普通話教中文好唔好呀?

紅磡梁媽咪

我個女出年入小學, 我想佢學好普通話。但我先生話在討論區見到有人話普通話教中文未必得, 反而用廣東話讀唐詩宋詞效果好好, 有冇老師家長可以解答?

bobee

agree with reneeleung.  local English teachers are actually quite horrible.  Even those top top schools.   you can easily spot the horrible pronunication like "r" = a-low, "f" = F-fu, "z", etc....

Charlotte_mom

http://forum.edu-kingdom.com/viewthread.php?tid=2222873&extra=page%3D4
用廣東話讀唐詩宋詞..........唔呷韻架WOR......

原帖由 紅磡梁媽咪 於 10-8-19 01:59 PM 發表
我個女出年入小學, 我想佢學好普通話。但我先生話在討論區見到有人話普通話教中文未必得, 反而用廣東話讀唐詩宋詞效果好好, 有冇老師家長可以解答? ...

紅磡梁媽咪

原帖由 Charlotte_mom 於 10-8-19 17:37 發表
http://forum.edu-kingdom.com/viewthread.php?tid=2222873&extra=page%3D4
用廣東話讀唐詩宋詞..........唔呷韻架WOR......

吓? 乜用廣東話讀唐詩唔押韻呀? 我老公又話普通話只得幾百年歷史, 反而廣東話仲古老 woo…你地邊個先真?

紅磡梁媽咪

原帖由 紅磡梁媽咪 於 10-8-19 18:32 發表


吓? 乜用廣東話讀唐詩唔押韻呀? 我老公又話普通話只得幾百年歷史, 反而廣東話仲古老 woo…你地邊個先真?

等我叫老公 send討論區條Link比我, 等大家睇下有無錯先…

bkychan

Take a look at this week's 明報周刊 which talks about 生死存亡廣東話.

Personally, I don't think Mardarin will make any differences in your Chinese proficiency, maybe it is even worse than 廣東話.  Besides, 廣東話 is the ancient 普通話 that we need to preserve.

If you wan to learn Mardarin, it is not necessary to use it to teach Chinese subject.

jaycee_mami

原帖由 bkychan 於 10-8-22 00:15 發表
Take a look at this week's 明報周刊 which talks about 生死存亡廣東話.

Personally, I don't think Mardarin will make any differences in your Chinese proficiency, maybe it is even worse than 廣東話.  Be ...

同意, 我都睇左今期的明報周刊, 文中有講普教中的成效, 有引用港大及教育學院的學者的研究結果, 證明"普教中"不一定比"粵教中"好.

fongyuen

有趣有趣，我都係第一次聽人講話廣東話讀唐詩唔押韻咋。

所謂普通話或者所謂北京話官話等，出現時間其實只係响明末時期，滿洲掘起，遼北大量漢人入旗，「滿洲八旗」同埋「漢軍八旗」形成一政治集團，為咗要協同作戰，而創出所謂蘭青官話，亦即係後來嘅普通話、國語等，現在除咗响發音上發現北方語係「非漢語系」，只係同文字系而已，基本上大量北京話詞語，响滿洲話中可以睇到相同。

順帶一提，依家好多人本末倒置，俾北人反過嚟笑南人講鳥語！從血統上，華北人根本係女真同埋滿洲混血而成，不存在有漢人血統！而純血漢人更加只出現响客家人群中！

言歸正傳，其實廣東話，可以追溯至六朝，唐朝時中文發音，根本同廣東話有好多係相同，呢樣亦都解釋咗，點解有好多唐詩，用廣東話讀比用普通話讀更押韻更好聽。

我哋上一代都係用廣東話學中文，我哋都識分幾時用「白話文」幾時用「廣東話」，當然，能力稍遜者就會不懂分別，同理亦會造成「不中不英」，唔通連英文都唔學咩？

所以，最重要係小朋友多讀優質嘅中文書，自然分得清寫「白話文」，講「廣東話」。

[ 本帖最後由 fongyuen 於 10-8-22 12:05 編輯 ]

Charlotte_mom

就呷韻問題, 我打左俾我中文系畢業既細妹, 佢都答我唔到以上所講既歷史問題, 不過, 肯定講左一句, 佢地係用普通話發音黎計平仄, 唔係廣東話
而家唔係講緊普教中嗎? 我唔想越扯越遠了

我讚成細細個學普通話, 唔一定係普教中, 普教中既好處係大大增加左小朋友daily接觸普通話既機會, 如果學校日日有普通話堂, 一定比一星期一堂effective (教材同師資當然亦有絕對影響)
另外, 係咪真係"我手寫我口"呢........係有d幫助既, 你叫佢地分白話vs書面語, 佢地會比較識分, 不過唔代表識普通話就一定書寫比較流暢lor, 呢樣我亦o係我女身上睇到, 作文講好多野, 舖排, 形容, 選字, 感情, 貼題, 唔係識講普通話就可以輕鬆掌握到

fongyuen

平仄跟押韻是兩樣不同的東西。

而且，廣東話的平仄與普通話的平仄又有不同，用明、清話(普通話)的平仄來研究唐、宋詩(嶺南話：包括廣東話等)，只會是隔靴搔癢，讀不出唐、宋詩原來韻味。

其實，用普通話讀唐、宋詩詞，始終不及廣東話好，這個是多年不爭的事實。這是由於廣東話是中國眾多方言中保留古代語言聲韻最多的，用廣東話唸唐詩，可以唸出很多押韻的句子，但用其他方言如客家話、上海話、潮州話甚至國語/普通話就唸不出.

此外，讀中文系而不知中國語文發展史，始終講不過去。建議你妹妹多讀有關歷史，會對了解本國語言更有裨益。

誠然，現在中國勢強，學習普通話是有其需要的，但不能因此一刀切，全用普通話學中文，這會令小朋友不能從廣東話中認識中國豐富的詞彙，始終廣東話很多字都很古雅，可以教小朋友對中國語文了解更多，普教中就不能顧及(當然，也要看那廣東話中文老師的語文根柢)。

[ 本帖最後由 fongyuen 於 10-8-23 12:36 編輯 ]

Charlotte_mom

多謝指教

只係覺得普教中=多D機會接觸普通話, 返學時間有限, 學校好難afford得起中文堂一日一堂, 另加普通話又一日一堂, 唔夠浸, 語言唔會掌握得好
o係"學好覺得普通話係一個好重要既事"呢個大前提下, 我會讚成普教中(係為左學好普通話, 同文學修養無關)

或者"現實"d講: 學好普通話好緊要, 將來要搵飯食, 但(sad to say)香港有幾多人要靠好文學修養黎搵飯食丫, 識靈活運用, 唔好咁多錯別字錯語法, 已經夠好了

希望咁講會清楚d解釋我對普教中睇法

原帖由 fongyuen 於 10-8-23 11:24 AM 發表
平仄跟押韻是兩樣不同的東西。

而且，廣東話的平仄與普通話的平仄又有不同，用明、清話(普通話)的平仄來研究唐、宋詩(嶺南話：包括廣東話等)，只會是隔靴搔癢，讀不出唐、宋詩原來韻味。

其實，用普通話讀唐、宋詩詞，始終不及廣 ...

aryee

我覺得，如果小朋友中文根底無問題，用普教中定中教中都無問題，分別只係多左機會練習普通話。但如果中文根底唔好，用普教中就會阻礙學習中文既進度，因為變成用2nd language去學，會難學。其實普通話根本唔難學，反而中文既語句，修辭，寫作技巧先難學。

天使麵

廣東話
廣東省疑似打壓廣東話一事，按道理好難有效，廣東有幾千萬人，不是少數民族，廣東話好難失傳嘅，況且全國十三億人，凡上過學嘅，都識普通話，廣東話對官方語言─普通話─全無威脅，做乜事要干擾地方語言？中國與印度唔同，印度主要方言 Hindi並不全國通用，印度嘅英文報紙係主流報紙，知識分子以英文溝通，情況與中國一啲都唔同。普通話在中國已佔盡上風，官員怕廣東話做乜？
好似係舊年啩，《文匯報》刊登咗一篇長文，細述廣東話之源流，可遠溯至秦始皇強逼六國豪門遷徙嶺南，大批中原人士因此從嶺北流入現今之廣東，到咗魏晉南北朝，外族人士佔領中國北方，再一次引起中原人士大逃亡、流亡，到咗廣東。因古時廣東與湖南有山野阻隔，交通不便，故此北人南遷之後，文化語言自成一國，保留古風，反而北方歷朝不斷有戰亂，有外族入侵，語言不斷變化，與能夠保存原汁原味之古代廣東話越行越遠。高麗人與唐代有戰爭，有文化交流，有派學生留學中國，今天之韓國仍有唐風，睇韓劇，聽一啲韓語，發音有不少與廣東話接近
㖭。名家如白先勇有次在嶺南大學講詩，講到唐詩朗誦時，白教授（廣西人，爸爸係白崇禧將軍）就由普通話轉用廣東話誦詩，話更押韻。記得已故羅香林教授曾經考證過，廣東話就是唐朝比較普遍嘅語言，今天之廣東人豈可輕言放棄。........轉貼自左丁山的專欄


姑勿論聽聞過幾多次用廣東話讀古文更傳神押韻之說，自己從小的習慣加感受係比普話更流暢，主要原因係更有親切感吧！以前有幾多人識普通話吖，係而家呢個年代大國崛起喇，先對普話趨之若鶩....個人認為，母語係廣東話的小朋友行有餘力的話用普話上堂當然可以一試 ，相反，如果小朋友語文能力較弱的話，就會擔心，仲用"外語"上堂，唔係一種阻隔咩？何況老師本身的質素都未必能用流暢的普通話去教學，小朋友點吸收？
吸收緊d 咩野？

紅磡梁媽咪

我老公 send 咗了 link 比我啦

http://ieemdai.blogspot.com/2010/07/blog-post_287.html

作者係大學教中文, 佢都話廣東話比普通話優雅好多..

其實我覺得個女讀唔讀唐詩好閒, 係我老公成日話好重要姐.

我反而擔心佢用普通話學中文會兩頭唔到岸...

littlefaith

同意，實用性最重要，文學修養高又不能混飯吃，學之徒然。不難想像，再過一些日子，莘莘學子開始要「全盤簡化」，繁體字也會廢掉，以迎合大勢所趨。
任你香港人諸多不願，這種「普教中」、「學簡化字」的趨勢總是避免不了。

Charlotte_mom

哎, 唔好啦..............如果繁體字真係廢左, 我會好心痛
簡體字, 要學, 你講得好岩, 大國崛起, 邊瓣搵到食就要先做準備, 今日去搵份工, 10份有9份要識普通話, 10年8年後, 想像得到唔識講流利普通話, 點搵食?
諸多不願, 都要PLAN FOR FUTURE, 你可以話我勢利, 但我會咁衡量輕重

原帖由 littlefaith 於 10-8-23 02:30 PM 發表
同意，實用性最重要，文學修養高又不能混飯吃，學之徒然。不難想像，再過一些日子，莘莘學子開始要「全盤簡化」，繁體字也會廢掉，以迎合大勢所趨。
任你香港人諸多不願，這種「普教中」、「學簡化字」的趨勢總是避免不了。 ...

TinHay

WoW, thanks for your Chinese History pieces.

原帖由 fongyuen 於 10-8-22 12:01 發表
有趣有趣，我都係第一次聽人講話廣東話讀唐詩唔押韻咋。

所謂普通話或者所謂北京話官話等，出現時間其實只係响明末時期，滿洲掘起，遼北大量漢人入旗，「滿洲八旗」同埋「漢軍八旗」形成一政治集團，為咗要協同作戰，而創出所謂蘭 ...