小一學習

Rannie524

唔知係咪係到問 如果問錯地方 sor

姪仔宜家讀緊小一
地區名校
開學第二日開始就有功課
宜家平均每日六 七樣功課
一入學就教中英既句子重組 乘數
每個星期都有中/英默書 兩星期一小測
想問通常小一都係咁嗎

我女女讀緊k2 係保良局長全日班
宜家先開始跟影寫筆劃 字母
打聽同校k3讀完 都只係識a-z 個位既加減數
眼見姪仔以前讀傳統k3 宜家都追得咁辛苦
我係咪應該幫女女k3轉校

LODAVID

回覆 Rannie524 的帖子

係教乘數誇張D.

LODAVID

MIX UP SENTENCE 重組句子可以自己做教材.
唔知可唔可以貼其他網
www.theschoolsupplyaddict.com/blog/mixed-up-sentences

我跟此方法做, 我K2只叫小朋友砌, K3叫佢寫, 當遊戲玩又學到野.
小學面試有時會玩重組句子......

tantanmama

地區名校喎, 預咗佢教深教快, 而且, 小一教中英既句子重組正常呀, 教乘數就即係教快一年.
考測默幾多次就間間學校唔同, 官津每星期默書係常見的.
至於你女洗唔洗轉幼稚園, 要睇你打算俾佢讀邊類小學. 講真, 幼稚園教得淺嘅上到名小一定要辛苦追一排.

little_yolky

Rannie524 發表於 16-10-26 12:11
唔知係咪係到問 如果問錯地方 sor

姪仔宜家讀緊小一

其實小一選校應該選間啱小朋友程度又啱家長教學理念既, 你姪仔入得呢間地區名校, 咁佢爸媽應該一早知道係教快同workload較重既, 如果唔知, 就係家長問題囉。

一般小一, 開學第二日有功課都唔可以話好出奇, 一日六七樣都相當正常, 每星期或隔星期中英默書都係正常, 在於默書內容唔應該太深而已。如果小測唔計分又無乜所謂, 計分就當然唔係咁理想。重組句子都係好正常。你現在唔係要同阿女轉校, 係要陪阿女睇書, 睇多少少中英文書, 幫助閱讀理解。數學如果學校無教快, 就無乜所謂的。總之, 揀間合適既學校就好。

Rannie524

thx all
我本來都心儀姪仔學校
因為校友+女女想同校
以為中英數都深左 萌生轉目標既念頭
宜家先知一般既中英都係咁..
看來就算轉目標都要學習上加把勁/考慮轉校

neko1234

Rannie524 發表於 16-10-26 12:11
唔知係咪係到問 如果問錯地方 sor

姪仔宜家讀緊小一

咁誇?  小二都唔係一開波教乘數, 咁佢間數學, 最少快成1 1/2學期? 應該唔係地區名校咁簡單...

LGC

neko1234 發表於 16-10-26 13:24
咁誇?  小二都唔係一開波教乘數, 咁佢間數學, 最少快成1 1/2學期? 應該唔係地區名校咁簡單... ...

真心覺得小一第一個學期就學乘數唔係好事，
K3升上嚟小朋友差異可以好大，第一個學期教返基本數字排序，加數重要啲。
無熟習基本運算去學乘數只係唸口簧

真係想避開呢間學校，可以開名嗎？

hha

除咗教乘數之外，其他都好正常！

都開咗學囉，轉校都唔係話你想插間深嘅就有位，龍年咁多b，開咗學兩個月仲有位就要留意間學校有冇其他問題收唔足學生。

其實k2至小一課程父母應該有能力去自己教，你試吓用k2呢一年時間train吓自己個女，如果佢跟到你教快就繼續自行報呢間，報咗收咗都仲有k3一年時間追小一課程，否則報間程度低d嘅小學啦！

lhingw

Rannie524 發表於 16-10-26 12:11
唔知係咪係到問 如果問錯地方 sor

姪仔宜家讀緊小一

正如其他家長所講，數學真的教快很多。我小朋友學校教得快、深，數學教快 1/2 年，也要小一下學期尾用 2上B 書時才教乘數。好奇你侄仔的是那區名校？

twlo

我的小朋友也是小一英數教快半年，中文校本課程，開學不久就要做重組句子，下學期開始背乘數表。所以我想大部分一線津校也會教快的。
而其實小朋友也是讀學卷happy school ，升上小學也可追得上。所以不要太低估小朋友能力，最緊要讀得開心，免傷和氣。

MrBeast

Rannie524 發表於 16-10-26 12:11
唔知係咪係到問 如果問錯地方 sor

姪仔宜家讀緊小一

津定C小？我以為津小就算谷小一上學期都會是honeymoon period。好的開始是成功的一半，開學前的暑假最好find out more 就著課程做定準備