你有無為小朋友面試作準備？或只靠臨場發揮？

ce366

自然發展

hobby

其實是否為面試作準備, 我覺得一定要教:

1. 對人有禮貌
2. 不怕陌生人
3. eye contact
4. 有手尾
5. 有自信, 講嘢唔可以太細聲
6. 自理
7. 合羣

fc1111

怎麼可能不做準備呢？除了樓上所說的無論面試與否都需要教小朋友的基本教養之外，作為家長，難道不需要先多點了解學校，看看學校的資料，比較一下自己孩子適合與否等等？

阿早!

我有準備架， 事實上而家考幼稚園係考“基本的自己名字，年歲，認顏色，形狀，生果等..”呢D唔教唔通佢天生識咩。。。。

再講， 如果小朋友吸收到， 點解唔教佢多D？ 反之小朋友係未到能力去識的話， 你點教點迫都唔會識。

girouis

我相信上得來呢度睇Post, 都應該對自己小朋友有一定要求嘅! 有要求就一定有準備, 只係做多定小分別。同時平時教養好緊要!

Chickee

我覺兩樣都好重要, 我地兩樣都有預備。名字, 禮貌, 簡單對答平時都有從遊戲中學習。臨場, 我會盡量調教小朋友午睡時間, 面試日盡量保持小朋友心情愉快, 帶D佢喜歡的小食或者玩具去試場, 同埋不斷的鼓勵, 讚佢多D。

C-Mermaid

本人無幫BB做準備，入場前鼓勵佢，完全臨場自由發揮，一共in左6間，5間accept，1間waiting，目前最終決定係學之園英普班。

chansiub

我從來都沒有為interview 而訓練小朋友。Interview 前亦都沒有給他說我們去考學校。我平常會花時間去跟他玩，跟他讀書。大部分都是從遊戲及生活中學習。鼓勵他多跟陌生人說話。Interview前只叫他玩得開心點。他自然會發揮。我報的學校間數不用一隻手都可數唒。但我全bingo。其實可以話我由出生已開始準備。不是刻意為interview而是為個人發展而做。

小小山

無特別準備, 亦無得準備, 細仔, in 左 7間, 有2間offer (唔係名校), 2間 waiting.

sbux

不要只著眼對話面試，即問咩名、物件名稱等，大小肌發展亦十分重要，大小肌控制得好的小朋友心思較細密，亦較有自信心 (情況猶如語言技巧好一樣)，面試會較得心應手。呢D嘢全部唔係一朝一夕可以訓練到，可以話自六個月始父母嘅準備。亦因為咁重要，本人亦會特別欣賞幼校會於PN 考小肌的學校，因為証明佢哋了解幼兒每個成長階段的發展和需要。

December_baby

同意chanisub

我都係為佢既發展而做，並非為interview。
佢六個月大開始已俾書佢睇，對佢黎講書已經係玩具既一種。宜家佢好鍾意睇書。我又會同佢從遊戲中學習，當然要有工具輔助。俾佢上英文班，從小吸收學習語言，學習合羣，與其他小朋友相處，幫助佢適應上學。自創在家學校教學，模擬幼稚園，同佢一齊睇大大本既圖書、唱遊、做圖工勞作、玩泥膠等等

平時教品行，良好習慣...甚至乎教點樣禮貌地拒絕別人，好多好多

December_baby

同埋經常同佢去公園玩，訓練手腳協調，挑戦難度，培養自信心，跌到一仆一碌都勇敢地自己爬起身...

所以我成日覺得考幼稚園唔係真係考小朋友識，而係睇小朋友既潛質和氣質

christy31400

乜都無準備架~~我唔想比咁大壓力小朋友，想佢面試時好似去玩咁，大家都會舒服d~~~~

day_bo

我有嘗試預備，但我囝教極都唔識（12月細B），所以冇再去迫佢，等佢慢慢學，相信返左半年N班下年以大B身分再考過會好D。