小三插班是否太遲?

Candy_family

各位家長,我的兒子今年小三,但我打算為他安排插班,是否太趕呢?其實我想再觀察福建一段時間,但而家已經快十月喇,我睇過福建好似十一月會有評估,怕再遲D嘅話,小朋友會追不上學校的進度,所以好想問下各位家長到現時為止,學生及家長們對福建的改變有什麼看法。
其實我的兒子現在也是就讀活動教學的私校,一向上課也是較輕鬆,但老師亦會注重學生的品行,不過問題就是課程較淺,但考試卻與一般傳統學校的試卷無異,因為日常的功課太少(每天看來有4-5份,但很多時有1-2份是改正,有些是做書後的練習,只有三幾條問題,正式要做的功課往往老師會在堂上做,感覺好似老師講了答案,學生們寫上就行),很少機會比學生練習,好似上年二年級下學期中文科作文考試,其中一個題目是要按題目作50字的文章,但他們原來之前只有一次類似的作文經驗,而且是在堂上做的,我根本不知道,根本無法幫到他。
最大的問題其實是一.他們的英文程度比人低一點,英文課程(我自己覺得)太淺,進度比較慢,怕上到中學會難於接軌和考中學時好難同人競爭。二.他學校是私校,好多家長都非富則貴,又或者是醫生律師公務員,要考直資/私立中學,佢地會比較有利(而家有好多學校都會睇家底),而我地...到時就只有靠個仔自己喇!
而家如果福建可以keep到愉快學習,又會注重學生的品行,加上又係一條龍,睇起黎真的不錯!所以想聽下各位家長的意見,覺得福建而家變成點,是好?是壞?