LSK/聖馬太/藍田循道衛理 (NET 48) 請問你們會點排次序

heihei媽

我打算為我女女報讀這三間, 但係仍然未決定個先后次序, 請各位俾啲意見.  唔該晒!!

lcy1998430

我上年又係o係呢3間裡面揀一間，聖馬太個升中派位o係呢幾年好理想，再加上我住秀茂坪，所以揀o左呢間！
其實3間都出名好，你可以睇下邊間最近自己居住的地方，因為好似聖馬太咁，上課時間8:10，但如搭校車的，學校規定校車要7:30返到學校，咁有D住藍田學生咪要6點幾上校車？

heihei媽

thx Icy

sorry ar, 我仲想問你女女係咪第一輪就己經被取錄了??

carollam310

我住藍田的.兩間李兆強同循道都係區內最多人揀,其實3間都幾好,比我揀我會揀(1)聖馬太(2)李兆強(3)藍田循道衛理.,因為升中派位聖馬太真係唔錯,舊年我老公都叫我揀佢,

heihei媽

carollam

好多謝你既意見, 但係LSK 有兩間係咪應該CHOOSE 晒兩間 先到藍田循道呢?

另外, 咁你終于入唔入到聖馬太

carollam310

係,CHOOSE 晒兩間LSK 先到藍田循道,我自行收生同統一派位都冇揀藍田區既學校呀.我唔想女女o係藍田讀書.藍田區既中學不太好,只有一間女校聖保祿好,競爭太大了.

heihei媽

係啦, 我都係咁諗, 咁最后你choose 邊間呀, 我有諗過第一輪會誇網lor, 但係啲分又唔夠, 都唔知點好

tungtung321

想問下聖馬太小學(秀茂坪) Band? Which band 1 School in this net?

heihei媽

tungtung

我諗48 都係呢3間最好架啦

carollam310

我女得15分.自行收生時選馬頭涌官立,結果失敗左,統一派位跨區選協和下午做笫一志願,結果成功了,真係幾好彩

heihei媽

咁真係幾好彩wor.

Omi

Icy1998430,
請問聖馬太和LSK的功課量是否都一樣多?是否都著重三文兩語的培訓?謝謝分享.

Omi

heihei媽

其實我仲有一個問題係, (sau mau ping) 呢間同牛頭角個間係咪一樣架呢?

lcy1998430

heihei媽 寫道:
thx Icy

sorry ar, 我仲想問你女女係咪第一輪就己經被取錄了??

我個囡係攪珠派到聖馬太架！

lcy1998430

carollam310 寫道:
我住藍田的.兩間李兆強同循道都係區內最多人揀,其實3間都幾好,比我揀我會揀(1)聖馬太(2)李兆強(3)藍田循道衛理.,因為升中派位聖馬太真係唔錯,舊年我老公都叫我揀佢,

其實唔應該咁揀學校，因為而家係電腦比個隨機號碼你，你個號碼前D，中第一志願機會就大D，相反個號碼後，你仲揀勁多人爭o既學校做第二志願，你個派位就會派到十幾志願架啦！
即係咁，假如你個號碼係150，你揀(1)聖馬太(2)李兆強(3)藍田循道衛理，呢3間學校分別有30個位，咁你揀的聖馬太已經比晒前面D小朋友，跟住電腦就比第二志願你，但你揀o既第二志願又係咁多人爭，即係又比晒前面D小朋友，咁你個派位就一路咁..........就唔知派到第幾志願啦！所以我見意你揀第二志願就最好揀間冇咁多人爭，而你又覺得唔錯o既學校，寧願派唔到第一就去叩門，即刻叩門唔成功，你派果間都唔會太差！
真架，上年我去聖馬太聽講座，校長講明如果揀佢做第二志願就限定派唔到入去！
不過我揀聖馬太除近外，另一原因係佢話派位完畢後，佢學校同政府申請o左後補位，係每年都一定有的，大約10個位到，咁計分方法係如你於自行派位、統一派位區外及區內都揀佢第一志願，咁你有30分，你讀緊果間幼稚園係路德會，有10分，學校寫推薦信就又有10分，其餘50分就會由老師見個小朋友，如睇下小朋友畫畫，同其他小朋友相處等黎比分，咁我怕阿囡派得唔好，所以揀聖馬太做第一志願，咁阿囡又讀路德會幼稚園，可以有機會拎前面果50分，就算派得唔好考後補機會都大少少！
另外功課方面，呢2日都係有5樣功課，其實功課唔係多，工作紙、作業都唔係寫好多字，問題係小朋友有冇留心聽書，返到屋企唔識做，成日坐o係度諗，或默書要改正等，先至覺得佢多功課，總之我地要同佢溫熟D書(默書100分，做小一樣功課)，睇下佢做完D功課(唔洗改正，又做小一樣啦)！

heihei媽

icy

我想問點樣先知我個隨機號碼呀??  咁兩間聖馬太有無唔同架, 你又覺得現在呢間好唔好呢

hoilokmama

lcy1998430,

我有兩個仔都在聖馬太讀，一個今年剛上小一，一個已經是四年級了。現在開學只是數天，當然不是太多功課la。遲些尤其在測驗考試前，會多很多的ar，你要有心理準備。

hoilokmama

heihei媽

hoilokmama

我想問你覺得這間學校好嗎?

hoilokmama

heihei媽,

一間成績很好，將來可能派到好學校，但小朋友會讀得比較辛苦的學校。功課幾多亦比其他學校深，在考公開試前會谷小朋友。我大仔初初一年級上學期都好唔習慣，唔係幾開心，我同老公都有考慮同他轉校，好彩學期尾他又適應到，我想這是因為他有一個幾好的班主任的關係。所以我覺得選它前要考慮小朋友的能力，我見有些小朋友真的讀得很辛苦。

hoilokmama

heihei媽

唔該晒你呀loilokmama

不過我都打算俾我女女試下, 係呢, 你知唔知呢間同牛頭角個間有無唔同架