全日制幼兒園媽咪, 你地揀咩小學?

ss2003

請分享

ss2003

其實我係想知, 讀幼兒園o既出路係點樣? 報私校/直資收生機會又有幾大呢?

rr

hi ss2003,

其實我亦想知幼兒園與幼稚園分別很大嗎? 因我妹妹的小朋友因無人湊, 所以一定要選幼兒園.

但以我所知, 考私校時, interview part 才是重要, 內容亦是日常生活, 只考應對, 除非個別幾間要看背景的.

我只擔心幼兒園上小一時, 適應及成績問題, 因有人說幼兒園是會淺些.

rr  

承承媽媽

係呀!唔關係唔係讀幼兒園事o架!
如果小朋友在學前已經訓練好佢個人獨立思想,自立的話,問題就不大,好似我個仔間學校(救世軍樂民),院長話舊年都好多人升農圃道官小,馬頭涌官小,獻主會呀,奉基都有.

Mrssslui

但係你所講既小學全部都係派位過噃,當然與讀邊間幼稚園/幼兒院無關啦!之前係問考私小同直資喎!我相信唔係間間都睇架!

ss2003

有1st round入到心儀小學的幼兒園家長嗎?

winwin323

讀幼稚園or幼兒園, 升小1st round係無關係, 主要睇你小朋友有幾多分.

但係幼兒園比人感覺係程度淺d.  我朋友的囡囡, 係讀幼兒園, 成績好好, 人都好聰明, 好sporty.  去年女拔interview時, 個小學老師話, 你囡囡的成績表係好好, 但不能作準, 大約係咁講, 最後當然係唔收啦.

所以要睇你目標小學係咩??

Jessica

我個仔讀幼兒中心出年升小一, 我都有同佢報區內一間直資小學, 我個仔冇被取錄, 我個仔個同學都有去考, 佢仲醒目過我個仔架, 但亦都冇被取錄, 我識得有幾個朋友既仔女都有去面試, 佢地係讀區內有名氣/質數既幼稚園, 聽佢地講番面試經過, 先知原來佢地d仔女面試時所問既問題深好多, 例如問佢地一d假設性既(情況處理)問題, 又有考佢地d英文對答, 同我個仔個d完全唔同, 我個仔面試時問個d問題真係好簡單, 只係問佢平時放學做d咩, 屋企有咩人, 鍾意d咩...., 好似一般傾計咁, 而且冇用英文考我個仔, 佢既同學面試情況都係一樣, 所問既問題好簡單亦都係冇講過半句英文, 唔知係咪見我地小朋友讀幼兒中心, 所以面試都只係純粹應酬我地呢?!

Mrssslui

really a great difference.唔通一睇到佢地讀邊間就'西左'.真唔公平!

timothy1999

我個仔明年升小一，亦只是在普通幼兒中心讀書，程度一般，但讀得十分開心。但如果大家是想小朋友讀一些比較有名的小學，尤其是要面試的，便比較不著數。因為，這些名校多注重英文，而且程度比一般幼兒中心為深。我兒便在各面試中之表現並不理想及十分不開心。

ChristyBBmama

My frined's daughter was attending "neighbour" kindergarten. she was successful to get in HKTL. However, I think for those english Primary schools, it may be a bit jet-so if you are studying in a well-known English Kg.

Micky

3loks,

當然好多官津校都好好, 入到就梗係好啦, 但問題係基於現有的派位制度, 如果手頭上只得基本分, 要靠大抽奬, 萬一派唔到心水學校咁點呢? 所以大家先諗住報定直資/私校打底吧了!

*Polly*

係 1st round 幸運地抽到心儀小學,  今日又收到 KTS 的信 收咗呀仔, 講真初初比呀仔讀全日制幼兒園都有d擔心程度問題, 就同呀仔睇多d故事書 (中文 & 英文).  而家眼見佢嘅自理能力比其他小朋友强, 又有自信心, 又享受學校生活, 已覺得很滿意.       

ss2003

多謝各位回應!

最近經常到小學雜談瀏覽, 獲益良多

davemama

Hi ss2003,
我兒亦是讀街坊幼兒園,他都能考到所謂名校,但要注意幼兒園的英文程度一般較淺,要自己安排英文補習.

leechang

請問你個仔考到邊間名校呀, 分享吓啦