有冇自閉症小朋友上學比人"蝦"

conconma

其實自閉症小朋友都分好多種, 有些比較內向, 就算比人打都唔識say no

有些則過份進取, 結果比人誤會佢騷擾人

我個仔就係前者, 所以我都好担心佢將來會比人蝦, 最慘"蝦"0左都唔知, 因為佢未必識講番我聽, 唉...點算

huiaudrey

我囝囝比同學笑，Ｄ同學又唔同佢玩，坐校車要佢一個坐最後，種種。。。。其實佢好慘架，唔知點同Ｄ同學溝通。Ｄ老師又唔去處理，佢讀左半年，好驚返學，然後同佢轉左另一間小學插班，佢而家返學好開心。

conconma

的確...香港做得好融合教育的學校真係唔多

即使我以前讀特殊教育0既同學仔, 當中有老師, 有媽咪, 有護士

當講到融合教育0既topic, 竟然有好多人反對, 得我一個贊成

做父母0既都唔贊成融合教育, 佢0地0既小朋友又點學識去同特殊學生融合呢

huiaudrey

唉!好難架.正如我個仔之前既班主任同我講:[我一班有30個學生,我無可能為左你一個小朋友,要全班同學去就你.更加上,你選得我呢間學校,你就預左架啦.(佢係一間果區BAND 1 小學),我每日既課程好趕,唔會有時間個別學生去輔導架]個班主任其實講得無錯架,係我個仔唔合適啫,唔可以怪人.

ChinPearly

想請問你囝囝而家讀的學校是否小班教學呢?

以前個間是否傳統學校, 沒有參與教統局的新資助模式/攪融合教育的經驗?

因為囡囡今年k3, 而家要進行選校. 心儀的學校都屬傳統的,一班有30人的, 但有做融合教育的經驗.

現階段想聽多些意見. 謝謝！

原帖由 huiaudrey 於 09-9-15 23:27 發表
唉!好難架.正如我個仔之前既班主任同我講:[我一班有30個學生,我無可能為左你一個小朋友,要全班同學去就你.更加上,你選得我呢間學校,你就預左架啦.(佢係一間果區BAND 1 小學),我每日既課程好趕,唔會有時間個別學生去 ...