請問摩理臣山兒童發展中心 好嗎?

bigbug

請問有無家長的小朋友返這中心 s位, 可否pm 我意見嗎?

owl_2046

我亞仔之前讀過E位.
中心主任真係好好好好.
幼兒導師都好專業.
此中心係新開約2年左右, 入面所有設備都好新淨.

bigbug

上星期, 我到過這中心看, 因我的仔仔正在排 s 位呢! 之前第二志願是將軍澳的, 但下學年無位呢! 所以要選過呢! 希望知多點其他中心的資料呢!

原帖由 owl_2046 於 09-3-5 23:24 發表
我亞仔之前讀過E位.
中心主任真係好好好好.
幼兒導師都好專業.
此中心係新開約2年左右, 入面所有設備都好新淨.

annaanna

間學校表面上唔錯o架﹗主任、老師都好有愛心，不過揀學校真係要三思呀﹗

個人認為，協康o既服務應該係最好，資源最多，經驗最好﹗我見過基教o既老師都上協康o既training...

呢間學校比我o既感覺係﹕有愛心，不過你急佢唔急，佢地認為比一個愉快o既生活小朋友緊要過一個發展遲緩o既小朋友盡快pick up....

每個家長都有自己心目中所需，學校適唔適合你自己小朋友，一定要衡量清楚....

原帖由 bigbug 於 09-3-16 09:30 發表
上星期, 我到過這中心看, 因我的仔仔正在排 s 位呢! 之前第二志願是將軍澳的, 但下學年無位呢! 所以要選過呢! 希望知多點其他中心的資料呢!

bigbug

這就是我的問題了, 原來的頭兩個志願都是協康的, 但將軍澳無位, 所以要選過呢!

原帖由 annaanna 於 09-3-16 10:54 發表
間學校表面上唔錯o架﹗主任、老師都好有愛心，不過揀學校真係要三思呀﹗

個人認為，協康o既服務應該係最好，資源最多，經驗最好﹗我見過基教o既老師都上協康o既training...

呢間學校比我o既感覺係﹕有愛心，不過你急佢唔急，佢地認為 ...

annaanna

灣仔協康唔係有多d 位咩？不過都幾多人排.......

三思三思....

原帖由 bigbug 於 09-3-17 04:40 發表
這就是我的問題了, 原來的頭兩個志願都是協康的, 但將軍澳無位, 所以要選過呢!

Jac_chue

將軍澳尚德村的協康S位應該有14個小朋友畢業,只是坑囗的協康S位沒位

Reiki

其實派位的機制係點呢? 因為灣仔協康真係勁多人, 第一志願唔得,到第二志願會唔會俾晒first choice的人又冇晒位。 但又話係跟排的日期,所以就算人地first choice,只要我日子前d便可。我問過醫務社工和一位曾在s位做的社工講法都有點不同。唔知點?   有人話轉另一間冇咁多人的s位first choice會保險d。點算呢?

annaanna

呢個問題，我有問過社工，佢話﹕
跟排期日子決定先後，例如﹕一個小朋友07年7月開始排，如果佢揀o既第一志願有3個位，而又有3位小朋友係07年7月之前，就會轉落第二志願，就算第二志願間學校本身得3個位，而有多過3位第一志願，但係日子係07年7月之後呢，都冇關係，因為學位會派比排期日子前o既小朋友﹗
唔知咁你講明唔明呢？

原帖由 Reiki 於 09-3-18 13:18 發表
其實派位的機制係點呢? 因為灣仔協康真係勁多人, 第一志願唔得,到第二志願會唔會俾晒first choice的人又冇晒位。 但又話係跟排的日期,所以就算人地first choice,只要我日子前d便可。我問過醫務社工和一位曾在s位做的 ...

Anpanmama

其實你住邊呢？如果你將軍澳, 每日來回港島嘅交通時間都幾辛苦架！仲有你很多時都要和他一齊上訓練, 你都會好攰！
你問吓社工如果排你心儀嘅協康, 嚟緊嘅新學年有冇機啦？或都上網睇吓家陣排到邊！
我仔仔讀咗摩利臣基教未夠一年, 家陣四歲, 進步咗好多, 由單字到現在巳經有全句（當然我有其他私人訓練）, 老師同治療師們都很好, 對每個小朋友也很了解。
但當然, 每個父母對子女的期望也不同, 我也眼見有些父母比較心急也對學校不滿, 大家的出發點都是為小朋友好, 無論入讀邊間學校, 多點溝通,互諒也很重要....

owl_2046

我當初幫亞仔選位時只填一間學校, 因為我唔想退而求其次.
第一年真係要媽咪/工人跟返學, 因有好多野要帶住, 冇helper係爭D.

bigbug

我是住佐敦的, 所以其實在中間的, 去灣仔同去將軍澳都差不多, 九龍中很少中心呢!

