真道學生的品德

Turtle_MRSHO

小兒有肯有真道OFFER, 聽完簡介會, 覺得D小朋友都會開心愉快地學習, 唔會好似TRADITIONAL SCHOOL好多抄寫功課,

但希望現任真道家長比D分享, 我見學校都好FREE, 冇SCHOOL UNIFORM, 得唔同COLOR SHIRT, 其實學生會唔會太FREE,好似國際學校咁, 因為本人對國際學校D學生, 品行有所保留, 有D唔係太識專師頌道

請指點一下

ozoz

原帖由 Turtle_MRSHO 於 13-10-08 發表
小兒有肯有真道OFFER, 聽完簡介會, 覺得D小朋友都會開心愉快地學習, 唔會好似TRADITIONAL SCHOOL好多抄寫功 ...

Push,我都好想知，同你一樣諗法。

我見過intl school學生hup麵包店阿婆唔識英文，好討厭。

yeelam1209

學校係唔想家長浪費金額用係買校服上, 如果一轉季普通要買校褸, 冷衫, 上身衫, 褲, 體育衫...之類, 可能都已經仟幾, 家長會覺得值嗎? polo shirt 可以同學校指定的供應商買, 亦可以著街外的, 但必須淨色, 學校亦希望樸素, 唔會太大個牌子logo.

我的睇法係校服只係一件衣服.  著校服的小朋友特別乖? 特別聽教?

每間學校仲有不同類型的小朋友,眼見真道小朋友都好乖巧, 我的睇法係小朋友品德方面應該跟家教影響比較多.

natnat519

原帖由 yeelam1209 於 13-10-09 發表
學校係唔想家長浪費金額用係買校服上, 如果一轉季普通要買校褸, 冷衫, 上身衫, 褲, 體育衫...之類, 可能都 ...

Totally agreed

Turtle_MRSHO

回復 yeelam1209 的帖子

我都只係好有心想多D料解學校, 並不是純用校服定小朋友乖不乖, 只想再料解多D

CnLola

yeelam1209 發表於 13-10-9 09:13
學校係唔想家長浪費金額用係買校服上, 如果一轉季普通要買校褸, 冷衫, 上身衫, 褲, 體育衫...之類, 可能都 ...

無錯! 已經唔係第一次聽到, 唔明點解有好多人覺得無校服=無紀律!  其實以我觀察,大部份真道學生品德都好好, 學校不停有關品德的教育教導學生,老師們扮鬼扮馬又做話劇又作歌仔!  只是有某小撮家教問題影響的,香港間間學校都有, 看你好唔好彩,身邊有無啫!

littlefaith

不過，真道對返學服飾都有要求，例如樓上講過要淨色，仲有另一項要求係著衫要有「領」有「袖」，當年丘校長強調除咗得體之外，另一個意思係要學生記住要努力學習做「領袖」。

stseng

一方面唔希望好似  traditional school  咁刻板以至於窒礙學生的思維同創意，另一方面真道給予學生一定程度的自由，希望佢地開開心心返學、各自展現自己的個性、思維，但咁又担心太自由以至於唔識尊師重道、課室無秩序……等等。  這樣的十五十六心情可以理解。   但若因學校無特定校服而引伸到担心太自由以至於唔識尊師重道就似乎太簡單化了!
真道規定學生要着淨色Polo Shirt加籃色或卡其色衭，波鞋不可有螢光色。  學生並不是隨便喜歡着什麼就什麼。  這是「自由中有道」。
不知大家有無見過，一些學校嚴格規定女仔的校裙長度、男仔頭髮長度……等，仲有專人在校門check 你呢?  但學生咪一樣講粗口、打交、吸煙……
學校沒有特定校服不代表學校校風「太自由」。  學校校風自由亦唔代表學生唔識尊師重道、課室無秩序。  
如果因為學校校風自由 (包括沒有特定校服) 而担心學生唔識尊師重道、課室無秩序，那麼每天看見仔女與其他同學穿整齊清一色校服反而感覺良好，担心少些，那麼為求安心保險，個人覺得應該選有特定校服的學校

真道呢杯茶唔系人人啱飲，啱飲都要有guts 去飲。  

ozoz

原帖由 stseng 於 13-10-09 發表
本帖最後由 stseng 於 13-10-9 16:08 編輯

一方面唔希望好似  traditional school  咁刻板以至於窒礙學 ...

