好激氣, 要交成3千幾蚊電話費.

manysy

好激氣, 要交成3千幾蚊電話費, 我個女都唔知點用電話, 打左5千幾分鐘, 月结單返我先知, 我話佢, 佢一點悔意都冇,仲覺得我好煩,好長氣,  而家D細路點解咁難教? 係唔係個個細路到了青春期都係咁.

2bzmummy

會唔會係電訊公司帳目出錯呀 ？女女承認用左五千幾分鐘 ？

connie1214

你女女幾多歲, 如果係細可以轉用增直電話卡,等佢打晒就無, 同時你check下電話公司有無報大數, 如果係青春期你一定要控制到佢,如果吾系就好爛攪

1706baby

我都試過收到幾千蚊電話費, 開頭電話公司一口咬定係我用咗. 但我有段時間唔係香港, 就去電信局投訴, 電話公司先承認電腦有問題! 你問清楚小朋友先, 如果真係無, 不防保護自己權益!電話公司不可盡信!

abc...

下....咁西利...三千幾蚊...我個女都係用50幾蚊喎..會唔會係張單有D問題呀??

manysy

佢12歲啦, 問佢仲乜講咁來電話呀, 佢一口否認,我拿張賬單比佢睇, 呢D電話號碼係邊個呀, 佢話係同學, 係同學打來,話唔係佢打,我話係你打出多過打入呀, 之後仲發脾氣話以後唔講囖, 你哋話點呀, 點同佢講落去呀, 我話唔係唔比你打, 屋企又唔係冇電話你用,用屋企個電話囖,激到我死呀.

homan2

.....................

[ 本帖最後由 homan2 於 11-5-29 11:19 編輯 ]

2bzmummy

原帖由 manysy 於 09-7-25 11:26 發表
佢12歲啦, 問佢仲乜講咁來電話呀, 佢一口否認,我拿張賬單比佢睇, 呢D電話號碼係邊個呀, 佢話係同學, 係同學打來,話唔係佢打,我話係你打出多過打入呀, 之後仲發脾氣話以後唔講囖, 你哋話點呀, 點同佢講落去呀, 我話唔 ...

既然確定係佢用左，就要有懲罰措施喇，應該要佢自己負擔番電話費喎

manysy

我都好平心靜氣同佢講,叫佢自已控制一下用量, 唔好有下次啦, 但佢都覺得我好煩,我先激氣呀.

88muimui

最好要你女自己比番多出的電話費。  我第一日出電話咭比我女，已經好清楚同佢講明，我只會比基本月費，所有多出都會從佢零用錢扣，而我真係執行，所以佢從來唔過份，最多都係過幾元，而我亦一樣照扣。

原帖由 manysy 於 09-7-25 10:54 發表
好激氣, 要交成3千幾蚊電話費, 我個女都唔知點用電話, 打左5千幾分鐘, 月结單返我先知, 我話佢, 佢一點悔意都冇,仲覺得我好煩,好長氣,  而家D細路點解咁難教? 係唔係個個細路到了青春期都係咁. ...

2bzmummy

原帖由 88muimui 於 09-7-25 12:36 發表
最好要你女自己比番多出的電話費。  我第一日出電話咭比我女，已經好清楚同佢講明，我只會比基本月費，所有多出都會從佢零用錢扣，而我真係執行，所以佢從來唔過份，最多都係過幾元，而我亦一樣照扣。

...

樓主要係阿女 12 歲就開始睇佢面色，仲有慢慢長路呀

nicholasmom

5xxx mins, average 3 hours per day, unbelieveable.

20091

原帖由 manysy 於 09-7-25 10:54 發表
好激氣, 要交成3千幾蚊電話費, 我個女都唔知點用電話, 打左5千幾分鐘, 月结單返我先知, 我話佢, 佢一點悔意都冇,仲覺得我好煩,好長氣,  而家D細路點解咁難教? 係唔係個個細路到了青春期都係咁. ...

我仔升f1時,我俾佢用儲值卡,$50用半年到了,到了升f2時,要我轉月費,我堅持不肯,現在$50=2-3月到,用儲值好,佢不會成日煲電話粥.其實自己有時會不覺,不覺超時啦.你有冇到電迅公司查核一下傾談的時間,(上學時,不正常用電話的時候)x機了解亞女的fd呀!
今次,你就X機同佢轉儲值啦!

88muimui

一定唔會比佢發生。

原帖由 2bzmummy 於 09-7-25 13:01 發表


樓主要係阿女 12 歲就開始睇佢面色，仲有慢慢長路呀

emilyfmmak

認同, 我好少bo電話, 但係都有時會過用量, 點林都唔明~~~

原帖由 1706baby 於 09-7-25 11:22 發表
我都試過收到幾千蚊電話費, 開頭電話公司一口咬定係我用咗. 但我有段時間唔係香港, 就去電信局投訴, 電話公司先承認電腦有問題! 你問清楚小朋友先, 如果真係無, 不防保護自己權益!電話公司不可盡信! ...

emilyfmmak

我都見過有d11, 12歲既小妹妹好自我, 不如試下扣佢零用$交電話費呀!!

原帖由 manysy 於 09-7-25 11:26 發表
佢12歲啦, 問佢仲乜講咁來電話呀, 佢一口否認,我拿張賬單比佢睇, 呢D電話號碼係邊個呀, 佢話係同學, 係同學打來,話唔係佢打,我話係你打出多過打入呀, 之後仲發脾氣話以後唔講囖, 你哋話點呀, 點同佢講落去呀, 我話唔 ...

janicech

完全同意, 我都係出儲值卡俾個女用, 好彩兩年來半年都用唔到 $50

原帖由 20091 於 09-7-25 13:37 發表

我仔升f1時,我俾佢用儲值卡,$50用半年到了,到了升f2時,要我轉月費,我堅持不肯,現在$50=2-3月到,用儲值好,佢不會成日煲電話粥.其實自己有時會不覺,不覺超時啦.你有冇到電迅公司查核一下傾談的時間,(上學時,不正常用 ...

Carmen2004121

我阿女試過$1300 , 她初時不認 . 我是用以下方式解決 :
1) 先打電話到電訊公司了解 .
2) 上網 download 詳細帳單 . 了解是打了那些電話 .
3) 最后發覺是打了一些收費電話 ( $1 / 6秒 ). 再打往這找這些收費公司電話了解收費過程  . 確定是阿女問題 . 便拿住帳單找阿女計數 . 吾到佢吾認 .(但要平心靜氣 )
4) 收了她的電話咭 ( $ 35 / 月 ) . 改用 $ 50 / 張 . 同阿女講明因她有這樣行為引至我現在要多付貴些電話費 . 但如用超了 ( 一張 / 一月 ) , 就沒辦法 . 電話會終止服務 . 最終是她沒電話用 . 等好自已想 .

找機會再解釋給好聽 . 打這些電話引至的后果 . 再慢慢問她打電話原因 . 等她知道我是知她因好奇才打這些電話 , 我會給她機會改過 .

初時第一個月 . 半個月已打了 $ 50 . 我同她講我會幫她補入 $ 50 . 因是第一次 , 但如再扣清就會停服務 , 之后我再教好 check 餘下用量方法 . 等她自已 check. 當然我也要常常不在意地提提她 check 用量 , 現在平均 1.5 ~ 2月 才用完 $ 50 .

最重要是我會有覺好訓 . 因改了電話咭后 . 頂多只是每月 $ 50 電話費 .不會收到帳單才知費用 .

還有一般女仔電話費是會比男仔多 . 因女仔社交圈是比較活躍 . 尤其是這個年紀 . P. 6 時阿女完全沒有煲電話情況出現 .

波子

原帖由 20091 於 09-7-25 13:37 發表

我仔升f1時,我俾佢用儲值卡,$50用半年到了,到了升f2時,要我轉月費,我堅持不肯,現在$50=2-3月到,用儲值好,佢不會成日煲電話粥.其實自己有時會不覺,不覺超時啦.你有冇到電迅公司查核一下傾談的時間,(上學時,不正常用 ...

我個囝都係用儲值卡, $50蚊用好耐, 方便佢出街用, 係屋企佢會用屋企電話.

smltra76

今個月我個女因升中一的問題周圍同朋友及同學講電話因她心儀的中學還要她等所以電話費成五百元哎哎