原帖由 Anpanmama 於 09-3-18 23:54 發表
其實你住邊呢？如果你將軍澳, 每日來回港島嘅交通時間都幾辛苦架！仲有你很多時都要和他一齊上訓練, 你都會好攰！
你問吓社工如果排你心儀嘅協康, 嚟緊嘅新學年有冇機啦？或都上網睇吓家陣排到邊！
我仔仔讀咗摩利臣基教未夠一 ...

sharon26788

我都係住佐敦呢邊,不過就讀緊富昌;之前都有報過灣仔,不過考慮到行中環果段實在太費時間,所以都只係第三志願.點解唔考慮返九龍呢邊既中心呢?都好多選擇架.小朋友太長車程會好辛苦架,到時上堂無心機,咁咪仲浪費時間,事倍功半.

Reiki

請問你兒子讀邊間? 請問如果只選一個choice, 同有2個choice有咩分別? 因為1st choice唔得,就2nd,如果只得一個choice, 咁咪可能要等多一年? 我又唔想等多一年。

你果時個日子係咪好前?

原帖由 owl_2046 於 09-3-19 09:49 發表
我當初幫亞仔選位時只填一間學校, 因為我唔想退而求其次.
第一年真係要媽咪/工人跟返學, 因有好多野要帶住, 冇helper係爭D.

bigbug

我見九龍中, 大部份都要排很久呀! 有些 1/07 我的仔仔係07/07 才被中龍評為自閉, 仔仔又唔係大仔, 所以很難排到的. 起碼要排多一年才有, 所以去灣仔也算近了, 914 都到學校.

原帖由 sharon26788 於 09-3-19 21:12 發表
我都係住佐敦呢邊,不過就讀緊富昌;之前都有報過灣仔,不過考慮到行中環果段實在太費時間,所以都只係第三志願.點解唔考慮返九龍呢邊既中心呢?都好多選擇架.小朋友太長車程會好辛苦架,到時上堂無心機,咁咪仲浪費時間,事 ...

sharon26788

睇下呢個網址,應該可以清楚睇到排位情況: http://www.swd.gov.hk/tc/textonl ... iont/id_crsrehabwa/

babyland

我阿仔都係讀灣仔摩理臣山，有以下意見給你參考：

1. 其內部環境係幾好，但間學校是在貝夫人門診樓上，每天好多病人都係搭同一架電梯，此為不佳之處。
2. 如你住九龍，就真係唔好長途拔涉過海了，此中心編上個別的時間係好奇怪的，如你是自己湊，你都唔知帶完佢返學後，返屋企好，定係遊街再上個別，再遊街等放學好。
3. 此中心的個別訓練時間及編排亦很與別不同，準備評估前/評估月/見家長/長假期時的班主任及3T堂全部都減，頭頭尾尾成4-6個月的時間都係唔足的，你話小朋友又如何進步得好呢。
4. 如真係揀這間，你千萬不可以只靠他們，你自已都要好勤力同佢做練習及再找言語治療。因他們的目標係首要學自理，其他的項目係好慢好慢(慢到你想死)，仲成日要就埋同組的小朋友。最弊之處係，他們唔積極想幫小朋友返主流小學，預左你入特殊小學。例子：6歲要走的小朋友，連自己個名都唔識，有些連枝筆都握不好，入了來差不多兩年言語進步好少好少等。當然，每個仔的情況都不同，有些仔真係有進步，但我亦見到很多仔，唔係唔得的，只係唔教佢咪唔識囉。
5. 有些家長都已千方百計想轉中心，包括本人。所以，你有得揀就揀協康啦，他們的經驗真係好好多。人手又夠，我地中心成日人手又不足，透明度又低，班主任請假，可以叫個護士來睇仔的，叫佢教急救咩！

希望你仔仔入到間好的中心，可以幫到他多些，日後返回主流小學！

annaanna

babyland,
今次真係英雄所見略同﹗我非常同意你o既說法﹗
我都係你所講o既用盡方法轉校o既其中一位家長，所以應該只會讀埋呢個學期就走人lu~
你呢？小朋友會有咩去向呀？唔方便講，就pm我啦﹗
annaanna

原帖由 babyland 於 09-3-25 18:39 發表
我阿仔都係讀灣仔摩理臣山，有以下意見給你參考：

1. 其內部環境係幾好，但間學校是在貝夫人門診樓上，每天好多病人都係搭同一架電梯，此為不佳之處。
2. 如你住九龍，就真係唔好長途拔涉過海了，此中心編上個別的時間係好奇怪的， ...

babyland

annaanna,

你就好啦！我無行啦！想來想去都無地址可報，又沒有很充分的理由，再加上個醫務社工係好唔想幫你轉校個種。
阿仔仲有一年讀，我都係打算全力靠自己，而家自己俾字佢寫，等佢學揸筆學好些，希望6歲走時，起碼都識寫自己個名，1-10及A-Z咁，另外，中英文認字及數數等，起碼中英文生字唔識寫都識讀。唔係到時就算智商無問題，俾你去主流小學你都死啦，淨係識寫橫一同十字，點追。

熹熹媽

我仔讀緊香港耀能協會樂富的懷熙中心，姑娘及治療師的質素都十分好，十分專業