相信樓主用意並非負面心態去問，只係想了解多d間學校啫。有人話真道小朋友上課嘈對老師無乜禮貌，我地未入真道未知真相，我地更唔想信d某某傳聞，所以先想請問下現任家長了解下，可能用詞令人誤會咗啫。至於我自己，我認為如果小朋友因為怕老師罰而安靜的話，小學時可能會好有所謂嘅discipline,到大個d有毛有翼時咪彩你都儍。

yeelam1209

我以一年級的科程作簡介
中文科
每星期8堂 - 4堂國語授課, 國語堂由併音開始教起, 亦有朗讀文章
                   4堂廣東話授課, 由筆劃教起, 學校自篇課程
另有閱讀存摺, 鼓勵同學多閱讀, 無定時收

英文科
每星期8堂 - 全英語授教, 教科書, Oxford family & friend 2, 另學校自篇課程
Dictation 隔週
reading log 都係鼓勵小朋友閱讀, 每星期一交

數學科
學校自篇課程, 由最基本的教起

另有媒體科, 科學堂, 社會堂......

功課量唔多, 抄寫亦唔多, 一日約三樣, 我小朋友約30-60mins完成, 雖然功課唔多, 但有部份係堂上老師一齊做, 改完先派, 我想用意都係了解小朋友在課堂上的理解有幾多!

到小三部份課程由中轉英, 學校網頁有提供
http://www.logosacademy.edu.hk/w ... %AA%9E%E8%A8%80.pdf
須思考的科目低年級用母語教, 係最直接最容易明白, 當基礎隱固再轉其他英文授課

偏重於英文唔係好事, 三文兩語係須平衡發展, 始終要入大學主科(中, 英, 數) 係好緊要!

升小之路我都曾經經歷過, 但家長首要知道小朋友的強,弱項, 自己對小朋友的期望, 小朋友的興趣, 才唔會出現錯配的情況!

Turtle_MRSHO

回復 ozoz 的帖子

多謝您的公道說話, 一心想問下現任家長, 聽下他們第一身分享, 就是希望對學校更多料解, 不想估估下.
點知換來比較負面的反應, 我那個是問題, 如果各位覺得有眨意, 萬分歉意

stseng

大家唔好誤會, 我唔系負面回應, 只想家長想清楚安安心心才決定是否入真道以免與自己期望有落差。  去過學校及open class 就了解學生雖然活潑、多咀、跳跳扎但喜愛學校、老師和同學、聽話受教，上課投入感強

ozoz

原帖由 stseng 於 13-10-09 發表
大家唔好誤會, 我唔系負面回應, 只想家長想清楚安安心心才決定是否入真道以免與自己期望有落差。  去過學校 ...

我都好其待open class,等通知幾時。其實我女兒有幸被取錄好開心，女兒將來7am上年，5點幾返，計下條數，兒童期反叛期青少年期有差不多一半時間喺學校，點都想知多d。真道歷史短，參考唔太多，而學校website通過寫好嘢（不是針對任何學校），真的希望用家問下。呢度家長好熱心，好多時會出黎花時間回答我地昵d素未謀面嘅媽媽，萬分感激，亦感受到家長對學校嘅認同。

boyboy_mama

確有真道老師及家長都曾對我說話上課d學生好嘈，及discipline唔夠好，將心比己，希望大家明白作為家長的我，會有一定的擔心，及想知真相，定力夠的孩子當然在此環境學習冇太大問題，但小兒是容易受影響嗰類，如果情況屬實，確是不適合小兒，否則真道定是本人首選，希望各真道家長幫幫手，讓本人選上最好的給兒子。

CnLola

boyboy_mama
如果你問上課學生會唔會好嘈，我可以講一定會，真道唔係個種全部學生坐定定，靜靜聽書的學校，正如stseng 講小朋友上課好投入，不停問問題，搶答老師的提問是一種嘈。有頑皮的學生破壞課堂秩序，又是另一種嘈，我相信每所學校都有。但discipline是否唔夠好呢？就見人見智。但我的小朋友在此環境下學習，完全無問題。
ozoz:

