決定做超大b的感受

muimui125

小朋友是超大b，上年考k唔出聲，接近0 offer，今年以超大b身份，面試輕鬆自如做足100%對答有反應，同一個校舍，一樣既面試模式，成個感覺是bb轉變至醒目小男孩，有心儀offer，我感受很深。


之前果年我猶豫好唔好做超大b時，爬文後發現唔贊成的意見是因為 ”細b一樣可以好叻，一樣可以成功，唔應該浪費一年時間“
但係 我覺得：
1. 當然唔可以抹殺有好叻既細b，但比率真係有幾多，照正常情況，細b同大b表現真係差好遠
2. 考小學時，普遍地，超大b不會比細b表現更成熟和淡定嗎？
3. 點解會係”浪費時間”，讀多年幼稚園，開心多年，不好嗎？

我咁諗岩唔岩？真心請教

asukav6

如果決心考直資私小，咁係值得，但諗住考津小官小，我覺得冇乜必要

LittleSesame715

超大B指9-12月？

香蕉煎餅

係咪大部份幼稚園都可以重讀？定要轉校？重讀一年普通學券校要幾錢呢？

好多野唔識，謝謝指教

Penipony

muimui125 發表於 18-11-30 07:48
小朋友是超大b，上年考k唔出聲，接近0 offer，今年以超大b身份，面試輕鬆自如做足100%對答有反應，成個感覺 ...

唔好諗對與否，都做左決定，亦都比上年有得著，有心儀offer唔好諗咁多啦！ enjoy school

pokipoki

muimui125 發表於 18-11-30 07:48
小朋友是超大b，上年考k唔出聲，接近0 offer，今年以超大b身份，面試輕鬆自如做足100%對答有反應，成個感覺 ...

我同你心情一樣，但我仲未收到offer

Ca44

樓主我有同感,上年我都有照報K,諗住入到心儀嘅會照讀,入唔到當汲取經驗,結果面試時呆呆豬,只收到一些不太心儀嘅offer。今年超大B表現完全唔同,好主動。

我目標唔係咩名幼龍幼,只係想順住佢發展,既然我上年試過,或者證明佢係未ready喇。

其實人生流流長,等一年時間好多咩?況且呢一年都唔係白過,都可以有其他嘢學到。

muimui125

回覆 LittleSesame715 的帖子

是呀

muimui125

香蕉煎餅 發表於 18-11-30 07:57
係咪大部份幼稚園都可以重讀？定要轉校？重讀一年普通學券校要幾錢呢？

好多野唔識，謝謝指教

我見普遍幼稚園通常唔會純粹因為想做報大b而比重讀，除非佢發展上真的好有需要讀多年我小朋友情況是轉校
學卷最多3年，多出的一年自己比學費

香蕉煎餅

muimui125 發表於 18-11-30 08:14
我見普遍幼稚園通常唔會純粹因為想做報大b而比重讀，除非佢發展上真的好有需要讀多年我小朋友情況是轉校
學 ...

介唔介意講下轉校重讀要年要幾錢呀？

Babynia

絕對認同，仔仔今年超大，面試主動，100%識做識答，又識氹老師（佢本身好鍾意氹人開心），同上年只係識講自己個名好唔同。雖然我覺得佢上年表現已經比我想像中好，都有offers，但我覺得俾佢讀多一年preschool先係正確。我知道愈大個大細b差距會收細，不過我真係唔想升小一再俾大細b呢樣野影響。加上，我覺得做得超大就唔怕谷，所以都會試下aim at直資小學。

jajavy

muimui125 發表於 18-11-30 07:48
小朋友是超大b，上年考k唔出聲，接近0 offer，今年以超大b身份，面試輕鬆自如做足100%對答有反應，同一個校 ...

恭喜樓主小朋友今年以超大有心儀offer。我小朋友超細男仔，而家經歷緊你上年嘅情況，暫時都係零offer （除左N果間可直升K）。我都疊埋心水做超大，下年再戰，但另一方面，眼見今年超大的也未必有絕對優勢，得到心儀offer。

hil_hy_c211

回覆 muimui125 的帖子

我同你ge情況差唔多，都係決定比小朋友做超大b。

我個小朋友上年interview時正係trouble 2反應到達一個"極至"的時期，別人坐佢就要企，別人企佢就要坐。所以自己報ge學校冇間收。果時人地都話點都要搵到一間比佢讀幼稚園，又叫我留意教育局最後發放ge名單，但我決定直情遲一年入學。

跟住呢一年，我帶佢一齊探索，去了幾個旅行，增加了佢ge exposure。至於其他教學，都係主要自己/屋企人教。

今年同佢再報幼稚園，觀察到佢各方面都有成長。完全唔會落後比人。 完全沒覺得自己浪費時間。我不太在意別人想法，只在意孩子的發展和成長。

muimui125

香蕉煎餅 發表於 18-11-30 08:18
介唔介意講下轉校重讀要年要幾錢呀？

我小朋友而家學卷k1 (不用學費）出年超大b讀私幼k1

muimui125

特別是因為男仔， 所以做超大覺得對佢各方面發展都有利。
但細女也是11月尾b，今年報緊n，預左無學校收。。。都諗緊好唔好都做超大，不過女仔又怕佢大個左會唔開心， 苦惱

karllambb

我識人靠超大B入名直資，結果年齡優勢越來越少，升中只入到band 2.

想講的是，超大入到直資唔算真正叻，如果俾佢以為自己好叻搞到自大，得不償失。

相反，我自己經歷係超細b真係叻而後來居上是超爽的，特別在中學時。

ChanBi

回覆 Ca44 的帖子

我想問下你嘅經歷係應該點界定小朋友READY未?

flora625

我仔12月尾出世, 我好早就已經決定比佢做超大B, 其實純粹擔心佢太細上年我只係報N, 冇報K, 全都是村校, 其中一間的校長打黎叫我考慮下報K, 冇需擔心佢太細, 校長仲話我報N會搞到我仔遲左一年先學到佢應該要學既野.......................
但我會諗........我仔都係比2016年1月1日出世的小朋友大幾日姐...........真係會拖慢我仔的學習進度嗎? 其實聽到校長咁講都會唔開心........不過我最後都係決定做超大B

高0媽媽

flora625 發表於 18-11-30 10:01
我仔12月尾出世, 我好早就已經決定比佢做超大B, 其實純粹擔心佢太細上年我只係報N, 冇報K, 全都是村校, 其 ...

同你諗法一樣，15年12月和16年1月出世都係相差一頭半月。校長咁講唔同1月出世個D就全部遲咗一年應學嘅嘢。

Ca44

面試時眼見其他小朋友表現好叻,對答好好又聽指令,當然佢地都有機會係細B..
但我唔係要同其他小朋友比較,我毎一日見住個仔成長,我明白了解佢發展到乜嘢階段,在於我個人角度,我係滿意我仔面試表現嘅.

所以既然學校唔收佢,或者係佢未達到要求,始終毎個小朋友成長發展速度都唔同