上午班vs 下午班？

yanyantsui

我見大部份家長都想bb讀上午班， 其實下午班有咩唔好呢？請指教。

jolalee

0-3歲Bb腦部發展未曾成熟，睡覺比讀書還重要。孩子午睡最好在12-3pm其間，所以讀上午班較好，人也較精神，吸收力高。

BeeBee1129

當升小學時都比較易適應，因而家已沒有下午班小學了。

yanyantsui

唔該哂！ 我當初冇諗過午睡嘅問題， 同呀女報哂下午班， 諗住早上唔使咁趕

minirat

jolalee 發表於 12-11-1 03:59
0-3歲Bb腦部發展未曾成熟，睡覺比讀書還重要。孩子午睡最好在12-3pm其間，所以讀上午班較好，人也較精神， ...

請問點解午睡12-3pm最好？

月巴太太

上午班好D, 下午多D時間休息~ 但又驚佢朝早唔願起身~

豬小B

我有2個offer, 1間am(次選~交$) & 1間pm(首選~放棄)。我較喜歡上午班。大人可在早上去買餸準備午餐, 小朋友可在午飯後做功課温習休息。作息定時, 養成早睡早起習慣, 小學生活也是如此。早上頭腦清醒學習好。午飯後會好易眼瞓。

amberpan7

返上午校，小朋友的時間好用d. 返下午校的學生通常夜訓+ 訓到黃屎八晏。一係阿媽 都係訓到黃屎八晏 果隻，所以先報下午校。

jolalee

minirat 發表於 12-11-1 10:14
請問點解午睡12-3pm最好？

如果小孩午睡太晚，夜晚那覺便很難早些睡著。「早睡早起身體好」按生理時鐘來說是準確的。
當然，如果小孩能在返下午班前睡好午睡當然很好，但實際上很難做到。
一來孩子太早未必肯乖乘入睡，二來睡了未必願意準時醒起來。


我跟孩子返Playgroup, 上下午什麼鐘數也試過，其他母親也有同樣分享，大家得出的結果都是孩子約12-3pm午睡最好。這資料希望對大家有幫助，免卻左試右試的痛苦。

minirat

原帖由 jolalee 於 12-11-03 發表
如果小孩午睡太晚，夜晚那覺便很難早些睡著。「早睡早起身體好」按生理時鐘來說是準確的。
當然，如果小孩 ...

原來系甘。
多謝分享！值得參考。
我朋友現在16個月大，可能仲細，睡覺時間比較易掌握。

HaYi

我大仔 現小一, 之前k1-k3 上下午都有番過, 其實唔係想像中大分別:

上午班 : 下午較多課外活動可以選 (好多中心只開下午)  k2之後午睡都少了, 所以下午是學野多

下午班 : 天涼不用太早出門口, 早上去外面學野通常師生比例較好 (因少人些), 下午回校的師生比例較上午好, 因相對少人選下午班.

minirat

原帖由 HaYi 於 12-11-03 發表
我大仔 現小一, 之前k1-k3 上下午都有番過, 其實唔係想像中大分別:

上午班 : 下午較多課外活動可以選 (好 ...

好好的tips!  Thanks!

jolalee

幸好囝囝當時的Playgroup老師告訴我一歲半後小孩的午睡會越睡越遲，讓我早安排九月份替他報上午班。果然暑假時他開始精神多了(平均清醒時段是6小時最佳)，20個月起便加有自己主建不願睡(方法是日間多點體力活動給他)。很多時報學校要早一季什至早一年報，所以了解不同年齡幼兒的自然生理時鐘很有用。希望幫到大家啦!

JoyceNgYY

原帖由 jolalee 於 12-11-03 發表
如果小孩午睡太晚，夜晚那覺便很難早些睡著。「早睡早起身體好」按生理時鐘來說是準確的。
當然，如果小孩 ...

想請教下。。。如番上午班，放學已經12點幾，如果食埋lunch，比佢玩下(因唔想食完即刻瞓，對腸胃唔好)，咁好難比佢瞓12點到3點？還是你意思係3點前開始午睡就ok？

VeryB

通常上午校都好多人簡, 都唔到我去簡, 我諗緊簡下午校會唔會易D入呢?

jolalee

回復 JoyceNgYY 的帖子

是的。現在我兒子通常1pm-3pm午睡 (2歲未上k, 所以早落堂), 遲啲入k應該要再調教。有經驗的媽媽告知我，孩子2pm前睡最好，另外不要睡太長（最多2.5hrs）, 如果唔係晚上好難早些入睡。可能係我仔麻煩，幾點瞓都一定最遲六點多彈起身，所以要早瞓，午睡到2小時我會開始叫醒他，保持作息規律，個人仔學野都會定啲。

yanyantsui

我女收左下午班， 但宜家佢暫時仲係1-3 左右瞓晏覺， 咁應該點調節同埋幾時開始呢？

iamadc

我個仔日日六點幾起身，鬼打無禁精神，到十二點幾返學就扭眼訓，到放學返來才訓到七點幾八點，昨日四點訓到今早六點幾，晚餐都無食，好煩呀

katrinamama

我個女都係上午班, 時間真係好好用, 中午放學去吓街, 食吓野都得, 如果下午班, 真係一至五都唔駛指意出街.........同埋如果返下午班, 上午起身係度等返學, 到下午眼瞓又冇得瞓, 放學如眼瞓瞓了晚上又唔駛瞓............現在我個女早起早睡, 上午7點幾自動起身, 放學食飯後午睡130-430, 晚上9點又瞓, 日日精神好.

jolalee

yanyantsui 發表於 12-11-6 09:38
我女收左下午班， 但宜家佢暫時仲係1-3 左右瞓晏覺， 咁應該點調節同埋幾時開始呢？

..有冇可能排/waitlist上午班？如果真係唔得，就越早調節越好；要慢慢來。可以試試每數天遲十五分鐘午睡，並limit午睡時間，不可太長。我仔仔通常午睡醒後要大約6小時後才能再入睡，你也可check check你囡囡的作息模式，我估大約差不多? 最緊要係佢夜瞓都可以晚起床，如果似我個仔，幾點瞓都６am扮鬧鐘，咁就真係幾頭痛。

我的選擇是無論如何都返上午班，不過返下午班的家長應該幫到你，試試找他們指教。。。