"你""我"不分

lokjoan

阿囝成日分唔清你我, 好多時"我"講咗"你", 請問大家會否有呢個情況? 點樣去教佢?

Olympian

聽講要到3歲先識分。

lokjoan

依家已經3歲2個月了! 我見人地2歲半就識分了.

Olympian

其實不分你、我係A仔的特點，佢地較難明白代名詞。慢慢教囉:)

BeBe媽媽

我仔兩歲半都唔太識用、分。但最近成曰同佢唱＂我共你、你共我＂…佢就清楚左，但未完全講得肯定…。

BeBe媽媽

唔好同人地比較咁多，其實我見過歲幾都好叻，哈哈

pocoyo123

我個仔五歲半啦, 有時都講錯呀, 我咪每次都糾正佢囉, 仲有果D, .....長輩關係, 親戚稱呼, .....有時佢又問你,點解有D衣衣又叫姐姐, 工人又叫姐姐, 大佢小小的小朋友又叫姐姐, 媽咪嘅媽咪叫婆婆, 見到好老的人又叫婆婆, ........呢D問到我有時口啞啞

shanyeungbb

我的小朋友也有這個情況, 有人教我, 講"我"時配合動作, 用手怕自己心口, 講"你"時, 用手指向對方, 講"佢"時, 用手指公指向第三者方面。不過我的小朋友依然是講錯

kelvin_hmlau

基本上言語治療師都係教呢個辦法 (指住他自己說"我"), 我跟住試發覺無效, 所以都無再試.

跟住就無再研究呢個問題, 因為有大量其他問題需要處理.
相信原因同鸚鵡學舌問題類似, 都係由於不理解(你,我,他概念), 於是跟住你的說話重複講一次.

解決辦法我覺得係無 (有好點子的媽咪不妨說出來), 直至當佢地明白"你,我,他概念", 才會學懂.

曾聽過樂天陳校長說過大概5歲便可以說對, 小兒現四歲半, 開始有時會說對. 希望校長的說話可以實現.

nokia6300

對的,我小朋友的st都是這樣教

小兒現2歲9,大約呢2個月開始有90%說對了,當中只可以次次佢講錯時教返岩,我次次都用手勢的,食生果又講下"你一個","我一個",去街又大叫下,"你等埋我啦",其實之前佢錯時會改用"媽媽","爸爸"....等,不過st說如小朋友已經掌握到叫人個名,平日便改多一點用"你","我" instead of佢個名子

之前既pst說,基本小朋友系3-4歲先完全分清,當然有差別,因個個小朋友不一樣,我姪仔未足2歲已經冇呢d問題了

慢慢來.....

SandraLo

原帖由 kelvin_hmlau 於 11-1-31 16:00 發表
基本上言語治療師都係教呢個辦法 (指住他自己說"我"), 我跟住試發覺無效, 所以都無再試.

跟住就無再研究呢個問題, 因為有大量其他問題需要處理.
相信原因同鸚鵡學舌問題類似, 都係由於不理解(你,我,他概念), 於是跟住你的說話重複講一次.

解決辦法我覺得係無 (有好點子的媽咪不妨說出來), 直至當佢地明白"你,我,他概念", 才會學懂.
...

有方法的..........
他們不能分「你」「我」, 是因為他們發現媽媽永遠叫媽媽自己做「我」, 叫小朋友(即佢) 做「你」, 例如媽媽說：『我俾條毛巾你啦！』 佢知「我」係代表媽媽, 咁佢咪又叫媽媽做「我」, 叫自己做「你」囉！
你可以用兩個動物手偶 (puppet) 玩role play, 手偶對話時, 用多些「你」同「我」, 例如其中一個手偶問：『小狗, 「你」食緊乜嘢呀？』
另一個手偶就答：『小猫, 「我」食緊蘋果呀！』
咁佢會易明好多乜嘢叫你同我！