請問青衣ST.THOMAS既家長會否揀石天呢?

Umi

上次家長會係由石天校長來講, 而且星期六我也有去石天,覺得環境都幾好,加上我感覺到老師校長都好用心係教育度.

唔知大家點揀呢?

jje

除了石天,仲有沒有其他好選擇?
其他家長之選擇是什麼呢?

kiunam

石天是很好的學校

Umi

KIUNAM,

你係咪有小朋友係個度讀緊呀?? 請問係點好呢?? 我要交表了,好緊張...

比比

Umi

我家陣都煩緊，唔知選石天好定伍季明上午校好，本來一心選左伍季明，但早兩日上伍季明個網站睇到p1現在已經開始要背默(開學都唔夠兩毎星期)，自己個心即刻沈一沈，我怕小朋友太大壓力，所以想轉軚去石天。

有冇人有小朋友讀緊石天，可以比些意見呢？

kiunam

唔好意思, 搞錯了, 我以為你講石天是荃灣的天主教石鐘山紀代念小學

比比

kiunam

你無錯呀，我係講緊石鐘山。你小朋友係咪係到讀緊呢？麻煩你分享下，近來我日日都係到諗緊，諗到頭都大晒，真係諗到病埋tim。

我想我小朋友可以係開心既環境下讀書，但我識既朋友都話如果佢心野再比佢讀依類就只會令佢更差，又話小朋友一定要迫下，就算小學唔迫到中學咪一樣要迫。最慘係我小朋友現在才k3，我都唔知佢係邊類型，所以我都唔知點算.....

必必

伍季明真係好多功課, 一年要考4次試, 2年級要分精英班,  如果你想小朋友讀得輕鬆, 伍季明一定不是好的選擇.

LOOLOO

Umi, do you remember me ?

我仔仔也是多默寶寶呢 !  出年就會輪到我煩了. 其實7號那天我也有到學校聽那個小一入學講座. 但我覺得該校長有少少hard sell.
我有兩個姨生仔在石鐘山畢業, 一個(他是讀唔到書)4年前派去獅子會中學, 一個(他是中上成績)今年派去嶺南中學(入學後考入精英班).  我家姐對此學校評價都幾好, 先進(因他是首間用電子書包學校), 功課不算多, 校風也不錯等等.  希望幫到妳啦 !

另點解妳唔考慮世德呢 ?

比比

必必

你小朋友係咪讀緊伍季明呀？可唔可以分享多些，佢地除左功課多，活動多唔多，可唔可以平衡到小朋友呢？老師除左成績外其他野會唔會關心呢？因為其實我可以攞住20分入伍季明，但好担心小朋友唔知應唔應付到，所以好煩呀.......

Umi

LOO LOO, 比比,

我今日交左表喇! 我揀左石天囉, 希望唔好揀錯喇!

因為我覺得佢既理念都幾岩我, 而且我希望我個小朋友唔係死讀書, 而係活學活用和有興趣返學, 加上佢地話小朋友最緊要係品德, 如果學業好,但品德差既話, 將來都會係社會既負擔, 我好認同, 加上佢地IT都好勁, 你知喇, 將來都係IT既世界, 如果小朋友係上堂既時候能夠與電腦一起學習, 佢地既興趣應該會相應增加.  不過, 我都聽人講, 佢地中學未係派得好好, 但以我所知, 就算唔好出去第二間中學敲門, D學校都喜歡收石小既學生. (可能佢地時時都會上電視既關係掛!)況且六年後既中學, 都會有唔夠學生既情況出現, 所以唔唸咁多.

比比

UMI

我今日終於去左石天交表，我噚日同今日都有打電話到石天搵主任問多些資料，石天分別有兩個主任都用左十幾二十分鐘同我解釋左好多關於石天既野，自己總算感覺到佢地既老師好好人，而且今日我重襯佢地放學時間係校門口問左幾個學生家長對石天既評價，得出來都係一致好評，主要校風好，有個媽咪話佢囝囝讀到四年班，都無聽過有打交事件，亦有讀到六年班既家長都話鍾意石天，小朋友都好開心。

所以我相信我地無選錯學校，不過我希望第一輪就ok啦，只果唔係第二輪我跨區重更加無希望。

Umi

好開心聽到呢D 好評, 起碼我唔使驚自己揀錯學校希望我個女和你小朋友可以一齊讀喇! 話晒我地都CHART左咁耐, 只係冇見過姐!

到時再報告.

比比

Umi

今日我收到風石天共收到二百零幾張表，但己經有約四十個係哥哥姐姐就讀，所以淨返既位係唔多，我諗頭輪既機會都好渺茫......

Umi

嘩! 堅唔堅呀??? 都有咁多....

你有冇宗教分呀??

比比

Umi

我無呀，我得15分咋，你呢？

我依個消息好堅，因為我樓下餐廰個太子仔係裡面到做架(唔係做敎師)，佢個仔今年都報，不過佢梗係收硬。我重有朋友同我講，佢識個鄰居本身係荃官畢業，但都唔報走去報石天呀！

Umi

我有20 分, 但我唸20 分都唔止我一個喇 !