德貞 vs 崇真

et_lam

  請問有冇家長可給意見呢?小兒巳被德貞取錄,但又想再考崇真. 不知如何是好?

puibb

如果考到崇真，我會選崇真，一來地方又大d，課外活動又多d，重有直屬中學，唔冼煩！

et_lam

多謝你的意見,但不知崇真中學雖Band幾? :

ELING

我會選 德貞。
我仔仔去年都有留位，
德貞，崇真及SFA。

但後來考到 SFA所以無讀，
但德貞  校長及其理念，
都使我兩夫婦留下很好感覺
及很真，
所以 雖然校舍殘舊 及不太出名，
我地都想俾個仔讀，
就算現在，仍有此意，
不防可以考慮。

wyl

其實德貞及崇真都是好學校, 但因為崇真有基崇中學是直資英中, 另外仲有沙田崇真中學亦是band 1英中是聯繫學校; 而德貞的中學則只是女子中中, 為免日後到中學時再煩一次, 我會揀崇真。

simsim

德貞小學就唔差，但德貞中學就......
所以如果係女就要考慮清楚啦!
我女係崇幼的學生，我當然揀崇真。

et_lam

非常感謝你的意見.我有數位朋友的朋友之兒女都是就讀德貞小學,他們也讀得開心.
我喜歡此校屬小班教學,老師有多些時間照顧學生,校長是一位有愛心的教育者而且課程非淺,就英文科而言已比其他學校讀高一冊,雖然校舍比較殘舊而且地點不太理想但我相信此校是一個不錯的選擇.只是擔心沒有直屬中學,如果將來升中派位不是太理想,那就麻煩了.
請問你的仔仔現在讀得開心嗎?是否有很大的功課壓力呢?聽聞此校對學術的要求甚高.身為家長是否同樣感到壓力呢?

et_lam

多謝你的回應.
我也擔心將來升中派位的問題,才十五十六.我對崇真了解不深,不過聽聞此校有很多收費的課外活動,每月學費連課外活動的費用也不便宜,不知是否屬實?如果考慮到升中派位的話,你會選民生或是崇真呢?

et_lam

認真多謝你的回覆!其實我對此校的認識都是打聽回來的,只知道德貞中學是女子學校,所以我的仔仔一定讀不成.哈哈!不過我想知道你女兒就讀的崇幼如何?我在網上看見崇幼是採用蒙特梭理教學法,不知你女兒在數學上是否真的有得益呢?

simsim

et_lam :
女兒在崇幼的生活非常愉快。在學業上，我比較欣賞學校的英文課程，因為由外籍老師教授，無論讀音，會話甚至生字也學得不錯。我知道崇小比崇幼更重視這方面，所以明年如政府派位不理想，女兒也會首選此校。
崇真的教育理念唔差，校長好有心機辦學，崇小的老師都幾nice(因有朋友的子女正就讀)，有什麼問題都好主動搵家長傾，你可以去崇真的網頁睇下，或去學校參觀都得(先打電話去學校)。
其實德貞唔係唔好不過我覺得崇真的環境較佳，我自己N年前都係在德貞畢業，以前男孩子派位唔差，如果成積好，都派到長沙灣天主教等同區Band1中學，不過女仔就麻煩d，成績好唔揀直屬中學就會比老師煩，又話派得唔好，唔好要我收番你，(哩d 係N年前資料)，所以我唔比亞女讀啦!   

傻妹

simsim,

我地搬左入屯門,但係都會俾囡囡讀崇小,因為全家人都鐘意呢間學校;態度開明,老師好顧及學生感受而唔係死讀書死谷;
我相信無揀錯既.

simsim

傻妹 ,
搬左入屯門返學要幾點起身呀?我都考慮緊哩個問題,如果派位派得唔好都會讀崇小,但見到個鄰居返完輔導班要6:45pm先落校巴就有d擔心,咁長的返學時間會唔會好累?

wyl

simsim,

但係喺學校已經做哂功課同溫習，返到屋企唔駛再咁辛苦，6:45pm都OK。我姪女而家喺愛德讀P2，3點半放學就由補習社接走一路到夜晚8點先返屋企食飯，真係仲慘過我哋返工呀！

vvmakyy

simsim

sorry, 我唔係好明, 點解你話德貞女仔升中派位會麻煩d, 唔通一定要讀直屬中學, 因為我想囡囡選此校綱的小學同其他中學, 請問德貞(中學) 是中中還是英中?

vvmakyy

"不過女仔就麻煩d，成績好唔揀直屬中學就會比老師煩，又話派得唔好，唔好要我收番你，(哩d 係N年前資料)，所以我唔比亞女讀啦! "

WongWong

德貞(中學) 是中中.

傻妹

simsim,

暫時都係估計要6:45起身;因為而家重係讀緊下晝班;所以影響不大,唯獨是參加課外活動班無校車接.我都唔知會唔會好累,但係呢方面做就左我地唔使用工人;所謂針無兩頭利唯有夜晚再早d要囡訓.我相信都要一段時間適應!

傻妹

wyl,

聽聞唔參加功課輔導班都可以放學前(3:30pm)完成7/8成功課.我而家反而擔心功課輔導果3個鐘有咩做?會唔會好悶?你有無呢方面既資料呢?謝謝

傻妹

有點補充,噚日同老師傾過;功課輔導班係由幼稚園教師或請外面既大哥哥姐姐幫手既.除左做功課外,有黙書,測驗或考試都會同學生溫好書;而平時早做完功課,就會額外俾工作紙學生做(遊戲形式)唔會太過一味做功課或溫書.聽落真係唔錯.如果有功課輔導班學生家長可以分享就好喇!!

小六

基督教崇真一向派位很好，語文訓練極好．