江宜樺離台 城大執教鞭

elbar

■台灣行政院前院長江宜樺，稍後會嚟香港城市大學執教。


曾經喺太陽花學運中起訴學生嘅台灣行政院前院長江宜樺，稍後會嚟香港城市大學執教。城大證實佢將於今個月上任，參與推動環球中國研究，同時任教中文及歷史學系嘅個別學科。


江宜樺喺台灣都幾受學生爭議，當年太陽花學運事件，佢堅持起訴佔領學生，之後因為國民黨喺九合一選舉中慘敗而辭任行政院院長，接任嘅行政院長林全撤銷對太陽花學運人士嘅控告，江宜樺即刻公開撰文，話佔領行政院係暴力同違法行為，嚴重傷害民主法治，批評撤銷做法。


江宜樺辭職後，台灣學生即發起「反對江宜樺先生回台大政治系任教」活動，所以佢去咗美國，今年5月先返台。估唔到轉個頭，佢就打算嚟香港教書，唔知佢同香港嘅學生夾唔夾得嚟呢？




李八方