港同突然話收我個仔,救命呀!

smallpig

諗到頭都痛, 因漢華的一切已準備好了(包括心情).  現在港同話收仔仔. 我都好想試. 但怕D功課好深, 要家長幫好多. 我們都要上班.  但知道學校非常優秀.  有無可以比D意見我.  唔該哂.

Charlotte_mom

我都係working mom
回想我女上小一時, 因為讀中文幼稚園關係, 連英文生字都未識讀(連最基本he she are the都唔識), 講都ok既
讀完一年班, phonics已有一定水準, 有信心自己拎住本英文書讀
學校1,2年班係持續評估, 即上堂表現, 留唔留心, group discussion有無參與, 功課有無俾心機做, 全部都count, 所以唔似傳統學校, 每逢測驗考試之前就操到cc下(有次派返d堂上評估返黎至知原來學校教左)
而學生都好主張學生從錯誤中學習, 所以唔會一年班就要求佢地串字岩晒grammar岩晒, 反而鼓勵佢地自由嘗試同創作, 唔錯又點知下次改呢
至於小朋友(同家長)心情, 就要靠你地了

原帖由 smallpig 於 09-8-16 04:04 PM 發表
諗到頭都痛, 因漢華的一切已準備好了(包括心情).  現在港同話收仔仔. 我都好想試. 但怕D功課好深, 要家長幫好多. 我們都要上班.  但知道學校非常優秀.  有無可以比D意見我.  唔該哂. ...

smallpig

Charlotte_mom

Thankyou so much!  你令我信心大增，我們定加入港同這個大家庭，今晚有得訓la。Hope to see you soon！

Charlotte_mom

岩岩o係小學版打左一大堆字, 有時候去睇下
http://forum.edu-kingdom.com/viewthread.php?tid=2146200&page=1#pid32247069
希望9月見到你, 來年多多指教

beautyyk

如果灣仔真光小學與港同你們怎樣選擇，因為兩者教學模式很唔同？

beautyyk

如果灣仔真光小學與港同你們怎樣選擇，因為兩者教學模式很唔同？

Charlotte_mom

嗯..........我試下答你
我女就係真光幼稚園出黎, 走左去考港同
真幼係一間好好既幼稚園, 老師好有經驗, 照顧學生成長, 活動教學, 小朋友讀得好開心
於是我唸, 係咪上到小學就一定要返"填鴨"呢條路? 真光雖然話係活動, 但有限, 而功課設計同評估方法都傾向傳統, 呢樣係我同D直升真小既家長交流之後既見解
真光有愛心, 家校合作一流, 呢樣無可置疑, 而真光同港同教學方法的確又好唔同........譬如話, 真光見到小朋友筆順唔岩(eg"口"字唔係下面兩隻角都有開口), 會直接圈, 而港同就唔會睇呢d細微野, even p1英文作文, 似國際學校教法, 容許小朋友串錯字用錯grammar, 好過一早限制左佢地唔敢錯唔敢寫(我有朋友個女讀esf, 個老師就話佢呢樣蝕底晒俾d鬼妹鬼仔, 淨係夠膽寫識寫果d句子, 無信心既寧願唔寫)
所以港同學生可能唔係語文最叻 (grammar唔似傳統學校咁成日操), 但一定敢於去運用, 佢地普通話同英文溝通都係完全ok的 (o係學生見中文老師就講普通話, 見英文老師就講英文, 日日都講架啦, 有咩怕羞wor)
校風方面, 港同學生亦夠膽好多, 由於positive reinforcement關係, 習慣咩都可以同大人講, 彼此之間距離會較近
真光教出黎既學生就會乖d, 港同教出黎既學生會活d, 睇下你想小朋友成為邊一種喇

原帖由 beautyyk 於 09-8-23 01:16 PM 發表
如果灣仔真光小學與港同你們怎樣選擇，因為兩者教學模式很唔同？