蒙恩小學

Michellemama

有冇蒙恩小學既家長呀??

Care4U

請問有什麼問題可以幫到你, 我個女現在就讀下午4年級

bowling2004

我個仔05年會入學. 我都想知呢度有冇朋友仔呀.

Michellemama

Care4U,
好多謝你既回應.
我想問你個女返學返得開心嗎?
4年級開好好似係傳統教學既,功課多唔多呢??
測驗深唔深,程度如何??

Michellemama

bowling2004 寫道:
我個仔05年會入學. 我都想知呢度有冇朋友仔呀.

你讀上午校定下午校呀??
我個女05年會讀上午校.

bowling2004

Michellemama,
我個仔都係05上午喎~~   

Michellemama

bowling2004,

咁以後多多指教喇.
唔知會唔會編埋同一班呢.
可唔可以講下你點解揀依間學校呀??

bowling2004

Michellemama,
係囉, 真係唔知會唔會同一班呢?!  
我原本揀左2間架, 另一間係圓玄. 但係d人話擔心圓玄下年係試驗性質. 同埋圓玄唔收我個仔呀! 佢怕醜d架.
蒙恩幾好呀. 聽過大部份人都係俾正面既comment囉. 同埋我個仔而家讀啟思, 咁大家都係活動教學, 希望佢會適應d.
最大原因係佢地婆婆(即我媽媽)住景峰, 對我黎講係超級方便. 好好彩,今次第1輪就收左佢,我唔洗咁頻撲. 其實我都係博架咋. 之前交表個老師猛咁說我報下午機會會大d. 但係我堅持上午囉.
大家多多關照.
你呢?

Michellemama

bowling2004,
我冇考慮保圓,因為佢係道教,我唔鐘意(只係個人感受).
揀蒙恩係因為聽聞佢係一間幾好既基督教小學,不過始終對依間學校了解唔太多.想晌度了解多d.
我個女n1時都係讀啟思架.
你就好喇,咁近你媽媽,有咩事都方便d.
你係全職定係在職媽媽??
我係在職媽媽.

bowling2004

Michellemama,
之前報圓玄都有驚過佢係道教. 但係佢地校長話下年轉直資後就再唔會有任何道教儀式既野. 唔知呀, 最初都係諗住報左做後備. 我去過佢地學校interview同佢地校長傾過下. 我唔太鍾意佢地既校長. 不過既然唔讀就唔講佢咁多喇.
係呀! 佢婆婆一直都想佢入蒙恩, 近有個照應. 同埋婆婆話聽佢d朋友講蒙恩係幾好. 聖公會始終係一個大機構, 我以前中學都係聖公會架. 管理得好好, 好有規律. 所以你可以放心.
我個仔讀左4年啟思喇. 屯門區黎講算係咁啦. 你係咪仲有個細小朋友? 我都係.   你諗住俾佢讀邊間?
我係全職媽咪呀! 冇人幫我湊小朋友嘛. 又請唔起工人. :cry: 其實我好想搵工做架.

gigichacha

bowling2004,

請問你圓玄校長係點架,因為我都lum住幫囡囡報,但又十五十六,驚囡囡成為試驗品,

囡囡會係06讀小一,請賜教.

bowling2004

gigichacha,
umm....圓玄校長果d野, 始終係個人觀感, 我唔方便講喇.
但係佢地間學校, 俾我感覺其實都唔係太好. 始終可能因為佢地未裝修好. 同埋佢地而家已經係冇學生, 我去過3次....都有種陰陰沉沉既感覺. 佢地個操場連燈都懶得開, 門口一入去就係操場黎架嘛, 所以......仲有, 響佢地既操場正正中間, 有座大大座既黃大仙像響度, 我第一次見時都嚇一大跳. 道教係拜黃大仙. 我冇諗過佢地話唔再係道教但座黃大仙像仲棟住響度. 始終有個籍口, 就係佢地未裝修好, 所以........我都唔知喇. 其實你女女06年先入學, 仲有2年, 你可以探下風先囉. 始終而家未有人讀過都俾唔倒意見你.

Michellemama,
我其實又擔心, 蒙恩唔知會唔會有好多新移民呢? 始終係津貼學校, 無可避免.

gigichacha

bowling2004,

Thank you!

