我個囝份卷比人"柴"o左4個鞋印........

師奶

星期一老師話比全班同學知,數學考試最高份係我個囝,我知道後都很開心,尋日派卷我發現有4個鞋印,印在第1,2及4,5頁。我好唔開心,我個囝讀1年級咋,已經發生咁o既事，我只好用擦膠擦o左去,話比老公知,老公鬧我點解擦o左去,應該去投訴比老師知，我無諗清楚就擦o左，我係吾係又做錯o左.......  :-|

肥仔媽咪

咁你囝點講? 我也覺得應該反映比老師知.

麟媽媽

你應該問清楚個仔，未必是人唔抵得佢而踏佢張試卷的，可能是一班同學仔想睇佢張卷跌左落地而踏到呢？我仔副棋張紙拎番學校玩完都溶溶爛爛，都有鞋印！咪係D細路爭囉！
問過個仔，如果真係有同學惡意咁做，就算你擦左D鞋印，一樣可以話比老師聽，跟進下，亦都問下個仔點解個同學會咁做？佢有無笑過低分的同學？如果自己有份挑起是非，而引起呢件事，其實兩個小朋友都要教導下，有次我仔都牙擦擦咁，又話呀邊個唔合格，比我鬧到佢死！

anxiousparent

OMG!

No wonder everyone says that children nowadays are over-protected.

1.  It may not be his classmates who did it.  What if (for example) the exam papers were dropped onto the floor accidentally in the teacher's room and were stepped on by teachers?

2.  Even if (taking the worst case scenario) some of his classmates deliberately stepped on the paper, no big deal.  These things should be sorted out by the kids themselves.  They should learn the law of the jungle.   

師奶 寫道:
星期一老師話比全班同學知,數學考試最高份係我個囝,我知道後都很開心,尋日派卷我發現有4個鞋印,印在第1,2及4,5頁。我好唔開心,我個囝讀1年級咋,已經發生咁o既事，我只好用擦膠擦o左去,話比老公知,老公鬧我點解擦o左去,應該去投訴比老師知，我無諗清楚就擦o左，我係吾係又做錯o左.......  :-|

師奶

我都想過係個囝得罪人，如果吾係點會攪你，所以先無諗過投訴。但我很定吾係無心踏鞋印，因我囝放學話比我知佢未派數學卷,另一位同學話派左,返到屋企見份卷在書包問個囝,佢話小息班長派卷無派比佢，吾知點解在書包。
我好明白一定係個囝平日對人吾好,如果吾係點會咁！我好吾開心，很多謝你們聽我呻。 :cry:  :cry:  :cry:

klyie

點解會話個囝得罪人呢??同埋一定係個囝平日對人吾好??妳系米平日都覺得仔仔唔識同小朋友玩??不如問清楚仔仔平日有無同D同學玩?了解多D平日仔仔系學校ga生活.另外我唔明試卷應該是老師派的.為何會在小息時班長派卷?

ling媽

剛上小一那年班中問題/奇怪事情特別多，上年我囡囡P.1班內都發生一些我都從未諗過的事情。不妨多些跟囝囝傾

師奶

點解我話個囝得罪人,2星期前個囝放學哭起來說：媽媽我可能要轉校。我問點解：佢話班長摘佢名，原因係個囝同另一位同學傾計,班長叫佢,佢冇應佢，所以摘佢名傾計,但冇摘另一位同學,我個囝好吾服,我解釋比佢聽你傾計摘名班長冇錯，只是他應該摘2個人先對。
我吾信晒個囝，個囝應該係得罪人,點解咁講,個囝開學到現在吾見左4個擦膠幾支鉛筆,爛左一個筆鉋，個囝解釋係班長同幾位同學玩佢筆袋，我話幾個同學都咁對你,係未你對人吾好,吾係點會個個針對你。
現在又發生咁o既事，我真係好吾開心，我已經教個囝要同個個同學玩，吾好蝦人，佢口口聲聲話冇，如果係冇點解會發生咁o既事？
我都吾明點解吾係老師派卷？

Cheung

聽你咁講真系几得人惊, 小一咋! 不過我有一個諗法, 可能系會唔會份卷跌著落地比小朋友仔"柴"o左4個鞋印,跟住小朋友拿錯了你囝囝份卷回家? 我止終都系覺得小一生唔會壞得去邊.  

angeline

不如試下找老師了解下, 好過自己估估下, 或者事情不是太壞呢!  

virgokaren

Cheung 寫道:
聽你咁講真系几得人惊, 小一咋! 不過我有一個諗法, 可能系會唔會份卷跌著落地比小朋友仔"柴"o左4個鞋印,跟住小朋友拿錯了你囝囝份卷回家? 我止終都系覺得小一生唔會壞得去邊.  

我也覺得小一學生思想不會這麼複雜，會不會是我們大人太敏感？
男仔比較粗心大意些，可能是同學仔唔覺意踩到張卷，你仔仔收左卷唔記得，我覺得小一學生混亂少少不出奇。
開心D啦！

Vin

我覺得如果真係唔覺意踩到嘅話~
都唔應該有成4個咁多啩~??
同埋唔一定係你仔仔對人唔好囉~
因為啲小朋友好容易受朋輩影響~
可能嗰幾個小朋友覺得一齊戲弄/欺負一個同學係一件有趣嘅事~
你回想下自己細個讀書時候,通常有一個同學俾人杯葛,
其他人多數都會加入,係咪?
或者其他人覺得應該巴結班長先有着數~
所以特登對你個仔唔好嚟討好個班長~
師奶,
同你仔仔傾多啲偈,了解多啲佢喺學校發生嘅事~
佢可能會因為呢啲事而變得唔鍾意返學~
好好輔導下佢,你仔仔學校有冇社工?

