各位現就讀小學而又係細仔細女o既家長

EASYMA

細仔細女係咪真係係班裡面成績差d? 可唔可以講講個情況比我參考下?

EASYMA

唔該, 有無呀, 可唔可以分享你地嘅經驗呀?

ling媽

我亞囡係班中細女，12月尾出世，仲有一個同日出生的同學，學校係活動教學，成績方面中文普普通通，英文同數學都ok，老師講過細仔細女唔係問題，都係差唔多，有d大仔大女成績都會差過佢地，係睇人的，亞囡係班中頭十名內。至於學習方面，老師都係一樣咁教，無特別照顧，做功課都無問題，只不過好多時係大意，好多小朋友都係咁，無分大定細。

BillyM

EASYMA 寫道:
細仔細女係咪真係係班裡面成績差d? 可唔可以講講個情況比我參考下?

我冇細仔細女，但憑我所見，細仔細女唔一定差，但出事機會比起大仔大女高。

raccoon_dog

其實細仔細女,都和普通學生沒有太大分別,有時差數個月不要何必太計較,以我來說我的囡囡係全班最細,但都考到全級頭幾名,大家同學一齊玩,在小學,老師又唔會特別照顧,很普通.

至於讀不讀多年,那要看小朋友跟不跟上,跟唔上未讀多年,有時都有大仔大女都有留級啦,差幾個月,在幼兒時分別大,但再大些就沒有分別,正如剛出世和兩,三個月大的BB分別很大,但隨年齡增長分別慢慢收短,也正如八,九歲的分別.

我都有大囡,在幼稚園時常看家長白眼,成日比人話大蝦細,我個女又唔好彩讀正十幾個細仔細女嗰班,囡囡很唔開心,上了小學,差幾個月分別唔大,緊有人年頭年尾出世,所以不要大計較年頭,年尾幾個月,其實大家同級未又係讀了咁多年書,又唔會你大些讀多些(重讀除外),所以努力教導小孩吧.