ABR test準唔準?

yym826

小朋友現在5個月大，3個月時ABR test左右耳都是60dB，依家等6月再唔知test咩，然後見ENT Dr，想問各位有經驗家長，ABR test準唔準?60dB 是否弱聽?好唔好去私家再test?

icanhear

ABR的結果是很準確的，但有時候ABR只顯示中高音的聽力，即低音聽力可能好過60dB。

60dB 是中度嚴重弱聽，可參考http://hearingimpaired-impact.blogspot.hk/2010/05/40-55.html

若你有所懷疑，可以去私家的聽覺中心再TEST的。

yym826

有冇私家可介紹?會唔會好貴?如果只靠政府跟，會唔會延遲治療?

icanhear

私人可以去峰力、唯聽及其他聽覺中心。
當然私人較政府可以快一點，但出面做了政府都會再做。

yym826

我問過峰力，他說我七月十一政府有覆診安排hearing test，八月二日見ENT Dr，到時可能醫生會出信比我到教育局取免費助聽器，到時BB可能大概一歲，因為就算現在book 峰力再微做ABR&ASSR test都要6月中，他們覺得時間上不是差太遠，建議可等政府覆診先，因為私人做及買機始終好貴。
想問如果BB ABR test result is 60dB，等到一歲才帶助聽器會唔會太遲?

icanhear

點解而家小朋友5個月大診斷，要一歲才戴機？
早戴小朋友會早適應，早聽得清楚，可以減低“唔理聲“、“唔理人叫“的習慣。60分貝不是輕度，已算中度至中度嚴重。早戴機會對小朋友的整體發展好好多。

yym826

峰力話由醫生出信到教育局申請，文件來往可能要3、4個月，所以拿到免費助聽器可能到時BB已經一歲

icanhear

其實現在的國際標準及目標是：出生1個月內測聽力、三個月內確診聽力程度、六個月內配機及開始聽力及言語訓練。

如果六個月戴機，早開始聽得清，可以較快追到健聽孩子的發展；如果一歲先開始戴，就要多一倍時間及努力去追。再遲就再要追多啲......

yym826

想問如果經濟有困難，除了等政府免費助聽器，有冇其他機構申請資助購買助聽器?

icanhear

可以問下社工？多年前，聽聞可向政府醫院申請資助（成人），而奧迪基金會曾免費捐出幾部助聽器給有需要家庭。

但現在教署已免費派雙耳質素不錯的助聽器。

hoishun

Abs 很準

crystal媽咪

對於說政府派的機的質素有所保留, 好多小朋友的家長都不認同, 而且實況都係聽得無自己買的貴的機好.

icanhear

這兩年開始，教署派的助聽器已經有改善，現在是雙耳各派一隻六個通道的、有自動台的數碼助聽器。是不錯的質素。

當然父母可以為孩子挑選更好質素的助聽器。