請教:發展遲緩兒子 現2歲 可做甚麼?

kikigal

一歲半時轉介至智能測驗中心, 評估為整體發展遲緩, 認知能力比年齡慢(慢了9個月至1年).
(早產, 09年11月出世, 剖腹出生, 有腦出血)

11年3月透過社工, 在CAC評估前找了醫生寫報告, 預早排E位(最後CAC評估也是排E位).
上個月知道附近將會開新的EETC, 透過社工改了志願, 首選那間新的... 希望縮短輪侯時間.

OT 2星期一次, PT 1個月一次, 兒科, 骨科, 營養師繼續跟進.

現兒子更正歲數足2歲, 雖然未能不扶東西自己企, 但肯拖著手走路.
不過這四天突然完全不肯走路,  拖著手也不肯, 雙腿夾著我要抱....... 究竟是生理還是心理問題?!

去了兩間普通幼稚園面試, 結果是waiting!唯有等13年先讀K1.

社工說可以申請傷殘津貼, 但我沒有醫生證明(手上CAC 評估報告沒有醫生簽署的)... 可以等到兒科複診時請醫生幫忙填表嗎???

請教各位有經驗人士... 現時我有甚麼可以做的?
私人的訓練太貴負擔不起, 兒子未能獨立走路就更令我擔心.......

大b豬

唔好意思我想問由幾多個月先會發覺小朋友有 delay呢 ?
因為我bb 出世時都有腦出血..所以我擔心想自己留意一下.

eva816

原帖由 kikigal 於 12-02-02 發表
一歲半時轉介至智能測驗中心, 評估為整體發展遲緩, 認知能力比年齡慢(慢了9個月至1年).
(早產, 09年11月出 ...

傷殘津貼要社工搵cac醫生寫，你問你個社工

methy

回復 kikigal 的帖子

行路問題,有無問過PT? 其實以你阿仔情況可唔可以要求密d返?

小朋友都會有情緒,狀態不佳情況，我阿仔之前好想行,但一行就跌,跌得多都無哂引,發睥四,曾經都有個幾星期
唔肯扶野行,歲半識爬就只肯爬，攪到我頭都痛,好彩一星期返一次PT,PT檢查左又話無野,話阿仔大個,識耍脾氣，
唔肯行。


兒科醫生唔簽傷殘津貼的,搵返社工幫手呀。

打唔打算搵附近 政府資助機構既s位暫託? 我阿仔返左暫託後,叻左,進步左。雖然一星期,暫時兩次,每次兩個鐘($16/2小時),但佢同一班小朋友一齊坐痰罐,學刷牙,學野,好開心。

大b豬

回復 大b豬 的帖子

oh NO!! 我B 都係食得少,唔夠重見緊營養師,
依家9個半月都無反身同爬!
但係就識坐都坐得都幾穩.....擔心中..

Reddish

你排到學校最好,否則去私人位,或協康遊玩班,暫托也好,兩歲係黃金學習期,正常小朋友同特殊小朋友都好多學習,加油!

kikigal

傷殘津貼要社工搵cac醫生寫???
為何個社工叫我自己去拎form填???????? (其實呢樣野係我問我個社工, 社工打電話去問先知有...)

methy

回復 kikigal 的帖子

都可以既,自己填完交比CAC醫生簽批都得。

我情況係,見CAC醫生時,佢主動幫我簽埋傷殘津貼,我無要求的。

正常程序係,先搵社工.等佢出信比CAC醫生簽批。

otabc

回復 大b豬 的帖子

9個半月仲未識轉身就真是有點遲！
是否早產？
是否剖腹產？
出世時有否特殊異樣？例如呼吸困難等等
原始反射動作(primitive reflex)有否出現及轉變？可幫助評估有否腦損傷。

大b豬

回復 otabc 的帖子

剖腹生產的.約37WEEK 4 出世.
其他無特別..有反射動作.

otabc

做BB massage, 全身適量搖動刺激訓練(不是晃動頭部，會死人的)。
不要坐BB車或學行車，盡量是地板時間(floor time play)。
還有沒有ATNR？反射動作，該有的時候沒有，或是該消失的時候沒消失，都屬於不正常狀況，甚至與寶寶腦部中樞神經發展有關，父母親應盡快帶著寶寶去尋求專業醫師觀察與診治。

BBQUEENBB

個仔而家12個月都未識轉身同坐穩，都係大小肌發展遲緩，而家做緊pt/ot/推拿，今個星期去試針灸，我都好擔心！

shekchaimom

係囉，玩住playgroup先啦，協康好似大埔同上水有D平日的playgroup

jaynepig

我個囡而家接近19個月,肌張力低,剛剛做完評估,而家排緊i位,不過怕到2歲既時候都仲未有位,而家放係育嬰院湊,兩歲就要畢業,唔可以再留係度,兩夫婦做野,屋企人又要返工,咁係呢段真空期可以點?

BBQUEENBB

原帖由 jaynepig 於 12-02-20 發表
我個囡而家接近19個月,肌張力低,剛剛做完評估,而家排緊i位,不過怕到2歲既時候都仲未有位,而家放係育嬰院湊, ...

我而家排緊E位，點見可以排埋I位呢？

jaynepig

E位代表什麼?我都唔知,i位係經醫生再經社工轉介架~

otabc

一般playgroup對發展遲緩、肌張力低的兒童幫助有限，叫做好過無。
家長們要把握兒童發展的黃金期，切勿 Hea，小朋友的將來靠你們適當的扶持，既然已經知道問題就要對症下藥，坊間除了Heep Hong還有其他機構，緊記小心選擇，不要藥石亂投。