聖羅撤 VS 明我 VS 培道

abebilo

聖羅撤 VS 明我VS 培道

女仔讀邊間好, 請各位媽媽比D意見!

ce366

我會培道

abebilo

回復 ce366 的帖子

點解呢?

cmy2010

培道可直升小學，即使大抽獎抽中間唔好的學校，仍有培小做backup.

abebilo

回復 cmy2010 的帖子

如果唔計呢方面呢? 其實我唔太鍾意培小, 想問一下如只講幼稚園會點揀呢?

KTP

請問培小有什麼問題?

cmy2010

你會想叩門或考私小嗎？還是你已夠分有一津小在手？我覺得學券的學校的程度不會相差太遠，要叩門的話大家都預左要再出去補，但培幼可多一個培小backup，即使叩門不成，又派了一間不是心儀的學校，至少你還可以選培小也不差。不過聽說聖羅撒和明我的學術會好少少, 若你不考慮培小，單看學術，可能就選聖羅撒或明我吧。

abebilo

回復 cmy2010 的帖子

其實我唔鐘意培小係因為佢直資而程度不高, 我不是要bank 1頭, 但我不想讀一間直資的中文小學及程度淺的學校

其實讀那一間我都會給小女在校外補習, 聽聞明我好谷, SRL好淺, 但聽聞SRL現在深了且有net teacher,

因為轉了幼稚園校長, 連小學學長都轉埋, 是前喇沙副校定校長, 所以要催谷轉trend, 唔知會唔會同明我差不多, 還是仲欠一大截呢?

tekkulas

我同你都有聖羅撒&培道offer，這個星期都好煩！今日都自私D交左培道留位費，比多D時間想清楚 我地都好鍾意聖羅撒，但一啉到升小都啉吾通 我覺得培道小學好好！又啉到如果揀私校出去又可能會有更多撰擇，可必要放棄一間學術水平好的幼稚園！聖羅撒校舍新，又是一所好學校，吾揀佢又過吾到自己囉！ 煩！煩！ 煩！

abebilo

回復 tekkulas 的帖子

我放棄咗交培道留位費, 因培小不是我杯茶之餘還是直資而又是中文小學, 其實呢間我都唔會唸, 只係我手上的offer如有學卷的係呢3間, 想睇下各位意見, 心水係SRL, 但係明我較谷及較近我屋企, 所以有D考慮...

Sukimama888

想請問樓上二位朋友，你地個小朋友係仔仔定女女?

tekkulas

原帖由 Sukimama888 於 13-01-25 發表
想請問樓上二位朋友，你地個小朋友係仔仔定女女?

囡囡

abebilo

回復 Sukimama888 的帖子

女女, 多數都係女至會比較呢2間

falalala

我都係鐘意聖羅撤呀, 不過唔係今年考,.. 唔知難唔難呢??

TwogirlsMama

我囡囡都有聖羅撒及培道offer，但最後揀左培道。原因係做過資料搜集，兩者都有學卷，學術程度應該不太大分別，前者好似冇普通話堂（14年唔知有冇），而後者品德培育方面有較多好評，出名老師有愛心，愉快學習，後者亦有小學back up，進可攻，退可守，而且去open day時對培道校長都有好感，覺得佢有心辦學，親切又進取。聖羅撒又要第二次註冊先知上午或下午班，感覺有啲差。雖然後者校舍較舊，但仍然覺得軟件較硬件重要，只係校舍大及新，師資一般的話，我寧願品德培育好，有禮有自信，愉快學習，自己反正又會外出補習，到時扣門都有優勢啲，可能我心頭不高，但求中規中矩，所以就算升培小我都接受到（而且小一面試除左成績，我覺得都睇小朋友品格）以上純粹個人意見，不喜勿插！

abebilo

回復 TwogirlsMama 的帖子

聖羅撒都係出名品德培養喎，其實考培道係因為公公婆婆住隔離，但我自己唔係太喜歡培小中，既然唔讀培小中，所以放棄培幼，亦放棄明我了，決定聖羅撒。