科大製新有機太陽能電池 助減污染

elbar

【明報專訊】科技大學教授用新物料製造咗一種全新有機太陽能電池，可以將有機太陽能電池嘅光電轉化率，提高到無機太陽能電池嘅水平，解決咗以往限制有機太陽能電池發展嘅問題，如果可以推廣，將大大減少對環境嘅污染。


過往有機太陽能電池需要0.3eV（電子伏特）驅動力，先至可以電荷分離，從而發電，因為過程中會產生電壓流失，限制咗有機太陽能電池嘅發展，所以就算有機太陽能電池喺製造過程中對環境影響比較細，但普遍使用嘅都係無機太陽能電池。


科大化學系助理教授顏河同埋團隊用新物料製造嘅有機太陽能電池，可以喺接近零驅動力情况下發電，電池最高轉換率可由12%至13%提升到20%至25%，可媲美無機太陽能電池，如果因此用有機取代無機，將大大減少製造太陽能電池過程中產生嘅污染。顏河話，未來會同化學、物理及能源專家合作，研究有機太陽能電池嘅前景。