俾自己個女同奶奶老爺搞到就黎家散

do2

而家我個女3歲,岩岩讀K1,以前細個係好乖好聽話,唔知點解個女越黎越變佢要點就要點,冇得say no,未鬧佢已經喊,跟住話佢幾句就仲離譜,小小唔順佢意就發顛同大叫
62最唔鍾意小朋友喊,62最鍾意就發顛,(之前已經為左教女問題,又同佢2個老野嘈大獲),
個女要食飯,又話要紮2條邊,我已經幫佢紮一條邊,咁我緊係哄佢,食完飯我幫你紮啦,個女就話,我要2條邊...重覆重覆,跟住就我要姐姐...重覆重覆...我話咁不如做工課先啦,咁住就大叫發顛,個下我先火滾,都未鬧佢,一直都哄緊佢!!!!62又係度,心諗,今次實死得,佢發顛,咁我就趕個女出門口,諗住等佢喊完先返入黎,門口只得一個門冇鐵閘個d,咁我緊係企住係度聽下同望下佢,佢仲係一直話我要姐姐....重覆(姐姐=工人)~跟住話我唔要媽咪,終於我忍唔住就教訓佢1次,佢仲要講多次我唔要媽咪,唉,跟住我話落去街教,同佢著鞋,更加發顛反抗,仲係咁踢我(之前係街教佢,冇靠山,教完佢返去之後就乖左2個星期),唉,跟住癈時嘈,去左後樓梯教,個女仲係話要麻麻同姐姐,激死我,跟住62就入黎啦,話我教細路仔邊係咁教,我話未打佢鬧佢之前已經係度發顛,跟住個老野就話,細路仔喊到咁我就唔信你冇打佢,火都黎埋,跟住返入屋企教訓佢,跟住先乖返,我已經自從上次嘈交我已經冇乜話佢,就佢架啦,而家我日日都冇提點佢架啦,一日衰過一日,野蠻指數100!!!
我決定搵野做啦,癈事留係佢地屋企咁唔開心,我唔教佢啦~鬧又唔得打又唔得,我真係唔識教,草錢搬,但老公又唔肯,再係咁我真係俾佢地迫到要離婚,一係就俾公公教,公公教人好狠,就係怕佢狠得制~個下先要諗,各位家長我應該點教個女,由得佢定係離婚定係去公公度住.....大家幫幫忙.我老公又唔想搬出去住....我就黎頂唔順個2隻老野 樓下仲有姑拉夾擊,大伯仲成日搵我老公笨,我地一出聲,個老野又話我地搞事,跟本就係佢地唔肯面對所有問題先入晒落我地條數

小曳人

你一定要叫你老公出面同6299講！
小朋友好醒，知道阿媽唔係話事人，就唔會理，去揾個就得佢嘅人！

do2

我就唔明次次我同老公一出聲就話我地搞事,老人家都就唔到~~佢自己個女同大仔出聲就乜都得~~我真係唔知點做,本身姑拉以前日日都上黎食飯,細路仔多人食飯實麻煩,但次次都等佢地9點20分先食飯,奶奶仲話而家大伯唔係度食,等埋佢地遲d食都得,激死我!!!!小朋友要返學,搞下搞下食到10點半,跟住上次嘈交之後佢地就冇上黎食飯啦,咁我叫老公打電話叫佢地上黎食飯,點知我聽到工人話,佢地而家日日都係樓下7點半,8點食飯,激死我

anteater

教女要一家人配合,你個女已經知道有其他人錫,咁落去會愈來愈難教,你愈就佢愈變本加厲,你要同你家人傾下,個女喊時大家都唔好出聲,由你去搞,就算佢地有意見,都唔好在女面前出聲,當然你都要檢討你教女的方法,話佢打佢恐嚇佢係唔正面,用正面方法,佢大聲,唔好同佢一起大聲,用愛用心同佢講,叫佢細聲D,慢慢講,平心靜氣,個家會和諧好多,如果你又大聲,個女又會學你一樣,就家嘈屋閉了,你壓力都好大,家有咁多"外"人,你個女至係你寶貝!