怕污穢

ddung_baby

請問有冇小朋友係怕污穢的, 我好頭痛
我女18個月, 所有PLAYGROUP要佢玩的嘢如 手撕意大利粉, 搓麵粉, 油顏色打手印. 都怕, 係要逃走嗰隻, 總之隻手有污濁, 黏黏, 淋淋濕濕的佢都怕, 其他的活動佢好乖咁坐枱椅, 平時佢好坐得定的, 一講到呢啲活動佢就死得
尋日帶佢去沙灘, 踩到乾沙佢OK, 一去到濕的沙佢就想喊, 畢啲沙倒落佢對腳仔度佢就喊唔敢郁, 一路玩沙, 一路要浸隻手入桶水度洗手

有冇媽媽教我可以解決呢個問題呀, 返學應該會成日玩呢啲的......

peaceandlove

回復 ddung_baby 的帖子

囡囡除了怕髒，
還有伴隨著其它你認為可以拿出來說說的特別氣質或行為呢？

leelpe

其實好多小朋友都係O甘，一來可能照顧者比較注重衛生，每每幫她清潔，二來對接觸少的東西自然抗拒。最好的方法是放輕鬆同多接觸，同埋家長、其它小朋友親身示範。如果有一個佢中意O既朋友仔可以帶住佢會比較容易，因為不同質感的刺激對小朋友的成長是有好處的。

snoopybk

給她多點時間適應, 多鼓勵, 多讚賞及多讓她嘗試, 她會慢慢接受的. 我囡囡以前都係咁,但大大吓發現其樂趣便不怕了. 信自己、信她！