我同你一樣都係驚津貼學校會有好多新移民,所以lum住揀間直資學校,希望會好D,但聽完你咁講,真係要再考慮一下.

Anyway, thanks a lot!

Michellemama

bowling2004,

我有2個教中學既老師朋友都話揀聖公會d小學比較有保障,所以都接受佢地既意見揀蒙恩.
你講得岩...聖公會始終係一個大既教育機構.
係呢,你讀邊間聖公會中學架??講唔講得??
我就係讀道教小學同中學出黎架.
你個仔讀啟思既情況如何,可能曾幾何時我個女同你個仔係同學仔都未定架.
我仲有個仔,佢依家歲半.我都係幫佢報左家姐果間三聖救世軍呀.出年2月先至interview.
咁岩既你都有第2個小朋友,你果個係仔定女黎架??依家幾大呀??
我同你相反,我就好想做全職媽咪,不過冇$$咋.

Michellemama

bowling2004 寫道:
Michellemama,
我其實又擔心, 蒙恩唔知會唔會有好多新移民呢? 始終係津貼學校, 無可避免.

我諗前果3-4年會多d,因為近富泰村,新移民揀學校多數揀近既,所以蒙恩唔收佢地都唔得.
但係依家開左間德興小學晌佢地對面,係全日制兼且係千禧校舍,所以佢地多數會揀依間唔會再揀蒙恩.
而且蒙恩校舍位於景峰,附近都係居屋同私人樓,我諗小左富泰村d新移民揀,再收其他既新移民唔會太多囉.

Michellemama

gigichacha 寫道:
bowling2004,

Thank you!

我同你一樣都係驚津貼學校會有好多新移民,所以lum住揀間直資學校,希望會好D,但聽完你咁講,真係要再考慮一下.

Anyway, thanks a lot!

新移民度度都有,好難避架,唯有比心機教好自己既小朋友囉.(只係個人意見)

小B媽咪

如果我無記錯日子, 佢哋十二月十九日有個open day.

你哋有時間咪去睇下啦.

Michellemama

小B媽咪 寫道:
如果我無記錯日子, 佢哋十二月十九日有個open day.

你哋有時間咪去睇下啦.

好呀~~~唔知幾點到幾點呢??
你小朋友都係讀蒙恩架??

bowling2004

Michellemama,
係呀, 聖公會既學校大部份都有番個水準響度囉.我聽個個都係咁講.
我中學? 我讀果間響上水架, 叫聖公會陳融. 我讀果時仲係新校黎添.
哦,原來你係讀道教學校. 咁係咪因為你讀過, 所以覺得圓玄唔岩呢?
我個仔讀啟思, 岩佢性格囉, 一味掛住玩!   最大轉變係佢由一個好怕醜既人變左個多野講既人囉. 不過佢對住d陌生人都仲係怕醜架, 所以圓玄唔知係咪因為咁唔收佢囉.   我都有諗過你女女同我個仔會唔會曾經係同學呀! 你個女係咪上午架? 邊班呢? 係咪李老師做班主任? 我就係果年大緊肚日日帶住個大仔返學放學.
你就好呢, 一仔一女. 我2個都係仔. 我個細仔都係歲幾, 應該大你個仔1-2個月. 佢03年3月尾. 你仔仔應該係5月, 係咪? 可能我仔仔同你仔仔到時又會做同級同學哦.   諗起都開心.  點解你果間幼稚園咁早報同interview? 佢地到下年8月未夠歲數入讀架喎. 我未報呀, 諗住俾佢讀半年小組班囉或者. 我係咪計錯數呢? 我係咪應該係時候報名? 請指教.   
點解你會幫你個女轉校既果時? 係咪啟思唔好呢?

bowling2004

gigichacha,
唔洗客氣.
不過我唔係話圓玄唔好....始終, 我地大部份既家長都對呢間"新校"冇信心囉. 我仔仔有2個同學已經註冊左05年入讀呢間學校. 或者遲d可以等佢地讀左之後先問佢地讀成點. hehe.
其實我初初報圓玄都有部份原因係因為佢直資, 真係隔絕左d新移民架. 我地去interview時見大部份家長都好斯文, 一個新移民都冇囉.
都可以考慮下既.