海壩街官小家長

kinmom

可不可以幫幫手問下今年 9 月自行收生收了多少份表？聽說荃官只收 175 份, 即 2 選一，那麼海壩街官小是否仲小？我得 15 分，跨區，有無機會？多謝幫忙

Lovely媽咪

我係尾2個日(補information)問啲老師,約2xx人交咗表.

小豬媽

那麼......海壩街官小較受歡迎?
但荃官是新校wor

kinmom

早知選荃官啦，當初諗住荃官新校舍機會低才選海壩街官小。真無運！ :evil:

Lovely媽咪

可能位置問題,海壩街官小方便過荃官(麗城),同埋都未必一定冇機會,我都係得15分,其實選荃官或海壩街官小的機會都一樣,都係睇運氣,祝我地好運 :

szewan

kinmom 寫道:
早知選荃官啦，當初諗住荃官新校舍機會低才選海壩街官小。真無運！ :evil:

kinmom
請問為何荃官麗城新校舍機會會低呢?

szewan

Lovely媽咪 寫道:
可能位置問題,海壩街官小方便過荃官(麗城),同埋都未必一定冇機會,我都係得15分,其實選荃官或海壩街官小的機會都一樣,都係睇運氣,祝我地好運 :

Lovely
我選了荃官(麗城),希望大家一擊即中

kinmom

當年諗住荃官會多人選, 因為校舍新，所以不選荃官，怕自行收生時得15分要抽時因為多人選而減低抽中機會。

Lovely媽咪

szewan:因為有啲人鍾意新校舍,起碼樣樣都新,連啲老師都新,咁教法會比較新啲,如學校舊即連老師都會舊啲,驚會用啲舊式教學法,所以有得選都會選新校舍.(唔知啱唔啱)
kinmom:都未必冇機會,因今年的入學人數小了,相對大抽獎的機會大了,我問過上年高班的家長,佢地好多都可以入到第一選擇,唔好咁憺心啦.

szewan

kinmom, Lovely媽咪
明白, thanks

另外我想問下, 如果第一輪抽不中, 第二輪大家還會不會再選原初那間學校呢?

kinmom

我係誇網選海壩街官小，主要原因是我沒有宗教分，在自行分配學位中選有宗教分的學校機會不大，因為20分大有人在 (即適齡 10分 + 首名子女 5 分+ 宗教 5分)。在第二輪我會在原區40 網抽英華，因為不計分，it is a matter of luck。

小豬媽

hi lovely媽咪,
其實"荃官"的前身是"海官"的下午校。(唔知妳們是否已知道了呢？)  
曾經朋友同我談過，她的小孩，在幾年前以考過"海官"，(我朋友是畢業於"海官"即20分)她同我說，小朋友面試時，發現老師全是新面孔，可能舊老師已退休。所以不能打感情分。 :cry:
其實新校與舊校都不是很大問題，最重要的是老師有愛心及小朋友鍾意返學。(唔知是否對呢？)

NWY

其實大家唔使擔心,早兩年個女咪又係得15分,頭一輪唔
收,o向第二輪電腦派位表上我將『海官』寫上自己網及
誇網兩個首選位置上(有經驗o既朋友教,佢話就算派唔到
但有位求時,你比學校睇到你o既決心就最重要,而且校長
係女人,比較細心,如你唔係選佢學校第一位,又為何o黎求
位,咁你點答?)幸好亞女o向第二輪派到! :
其實都睇小朋友跟呢間學校有無緣份,仲有你們所講o既校
舍及設施問題,海官由政府撥款於2002年重新裝修及建了
一座新翼做特別室,而老師亦年青,依家就令我好滿意。

hhma

我同你做法一模一樣, 唔同係我係荃官.
幸運地都抽到

NWY 寫道:
其實大家唔使擔心,早兩年個女咪又係得15分,頭一輪唔
收,o向第二輪電腦派位表上我將『海官』寫上自己網及
誇網兩個首選位置上(有經驗o既朋友教,佢話就算派唔到
但有位求時,你比學校睇到你o既決心就最重要,而且校長
係女人,比較細心,如你唔係選佢學校第一位,又為何o黎求
位,咁你點答?)幸好亞女o向第二輪派到! :

szewan

hhma
請問荃官小的程度深嗎?功課量如何?謝謝你

kinmom

聽講荃官功課測驗多，好似 2 或 3 年級開始分精英班。