幼稚園既親子日營--去唔去好?

Teresa

係星期六黎架, 去fanling浸會園, 有生活技能體驗, 橫爬可牆, 繩網etc.  午膳自備, 8:30-4:00.

我仲諗緊去唔去好, 因為:
~上學期既親子旅行冇去到, 呢個日營可以補番.
~最後一次幼稚園既outdoor活動, 可以同同學仔/老師影下相留念.

但係又擔心:
~如果天氣好似今日咁三十幾度, 勁熱, 驚中暑.
~我個仔好大汗, 我又要帶lunch, 又要帶多幾件衫/毛巾替換, 咩住個backpack (同埋應該仲有個冰袋), 仲要同佢一齊親子玩, 我唔知可唔可以manage到 (因只有我同佢, 老公唔得閑去).


你地點睇呀? 我仲未交回條....

Chungmama

For me, I will go.
btw, why need to bring 冰袋?

比比

如果係我就一定會去囉，因為小朋友好enjoy學校既活動架，就算大人覺得無聊小朋友都係覺得開心，況且你都講係幼稚園生涯最后一次，而上一次重冇去tim。

Xanthe

Teresa,

I will go.

Teresa

Chungmama 寫道:
For me, I will go.
btw, why need to bring 冰袋?

因為可以放多小小凍飲補充水份, 食既野可以放埋落去保凍, 唔洗整到個backpack濕立立.

我都傾向同你地一樣意見--去!!! 只係驚到時烈日當空冇遮擋.  你地有冇人去過浸會園? 係乜野場地黎架?

小草

Teresa,

去啦! 小朋友好鍾意群體活動架!
浸會園唔係"荒山野領"，係一個設備好齊全既康樂渡假營地 - click here

入面有飯堂有茶座，唔駛帶冰袋，只帶水就夠，要凍野飲可以o係果度買。食物都可以帶少少就夠，一樣可以去到買。

至於天氣問題就更加唔駛諗，因為無人會預計到麻，係咪? ，帶一把縮骨遮，突然落雨或猛太陽都用得著!
好多人都係一個大人照顧一個小朋友架啦! 你得既，比d信心! 日後上小學仲有大把親子活動呀!  

830mama

Teresa :

梗係去啦, 小朋友會好happy ge, 只要帶齊防曬用品就得啦.
預祝你玩得開心D. :  :

kitty

我都會去,早排我都諗緊同唔同我女去,諗諗下佢K2時我都冇去過親子旅行,因我仲要一拖二,但今年是最後一年,所以我都去左,我仲要一拖二,帶既野比你多小小,但見佢地玩得好開心~
放心啦,比D 信心自己你實得既!

christina

如果請到假就一定會.     

GIGI168

Teresa :

梗係去啦

DoReMi媽媽

浸會園有飯堂, 有茶座, 有飲品賣, 有小食賣, 廁所(女廁)衛生情況都好好, 我嗰次去都有落雨, 但好多地方都有瓦遮頭, 所以冇問題, 怕晒就帶把超輕縮骨遮. 我嗰次都有諗去唔去好, 因為我好怕戶外活動, 但去到情況又唔差噃, 不過我嗰次就冇乜太陽. :wink:

yyh1712

一定去,做亞媽就係咁架啦, 我同妳一樣都要親子旅行,最後一年捱埋佢啦, 加油呀

Teresa

多謝各位支持同介紹浸會園.  而家我放心好多喇.  起碼唔驚到時帶唔夠飲品.  決定去喇!!!!

janetc

去啦! 小朋友好開心ka. 我地做媽咪既又可同同學仔媽咪傾下計,平時要返工,這是好難得的機會.

toby豆

梗係去啦,小朋友會好開心架,同埋又係最後一年

kittylock

Teresa,

浸會園好好玩，不如帶埋我去啦！   

Teresa

kittylock 寫道:
Teresa,

浸會園好好玩，不如帶埋我去啦！   

:tongue:  :tongue: