請問有關8歲女的行為問題?

mrs.correia

我大女8歲(96年出世),自小非常乖巧,一放學便自動讀書做功課,總之好多aunties會讚佢乖,好鍚佢。
但自從今年升上P.3後,散慢了,不是太自願地溫習功課(雖然成績不是相差太遠),最慘是對父母的態度差了許多,講一句駁十句,叫佢幫兩個妹妹做少少差事,差不多要又跪又求,才可幫一幫忙,自小都愛大家傾心事,現在問幾問便說麻煩唔想講。  我都問過佢朋仔友的mami,佢話佢個女(也是8歲)都衰,但比我女更衰的是孤寒(無論是錢還是食物)。  究竟是不是青春期提早了?反叛期提早了?  好彩我女讀女校,因為佢朋仔友的mami告訴我,佢個女升上P.3後愛放學後和男同學關上房門傾電話,傾到功課都不願做。  究竟是否早熟?  各位mami,你們的仔女有否此種行為問題?

conniedodo

我個女９歲半，近來都好鍾意駁咀，有時仲駁到好無厘頭，激死我！！
有時都好難叫得邯佢做野，多多藉口！！

CHUCHU

我都覺得有問題,我個女由九歲左右開始好激氣,以前言聽計從 ,而家成日問點解啫,又多質疑我,唔係一叫就做,有時好似專登同我作對咁,好勞氣 :tongue: ,佢就冇發酵,不過八歲開始變男仔頭,(死都唔着裙),好似直頭係男仔,仲同d男同學稱兄道弟添.

我好  慕人地d女好可愛,好女仔,又溫柔.   

WYmom

My daughter at P.3 also become 好激氣,  won't listen to or answer parents more, still so absent-minded, can't organize her things well, forget this and that.  Sometimes really feel very angry as I expect her to do better at her age now. :cry:

Irene_BB

我個仔七歳(98年出世)都係感﹐我都好唔開心。   

Eva

我個女6月就8歲, 依家都駁咀駁舌. 我仲諗住等佢大多一兩年便會明白事理,我會無咁勞氣TIM. 依家聽你地咁講,真係   

依家佢唔聽話,我大聲一點,兇惡一點,佢都會膽曬咁叫做,雖然明知佢有D不服氣,但起碼都可以控制得到她, 再大D係唔知會點 :cry:  

Eva

我個女6月就8歲, 依家都駁咀駁舌. 我仲諗住等佢大多一兩年便會明白事理,我會無咁勞氣TIM. 依家聽你地咁講,真係   

依家佢唔聽話,我大聲一點,兇惡一點,佢都會謄曬雞咁去做,雖然明知佢有D不服氣,但起碼都可以head得住她, 再大D唔知會點 :cry:  

伊華

回想小時候也喜歡駁母親大人的咀
經常感到她不理解我覺得很沮喪
我想現在的孩子比我們更聰明
證明他們有對事情的看法
梁天明博士對孩子相處頗有心德
有興趣可聽聽:
click  here

Eva

伊華
很多謝你介紹的LINK. 聽了幾個個案, 雖然覺得那些主持有時有些偏激. 但也可以從中知道許多發生在孩子方面的不同問題而令我有心理準備.

謝謝分享

伊華

Eva,
當然專家說話不可盡信
每個家庭背景和孩子特質不同
畢竟時代不同
若循上一代的教法未免過時
父母處事有時都會錯
唯有邊學邊做見招拆招

ling媽

我囡年尾8歲，駁咀一定會有，仲要話極唔聽，成日發皮四，不過佢發皮四時再同佢硬碰就唔得，反而要同佢細細聲講道理佢會受，你唔理佢佢反而死死地氣唉返你，同亞囡相處就好似玩心理戰咁，唯有得閒多d傾下計，起碼知道佢地點諗。每個人個性唔同，好難話點做先叫好。我地幾十歲人同個幾歲

Ms.ChanChan

前日，女兒的芭蕾舞老師投訴女兒和她的同學頑皮不聽話，即使一，兩個以前較文靜的同學，今年也開始難教。

芭蕾舞老師說，以她的經驗，大部份小朋友到小三也是這樣，上小四後情況會略為好轉，到六年級又會較反叛!

小女今年9歲駁咀情況較前嚴重，不服從，心散。 這些是否成長的表現？ 很多時候忍不住罵，女兒駁咀或有不忿表現，但平靜下來後，她又會知錯變回乖孩子。  但這個情況反覆每兩，三天循環一次。 真的希望上小四後會好轉!

小寶貝

我果個都係會駁咀, 但最唔好的就是講誨氣話, 真係頭恨!
無計啦! 得佢一個, 成為我兩公為一的焦點,
可能有時我地真係會好煩又唔覺.
我特別鍾意問佢對一些事情的睇法 & 感受. 從中了解她.

nlau

女兒從7歲起, 我已覺她反叛, 幸好她較純, 我每天都會親她和擁抱她, 維持好關係, 所以嘔氣時她即使不服氣, 最後總會屈服
不過, 也不知可維持多久, 因看到她已月來月"外向", 有些心事不會說。  :cry:

WYmom

nlau 寫道:
女兒從7歲起, 我已覺她反叛, 幸好她較純, 我每天都會親她和擁抱她, 維持好關係, 所以嘔氣時她即使不服氣, 最後總會屈服
不過, 也不知可維持多久, 因看到她已月來月"外向", 有些心事不會說。  :cry:

As my daughter grows bigger after joining primary school, we have seldom hug her, only want to make her more independent, ask her to go here and there by her own.  Maybe we have to change a bit, should try to maintain closer relationship with kids of this age, so that they can still feel the care and love from parents and won't be so rebellious.  Need to try.

mrs.correia

Eva 寫道:
我個女6月就8歲, 依家都駁咀駁舌. 我仲諗住等佢大多一兩年便會明白事理,我會無咁勞氣TIM. 依家聽你地咁講,真係   

依家佢唔聽話,我大聲一點,兇惡一點,佢都會膽曬咁叫做,雖然明知佢有D不服氣,但起碼都可以控制得到她, 再大D係唔知會點 :cry:  

我好同意,我個女直情好似一樣,我都是諗住等佢大多一兩年便會明白事理,我會無咁勞氣TIM. 依家重要同妹妹爭玩具,爭食物,無符! :tongue: