澳洲 Adelaide 高中 : Prince Alfred vs Pambroke, 哪間較好?

MaMaHH

阿仔想去讀 year 11. 請比些意見.

感激!

彥彥媽咪

MaMaHH 發表於 18-3-20 18:37
阿仔想去讀 year 11. 請比些意見.

感激!

我二仔現在 Pembroke 讀 Y9, 你仔是否仍在港？因為一般好少收 Y11, 除非是在當地學校轉過去，皆因Y11 已是 IB first year, 出外多由Y8,9過去以便學校 prepare 佢地升上去，即好似香港咁好多中學都唔收中五插班生一樣。佢肯收就恭喜你。

我地揀 Pembroke 除左因為佢係 Adelaide 成績最好學校頭幾名之外，我想仔讀 co-ed school.兩間學校都多亞洲人，PAC 應多少少港人。今年我仔呢屆除佢之外，另有兩個女既。

校舍 PAC 比 Pembroke 大，Pembroke 現在加建中。Pembroke international student 係必需住 boarding, Y11 以上係單人房，PAC 就容許 homestay or boarding

你考慮得呢兩間, 點解唔睇埋 St Peters?

smellycat

彥彥媽咪 發表於 18-3-20 21:11
本帖最後由 彥彥媽咪 於 18-3-20 21:20 編輯

我二仔現在 Pembroke 讀 Y9, 你仔是否仍在港？因為一般好 ...

Hello! 請問你仔仔依家喺Pembroke讀得開心嗎？你係經agent申請學校還是自己申請？我打算俾仔仔下年去澳洲讀year 7.

彥彥媽咪

smellycat 發表於 18-9-22 23:22
Hello! 請問你仔仔依家喺Pembroke讀得開心嗎？你係經agent申請學校還是自己申請？我打算俾仔仔下年去澳洲 ...

我仔讀得 ok 開心丫，我是經 agent 搞，反正又唔收我錢，但只是搵佢同我處理文件 visa 個類，當日學校係我自己傾同見，再親自過去睇（唔止睇一間）見哂主任校長再school visit 後再決定揀邊間，之後咪睇邊間 agent 同揀中間學校有聯繫就塞個 case 比佢而已。agent 做我生意相當簡單。我三仔明年都會過埋阿德讀 Y7

留意到你都有問不同地方既學校，你肯定你真想去 Adelaide? 你認識呢個地方嗎？純好奇，因我識既人或在 BK 問升學既，一定先揀英美加，澳洲是最後，真係揀澳洲既又先揀東岸既為主，所以有此一八

Adelaide 在澳洲政府眼中係屬 ‘偏遠地方’ 架嘛，哈哈....但我特登揀佢就係貪佢人小d , 鄉下d

smellycat

彥彥媽咪 發表於 18-9-27 09:48
我仔讀得 ok 開心丫，我是經 agent 搞，反正又唔收我錢，但只是搵佢同我處理文件 visa 個類，當日學校係我 ...

我考慮咗成年喇，因為始終小朋友都仲細，好多嘢都要考慮得好清楚。澳洲呢個暑假我哋過咗去玩，衡量過首先時差冇英國、加拿大咁長方便我哋搵佢，起碼唔使等到半夜或者天光，再者澳洲天氣好過英國、加拿大好多，我揾學校prefer揾鄉下D嘅學校，我同佢daddy以前都喺歐洲D細城市讀書，明白大城市太多物質誘惑。

Norwood

回覆 smellycat 的帖子

認同你的見解，小朋友去讀書無需要去大城市，我曾經在Adelaide 住過幾年，這是一個好地方。另外你也可以考慮一下St Peter’s College, 這是一間歷史悠久的傳統學校，好多早年移民當地的醫生朋友仔仔也是讀這間學校。

彥彥媽咪

12162003 發表於 18-10-4 10:38
請問學費和住宿費多少？

南澳大部份私立學校學費同 boarding school 費係一半一半咁，Pembroke 現在收緊一學年係約 A$54000 咁上下，再上 Y10 或 11，12 學費會貴少少，另預每年約 2-3% 調整

bloody

回覆 彥彥媽咪 的帖子

hello, 想請教一下，我黎緊都會送大仔去adelaide 讀yr 7, 正考慮st peter's, PAC & Pembroke. 其實最主要係我想請教佢地呢個年紀去是否都好？點樣調適佢地同屋企人的關係？始終都正值青春期，我想了解一下過來人會點樣同小朋友維持關係？ 謝謝你。

彥彥媽咪

重覆左

彥彥媽咪

bloody 發表於 19-7-17 17:52
回覆 彥彥媽咪 的帖子

hello, 想請教一下，我黎緊都會送大仔去adelaide 讀yr 7, 正考慮st peter's, PAC &  ...

學校揀定未？睇過嗎？定 agent 講？或你是公民打算回流返去？只考慮呢三間？其他學校你有留意過嗎？

南澳大部份私校（除女校）我都研究左一輪、基本上若無家人在，我絕對建議要選 boarding, instead of homestay。St Peter and PAC 兩樣都有，Pembroke 若是海外生就一定只可選 boarding 不能 homestay。

揀邊間都有些個人喜好因素在內既，我選 Pembroke 因為我較傾向選男女校，St Peters 我不會考慮在於佢是明顯將自己定位成一間貴族學校，收費是全南澳最貴，但性價比上我又唔見得佢可以特別超越其他私校。收費咁貴相信是佢要維持佢超豪既校舍設施（奧運標準既泳池、球場等）有關。

PAC 校舍是三間中第二大、環境也靚，但論成績，三間都不相伯仲，Pembroke 應可再睇高一線，但我選 Pembroke 不是貪佢成績、而是較喜歡佢既氛圍，我喜歡佢宿舍是二人一房，而不是其餘兩間的四人一房。校舍雖然不及另外兩間咁超大，但當然都會比香港既好啦。另隨著有新大樓年底落成，學習環境應會更好。

我三仔年頭已過去、是由 Y7 開始、事實上海外生較少是 Y7 過去、多由 Y9 (中四左右）去，因為人大些，自理能力會高些、但在我、因三仔較適應外國既教育，事實上佢在港也是小四已轉入國際學校，因此在適應外國 high school 既學習模式問題不大，所以才比佢 Y7 就走、再者、二哥也在 Pembroke 咁就無乜所謂啦。我都唔想佢留在港。

至於維持關係，我一向不是跟貼在旁個種媽媽，三個仔我四歲已教佢地自己沖涼，7 歲左右已可自行上小學（步行 10 分鐘到學校）所以我多是久不久才 message 下佢地、佢地亦係有野講就會搵我咁。

但我會定期去睇佢地、我地在澳洲有屋、我一得閒就會飛過去（尤其 term break 時）佢地又會回家、咁一家人四圍去下，晚上食下飯咁、比佢地知阿媽總在附近，有事就搵我啦咁就得，溝通上就會保持到。

你南澳有家人/朋友嗎？無既你有否打算去陪讀？其實若小朋友自理好，夠獨立既 Y7 都應無問題，否則，若不放心，可考慮 Y9 打後先走。

bloody

彥彥媽咪 發表於 19-7-18 01:11
學校揀定未？睇過嗎？定 agent 講？或你是公民打算回流返去？只考慮呢三間？其他學校你有留意過嗎？

南澳 ...

多謝哂你咁詳細解答。其實選Adelaide主要係因為我先生都係AD 讀書加移民，讀完書都回流香港。佢仲有啲老表係果邊，而老表啲仔又係PAC 、ST Peter 讀緊，我自己就都係屬意Pembroke, 主要都係因為男女校，下個月頭都已經安排左約呢三間學校school visit,⋯其實我地本來都諗住遲多兩年先去，但香港嘅教育實在⋯所以都決定早啲過去等佢早啲適應。

彥彥媽咪

bloody 發表於 19-7-18 09:31
多謝哂你咁詳細解答。其實選Adelaide主要係因為我先生都係AD 讀書加移民，讀完書都回流香港。佢仲有啲老表 ...

既然你有居留權，你地選擇會多更多啦、大可也報埋公校首位 Glenunga, 我眼所見所有公民都只愛頭三間：Glenunga, Marryatville 同 Adelaide High

bloody

彥彥媽咪 發表於 19-7-18 09:34
既然你有居留權，你地選擇會多更多啦、大可也報埋公校首位 Glenunga, 我眼所見所有公民都只愛頭三間：Glen ...

但我老公冇屋係果邊，冇地址佢話報唔到公立學校

彥彥媽咪

bloody 發表於 19-7-18 09:36
但我老公冇屋係果邊，冇地址佢話報唔到公立學校

咁事在人為既 je, 是嗎？香港家長入喇叭個d 都唔一定有屋在 41 網吧？

haululu

彥彥媽咪 發表於 19-7-18 01:11
學校揀定未？睇過嗎？定 agent 講？或你是公民打算回流返去？只考慮呢三間？其他學校你有留意過嗎？

南澳 ...

想請問你個邊嘅屋貴嗎？因為想申請陪讀visa

彥彥媽咪

haululu 發表於 19-7-18 17:12
想請問你個邊嘅屋貴嗎？因為想申請陪讀visa

睇你想住邊，讀公校定私校？

因為最多人爭個幾間公校多是在東南邊、因此所有家長都會好似香港咁愛聚居在九龍塘咁，租金自會高少少、但整體計、house 是平過 apartment 的

若選私校、上面講個三間也是堆哂在東/東南，在我、由於我仔年紀較大了，也是住 boarding，再加上你即使住在學校附近，都要預揸車好些、個邊公交服務麻麻、你要有車先能方便民生野。

咁有車既話、嚴格來說住遠學校些看似又不大問題了（咁當然睇你仔女有幾大了）

大可上下 www.realestate.com.au 看下料就知。

Karenauyeun

想問下你哋小朋友讀boarding, 係咪每逢term break 都會返香港?

MaMaHH

回覆 Karenauyeun 的帖子

Yes! Most international students did the same as the boarding house will close.  It's quite boring when all friends leave the town.