我認為如果小朋友因為怕老師罰而安靜的話，小學時可能會好有所謂嘅discipline,到大個d有毛有翼時咪彩你都儍

　
小朋友是因為怕老師罰而安靜，我估個個小朋友都怕老師罰，傳統學校使用呢招一定比真道多，咁是否學生大個都無discipline?
正如你講朝七晚五，上學時間長，又十一年學制，個人覺得是要考慮的一個問題，因為時間可能不夠用。

littlefaith

其實，傳統小學六年有大約一年係浪費掉，主要用嚟狂操TSA，咁真道冇需要做呢樣嘢，咁咪慳咗一年時間囉，明未？

ozoz

原帖由 boyboy_mama 於 13-10-09 發表
確有真道老師及家長都曾對我說話上課d學生好嘈，及discipline唔夠好，將心比己，希望大家明白作為家長的我 ...

我女女都有類似情況，不過如果硬要佢坐定隔離，我留意咗好耐，其實佢係會坐定不過係發夢，諗嘢。之但係，分組學習或討論的話，佢投入就會發問，反之會影響其他同學一齊研究發問（我去學校做上課義工加埋同老師傾得知）。如果係傳統discipline 我女系得，重好乖好專心咁，不過要多花一倍時間同佢糾纏因為佢係浪費時間無入腦。我自知女兒係咁性格，佢k2下學期開始懂事小小，我無叫佢唔好比人影響，我反而更鼓勵佢倒轉頭用正面態度影響別人，老師後來話我知，佢地分組試做d嘢失敗，我女會企出黎叫同學唔好放棄，諗下其他方法再試下。

好多熱心媽媽已經講咗好多實際情況，如果你對真道教法仍然有存疑，比著我會放棄真道，因為即使返咗學，成績只要有小小唔到你其望，你總會覺得仔仔係因為受人影響，自己今日嘅決定害咗個仔。重有係，你有機會覺得仔仔駁咀。可能我係怪媽，我女駁咀而有合理理論支持，我反而會認同佢，d杻計不合理廢話，因為無合理嘢支持，佢會挑戰失敗。

至於我，我會睇埋其他學校結果再決定讀邊間，而真道會係首選之一，因為我平時都係咁樣教女。英文對於我嘅情況，背景同將來家庭安排都非常重要，語境佔非常重要一環，更會影響我選校決定。我會繼續硏究下，等親身觀課。

stseng

回復 boyboy_mama 的帖子

其實每人都對「嘈」及「discipline」的定義及尺度都唔同、亦視乎觀點角度看待課室整體表現。嘈不代表課室沒有discipline, 我所觀察的課堂一般都感受到同學勇躍參與, 沒有無規無舉, 我就好滿意。  學生在如此「嘈」及「discipline」的學校成長仍能在填鴨式的公開試取得令人滿意成績, 我冇complain 囉。  若果你小朋友只愛安諍的課室環境下好有紀律秩序地學習而不喜與其他同學太多互動, 而你又受不了學生上當討論時吱吱喳喳, 不想你小朋友受感染成勇躍課堂參與者, 那麼真道可能不是你杯茶。  請三思, 希望幫到你!

stseng

回復 yeelam1209 的帖子

I agree "偏重於英文唔係好事, 三文兩語係須平衡發展, 始終要入大學主科(中, 英, 數) 係好緊要! "

我親戚小朋友讀St Stepten's Girls, 小學(P1-P6)並非英小而佢校長堅持母語, 因為如果從小中文基礎打唔好分分鍾入唔到大學

ozoz

原帖由 littlefaith 於 13-10-10 發表
其實，傳統小學六年有大約一年係浪費掉，主要用嚟狂操TSA，咁真道冇需要做呢樣嘢，咁咪慳咗一年時間囉，明 ...

重有我計過，每年第五學段（好似大約一個月，有錯請更正），11年每年多一個月咪即係多一年啦，好勤力。我有位做小學老師嘅朋友話，如果佢未結婚生仔，加埋對教育有火先會申請教呢d學校，淨係造教材同應付每事問都做c佢。