如老師認為子女有智障的傾向,作為家長會如何接受呢!

12345BABY

如老師在課堂的觀察中，認為你的子女有智障的傾向,建議作評估，作為家長的你會如何接受呢!如當中有些過來人可在此分享一下心路歷程呢!謝謝!

pocoyo123

唔明白智障的傾向的意思?如果有任何的問題,6歲以下可向CAC評估中心作智能評估, 評估完後可知小朋友的智能如何, 智障應該係無傾向, 只聽說有"宅介"即是在有限智能和輕度智障條線"宅介"所以, 家長應先去為小朋友評估先,再作決定

kikiboy

即刻帶去評估(政府的一定要等)
無論結果如何, 從容面對.

小倩

係與唔係, 做咗評估先知...
首要係排期做評估, 唔可單就老師觀察而咁快做判斷

fatpam

傷心痛苦一定有，但實際d ,做評估排服務係當務之急，錯過幫佢時間，會再傷心多好多次。

fatpam

見佢因各種訓練不斷有進步就會開心番d

pollybell

5歲以下都唔會叫智障,除非DOWNS,有樣睇,最多叫發展遲緩,5歲就可以用一個IQ TEST,70以下先分智障既情況,你最清楚小朋友既情況係唔係我諗你一定清楚過學校.

honeybeeMA

是的,補充一句是就算被評估是有問題, 都要去發掘他們的長處,(所謂天生我材)..及接受他們的缺點, 會令他們日後的路好行點..

414928

平常心去面對,只要你逆地而處,你想父母點對自己?佢有問題佢都唔想,父母早些接納和包容,對大家都有好處,一個銀幣有兩面,你想用那面去面對是有得揀的,有些東西發生了沒辦法改變,但自己要怎樣面對是有得揀的,加油!

why-me

其實仔女智力有冇問題, 作為家長都會心裡有數, 只係老師都咁講你接受唔到, 唔好做鴕鳥.

babycat9001

分享感受:
只讀左一個月,學校主任同我講我個仔出現問題,比同齡少左8-9個月,叫我正視...我當時仲好呀Q精神覺得個主任有冇梗錯,做乜個個小朋友都唔講,係要講我個仔,不過就算遲左都唔係唔好,起碼唔會睇到新聞咁,大個左會打呀媽...不過我仍然同仔仔排CAC,排隊呢半年,我上網搵左好多知料,覺得仔仔最多都係似入E位...評估出左,原來情況差到要入S位,仲係A仔
一時間我接受唔到,知道小兒有個唔知會唔會醫得好既病,見到小朋友笑得好開心,跟本唔知發生乜事,但我就到冇左10磅...
接受左之後我更加愛鍚小兒,抱住十分耕耘,一分收穫,教改善行為,現在還在努力中.
最後要多謝學校主任,垣白說出小兒問題,得以及早發現...

eduplus

我在教育中心教班的時候都接觸過這類學生，雖然他們學得比較慢。但好多時都好錫自己父母的。老實說 ：好多時都只有大人不開心，小朋友其實好自在。

owl_2046

eduplus 發表於 12-6-20 17:12
我在教育中心教班的時候都接觸過這類學生，雖然他們學得比較慢。但好多時都好錫自己父母的。老實說 ：好多 ...

講得好

why-me

eduplus 發表於 12-6-20 17:12
我在教育中心教班的時候都接觸過這類學生，雖然他們學得比較慢。但好多時都好錫自己父母的。老實說 ：好多 ...

你講得冇錯, 佢地真係好開心, 無憂無慮, 唔使比我地谷佢測驗考試, 開心就笑, 唔開心就喊, 無須理會別人感受, 我地做父母傷心佢都唔知, 只能講一句: 我前世欠左佢, 今世還債比佢, 來生不拖不欠