有幾個疑問, 希望有家長可解答作參考, 謝謝.

All_is_well

請問會唔會用簡體字教,有冇德育及國民教育科(國教)及要唔要參加國內交流團呢

JadeW

冇簡體字。
交流團學校有舉辦，可止內地、其他國家地方都有，好似自行報名，如果太多人參加仲要爭先有得去嫁。
你吾喜歡參加，當然可以吾去啦，仲要自己出錢既，冇人會迫你去。

JadeW

答漏左：冇國教科嫁。

All_is_well

回復 JadeW 的帖子

多謝解答~

macaw

G7 開始每年全級都要去一星期生活體驗之旅，有內地也有外國。今年好似有一級去新加坡，有一級去越南。小學去外地就多數要報名再由學校選，多數四五年級開始才有。

All_is_well

G7開始一定要參加?唔去要有合理解釋嗎?

macaw 發表於 13-3-20 20:15
G7 開始每年全級都要去一星期生活體驗之旅，有內地也有外國。今年好似有一級去新加坡，有一級去越南。小學 ...

macaw

原帖由 All_is_well 於 13-03-20 發表
G7開始一定要參加?唔去要有合理解釋嗎?
macaw 發表於 13-3-20 20:15
G7 開始每年全級都要去一星期生活體驗 ...

這我不知道，因為小朋友還在小學。

JadeW

今年情況及地點：g7-11
中山、廣州、南京、河內、新加坡

學校通告係話必須參加, 但有吾參加既安排，就係留校做額外功課。

All_is_well

回復 JadeW 的帖子

謝謝解答~

不過問親D朋友意見都會話左派學校喎, 唔怕咩.....

想問其實係咪咁洗腦哩, 經常會歌功頌德祖國, 而忽略一些歷史教訓呢?

JadeW

個人感覺係中國情懷比較重，如國慶、中國情人節花燈慶祝，亦會要背詩、教相聲、快版呢d傳統技藝等，每周有升旗。其實不少學校都有此儀式，我個人亦吾抗拒此安排。
中文科用書用人教版，內容相對跟香港的語文書不一樣。內容其實網上查一下人教版語文，即有很多資料。是很地道的用詞，有小部份內容偏左，但學校冇刻意要學生背有關內容 愛國篇幅，有教讀但沒有要背或以此作試題咁。我覺得可接受。
我個人吾太憂慮。正如我讀左12年教會學校，我都冇信，對宗教亦有自己的批判思考。

teambuilder

我唔係培僑家長, 小女亦唔係任何小學學生.  我只想說, 一間學校, 校舍新, 設施齊備, 二文三語, 上午番學, 下午興趣班, 學費唔貴, 著重每一個小朋友的發展, 加上係龍校, 這不就是大家心目中的dream school嗎? 為何要將左派學校同洗腦加上等號?　我唔知培僑有沒有對祖國歌功頌德，　但至少我認為正面地對祖國存有基本尊敬的態度係做人基本禮貎。左派學校也沒原因隠瞞歷史教訓吧。不過歷史對我來說只係事件的陣述，除非可以時光倒流再分析，否則誰也沒資格說到歷史’教訓’吧。我本人最討厭番大陸，亦沒什麼愛國之心，但對國家及人類的尊重還是有堅持的。我最憂慮的是其他人怎樣看讀培僑的孩子。。。希望其他人可以開明Ｄ看呢間學校，因為明年我都會為小女報讀。

maggiefung421

agree:yummy

maggiefung421

agree

MAYMAYNG

ztiachan

我都是同一句：若自己及家人对培僑存有半点疑問的，請盡快放棄学位！！因為還有很多人等位中。

lazyqueen80

原帖由 ztiachan 於 13-05-04 發表
我都是同一句：若自己及家人对培僑存有半点疑問的，請盡快放棄学位！！因為還有很多人等位中。



  ...

揀學校嘅過程，身邊好多人都會俾意見，我覺得我先係小朋友嘅家長，我最清楚小朋友嘅本性同需要。我揀培橋身邊都有人有意見，不外乎左校同換左校長。首先，偏左呢個問題我完全未驚過，一直在校嘅家長都話唔覺染紅問題，反而係好多人話驚染紅，好多人第一個印象係就覺得係，咩叫洗腦，每日睇會動嘅新聞，佢話消息人仕透露又未經證實講到真嘅一樣就係洗腦。第二轉校長，其實我係鍾意活動教學，同時我贊成加強小朋友紀律性，特別中學部，我希望新校長可以加強小朋友紀律性，六年後中學部有口碑，小朋友可以安心讀多六年。自問同小朋友報小學，做左好多功課，最好方法係問朋友，真用家，而唔係聽朋友嘅朋友嘅同事，網上嘅資料可以參考，而唔好盡信。我分享小小,我大仔讀果間幼稚園，佢k1入讀時剛換校長，網上有幾位自稱家長嘅人話新校長點點點，好多內部野都講，可想而知，這可能係舊一批老師或員工，一朝天子一朝臣，新人上任一定有批人唔鍾意，自己返工都好清楚呢個道理。我反而擔心嘅係，我個細仔唔知考唔考得入培橋。

All_is_well

借問聲, 大家點睇培僑同王錦輝吖? e.g. 學術, 品德, 師資, 校風, 設施...? thx.

ztiachan

我小朋友上年有幸是＂王錦輝＂及＂培僑＂正取生。其實，兩所也是直資新校，也是位於沙田区。我最後是選培僑，是因為培僑普通話比較强，英語也很全面。同時，我小朋友自己也喜歡培僑多些，因為，小朋友才是真正用家，所以最後由小朋友自己決定。

Julietzhangjz

我講少少我自己的經驗。我女是插班生到PK的，之前在區內一間都很不錯的傳統學校讀，全校考第3,插班考試自然是容易。來到PK的原因是我實在不鍾意傳統的課本，尤其是中文，因為阿女的中文不錯，不想浪費她的天資，其次是不鍾意傳統的英文教學方式，希望在一間兼顧中英文發展的學校無壓力的讀書，所以選擇了PK.在這裡讀我確實輕鬆了許多。

Julietzhangjz

但講番每個家長對學校的期望是不同的，如果你好似我一樣是兩個孩子的返工媽媽，希望回家後多點時間同家人相處而不是每日趕功課，親子關係好的，多的時間讓小孩有其他興趣，選擇PK是沒錯的。