有無又係資優,又有讀寫障礙

puibpuib

阿囝做完測試,結果係資優,但係佢係手眼協調方面比較差,寫英文字,b, d成日調轉,用手指數東西時,個口數緊,但手指又跟唔到。教育心理學家話呢個歲數(5歲)調轉都係正常,但叫我要留意下,再持續係甘就真係要揾個專家做評估,想問下有無小朋友都有類似背景?我依家有咩可以做架?謝謝!

goodenough

我小朋友又係耐唔中會調轉寫。係耐唔中，又唔係次次，唔單只英文，中文都會好容易錯字，而家6年級都會不過就少左，好在佢考試，測驗就唔會錯。我覺得佢係平時唔專心，所以求其，一到重要關頭佢一專心就冇事。

mosquito_chu

我想問你的小朋友是係那做測試，你可否俾D資料我呢？

原帖由 puibpuib 於 11-4-4 21:06 發表
阿囝做完測試,結果係資優,但係佢係手眼協調方面比較差,寫英文字,b, d成日調轉,用手指數東西時,個口數緊,但手指又跟唔到。教育心理學家話呢個歲數(5歲)調轉都係正常,但叫我要留意下,再持續係甘就真係要揾個專家做評估 ...

麥兜MaMa

我有本書叫"好孩子是教出來的", 作者兒子便是又係資優,又有讀寫障礙.

hin_ma

我個仔大約五歲做了個智力評估,結果顯示是資優....(我寧願他不是),現在七歲了,每天做功課也像世界大戰...成績一般....(校方就是因為他的成績一般,所以排了一年也未輪到他見心理教育學家,因為他們要優先幫那些成綪好差的學生....)。
他小時候就像puibpuib的兒子一樣,把b同d調轉,再加埋唔專心,過動等,我帶他到健康院,他們推說小孩子一般係咁,叫我等他大d;上了小學情況無改善,健康院又話超過六歲唔關佢哋事.....,我又展轉帶他到政府的兒童體智中心,都唔知係咪我唔好彩,遇到個治療師,一口咬定我個仔無問題,係我有問題......,好吧!她睇完阿仔之後就結論阿仔上普通小學,不用跟進。
如是者,每天同個仔搏鬥做功課,一份簡單的功課要做一小時...好不容易捱過了一年級,個仔的情況更嚴重,他不能自控地不停郁動身體,他自己打自己要迫自己控制,但不成功....心痛。
唯有又再向政府機構求助。,他們又叫我及學校填問卷,但講明唔知會唔會受理,就算受理也至少等一年.....
我到外間私人機構再做了一次評估,他們又建議我在他們機構做某些治療.....
好攰,由知道阿仔有問題到現在,已經三年了,政府、校方一直當阿仔係波咁踢.....私人機構是我唯一的選擇,但我怕他們只是想賺錢.....

原帖由 puibpuib 於 11-4-4 21:06 發表
阿囝做完測試,結果係資優,但係佢係手眼協調方面比較差,寫英文字,b, d成日調轉,用手指數東西時,個口數緊,但手指又跟唔到。教育心理學家話呢個歲數(5歲)調轉都係正常,但叫我要留意下,再持續係甘就真係要揾個專家做評估 ...