應做既事。

原帖由 sweetcouple 於 09-12-5 16:48 發表


我果圍都係喎.....

一共五個FAMILY, 都係K1同班同學啦: 一個女仔喊晒扭晒計, 又扭落地, 又話唔要餸只食飯; 另一個男仔坐得好定, 但要媽咪逐SPOON餵; 另外兩個算OK; 我囡最好笑, 人生得矮, 唔多夠高, 但自己用筷子 ...

Joshua_BB

同意, 現在d小朋友係過份被保護, 我都覺得自己有時都有這毛病.  乜都想幫佢攪掂, 少俾機會佢學獨立.

不過, 我果圍都好叻 (k3全日班), 個個都肯自己食, 但都要讚吓學校同埋老師, 我記得亞仔k1親子遊行時, 已經肯自己食, 細佬仔學嘢好快嘅, 只要有人教佢.

winwin815

我知道學校好努力咁去安排各方面, 希望妥妥當當, 但係我就覺得半小時食飯, 實在太少, 兩圍中間有半小時, 唔知係職工用饍定真係要半小時去預備, 我覺得係呢半小時偷多10分鐘比大家, 會好好多

地方真係幾好玩, 但係資料不充足, 如撈金魚並沒有係地圖上, 只有撈蝦, 亦無講單車係借, 唔使租, 其實老師可以係去程車上, 講多少少, 等家長有d心理準備玩咩

另外旅遊巴安排亦麻麻地, 回程時, 我地個班差不多尾尾先上車, 真係晒到頭暈暈, 我明白成千人既旅行, 要安排真係好難, 但係應該搵d近既室內地方

原帖由 sweetcouple 於 09-12-3 18:30 發表
我係K1D家長, 今日得我自己同囡囡去旅行 (老公份工冇得請假), 本來諗住會好辛苦, 最後都OK.....

之前驚冇乜野玩會好悶, 點知囡囡都玩左跳彈床同埋踩單車。囡囡係細女, 月尾先3歲, 我地平時得三輪車俾佢玩, 佢恨要大 ...

winwin815

又唔使解釋咁認真, 咁多人去, 我都好明白有好多難度, 實唔可能十全十美, 如我老公話d餸凍晒, 其實呢d真係無辦法, 要捉最好既timing係好難, 事實上係我地早上太趕, 無時間食早餐, 所以好肚餓下既complaint

相反, 我唔鐘意有d學校分級咁去旅行, 如果有多過一個小孩既, 做家長既又要請兩次假, 或者父母分別陪其中一個孩子去, 又失卻左親子旅行既意義

原帖由 sweetcouple 於 09-12-6 17:07 發表


我以前都教中學, 帶CAMP次數唔少, 試下解釋少少:

撈金魚果D係臨時野, 地圖唔會SHOW出黎, 甚至係校方本身都未必知!

至於單車, 其實我地食完飯離開CANTEEN時, 營地職員有廣播, 介紹營地有邊D係自費項目, 並簡介埋 ...

jojoplanet

原帖由 hcshiu 於 09-12-5 18:01 發表
我記得我個女兩歲入Nursery班（果時唔係讀又一村，又一村無Nursery），因為細女，要插班，十二月一日剛好係學校旅行，所以我個女第一日番學就係旅行。

旅行當天午飯，同枱四個家庭，一個細路唔食飯，要扭食义燒包，個呀媽就另外叫比佢食，另 ...

好多3X歲人結埋婚生埋你都仲唔生性要父母養佢地咁濟..唉...