好擔心，BB就嚟兩個月大，但對聲音無反應，又唔望人

berriesmania

我地同BB講野佢唔會望，亦無任何反應，但有大聲佢會嚇親，出世做聽力亦正常。我地餵奶，佢實係望住啲燈或者望另一面唔望人，有時自己無意義咁笑，離遠佢會望下我地，但唔知係咪望眼。但我地走埋去望住佢，佢就會碌開對眼。我而家好擔心好驚，好多人話BB一出世或者四五個星期已經認得媽媽，中意聽媽咪把聲，但我個女對我完全無反應

lobb2015

建議同健康院姑娘講，話要求見醫生。如果你好有錢，建議你睇一個兒童發展科的醫生，或者兒科醫生。平時在家，多啲mit吓按吓手，腳，背。篤吓腳板底。同時講吓嘢。用啲lotion按摩吓。提供刺激俾BB。