師奶

Vin
自從上次講過話可能要轉校,現在都冇再提,只有講話想快D到期選新班長就好，講真我都想快D到期,到時我就知道係個囝對人吾好,還是有人持勢凌人。
囝囝學校冇社工,但有雙班主任制(2班再多1個班主任),我會留意下會吾會再發生事情，或者等班主任派成績表時，問下個囝在學校係點？佢係屋企吾多覺佢鐘意攪事，但又吾知佢係學校會吾會變左另一個人？
我好希望係我多心，吾好再發生事情就好了。 :cry:

fannyyeung

師奶 寫道:
點解我話個囝得罪人,2星期前個囝放學哭起來說：媽媽我可能要轉校。我問點解：佢話班長摘佢名，原因係個囝同另一位同學傾計,班長叫佢,佢冇應佢，所以摘佢名傾計,但冇摘另一位同學,我個囝好吾服,我解釋比佢聽你傾計摘名班長冇錯，只是他應該摘2個人先對。
我吾信晒個囝，個囝應該係得罪人,點解咁講,個囝開學到現在吾見左4個擦膠幾支鉛筆,爛左一個筆鉋，個囝解釋係班長同幾位同學玩佢筆袋，我話幾個同學都咁對你,係未你對人吾好,吾係點會個個針對你。
現在又發生咁o既事，我真係好吾開心，我已經教個囝要同個個同學玩，吾好蝦人，佢口口聲聲話冇，如果係冇點解會發生咁o既事？
我都吾明點解吾係老師派卷？

師奶,
咁好明顯係個班長和幾個同學仔唔(妥)你個仔啦,點解你唔出聲呀?由得佢?? 同學校反映吓啦! 比我呢我一定出聲投訴或了解吓咩事我個仔會受到咁樣對待而老師唔知道,唔理會? 出o左聲起碼蝦你個仔既人都唔會咁放肆,蝦完一次又一次太過份了, 你要同佢班主任講唔好以為你小提大做,因為已經唔係第一次了你先出聲(姐). 要求轉位. (叫你個仔比人蝦要自己主動同老師講)  你吓吓忍氣吞聲, 對你個仔既心理發展唔好o家,自己無錯就要企硬.
sorry, 我太激動了! :evil:

klyie

師奶,
唔需要等到派成績表時才搵班主任,其實都可以打電話了解一下仔仔在學校ga生活.同班主任溝通一下,同班主任講出班長ga行為,如妳所寫的把玩筆袋事,份卷ga事,叫老師幫忙留意一下.這不是投訴什麼,只是想了解一下.相信老師都會很樂意的.唔好咁唔開心放鬆d啦!!總可以解決到的.

麟媽媽

可以同老師了解下，唔一定話係投訴咁嚴重。有時朋輩既影響力好大的，一個咁做第二D一齊跟住做，佢地未必知對定錯架。老師可從中了解，再作出引導，其實唔止幫你自己個仔，亦都幫到其他同學仔，一年班仲細可以慢慢教，再大D更難教架喇。

Vin

師奶,
成日都驚住唔知幾時有事時發生,咁樣係冇用架~
有問題就一定要去解決,去面對~
所以其實你可以主動咁去搵班主任傾下,了解下~
唔洗等派成績表先搵佢架~
因為班主任有時真係可能唔知咁多嘢~
一啲曳嘅小朋友可以好識做戲架~
喺老師面前咪扮乖囉~而另一面又去蝦人囉~
再加上佢哋可能見到你個仔冇乜反抗,
就一而再,再而三咁針對佢囉~
我諗你仔仔都真係幾唔開心架喇~
你去搵班主任傾下啦~~最緊要唔好令到你仔仔覺得佢自己好無助~如果唔係佢可能會慢慢變得孤僻架.

師奶

今日個囝筆袋3支鉛筆吾見左,佢解釋在學校,我冇再追究,再問班長今日對你點？諗左一陣答我今日比班長摘名,我問發生甚麼事？佢答吾記得，再追問又答吾記得，再睇書包冇帶2張英文paper紙功課，再問佢答班長冇派。囝呀！我好想相信你，但你大話連篇,叫我點信你。我已經分不出你的說話有幾多係真幾多係假？我真係好失敗，我自己好怕事,盡可能多一事不如少一事，我有點混亂都吾知自已講物，對不起！我真是位不合格的媽媽..... :cry:  :cry:  :cry:  :cry:  :cry:

師奶

尋晚見個囝未睡,我又問點解今日摘名？佢又答吾記得，我就話如果你記得我就帶你去冒x樂園，佢即刻話記得,原來食飯時候個囝同佢(班長)傾計,班長就話摘你名，講完就哭起來。
我聽完成晚睡不

麟媽媽

男孩子講完便哭起來...我心一酸呢...
你快D問下老師，得個了解喇！