有關5歲半要到"評估中心"做評估問題

owl_2046

有冇父母知道, 到時醫生要小朋友做D咩野TEST?
大肌, 小肌, 智能分別大概要做D咩野?
麻煩各位, 謝謝!

olima

你指的評估中心是否cac﹖如是，應該是小一前評估。

我囝剛做完，是臨床心理學家做的，主要針對智能，佢地會用韋氏測試(分語文及操作兩部份，要認字、寫字、理解及砌圖等)，然後會話你知孩子的智力水平(不會給確切的分數)，建議孩子是否需要入讀特殊小學，或主流小學。

我囝囝做的部份約1小時多小小，也會跟父母談孩子的情況，我們前後做了近3小時。

最後會問你是否願意讓資料給孩子日後所讀的小學。

原帖由 owl_2046 於 11-3-12 17:32 發表
有冇父母知道, 到時醫生要小朋友做D咩野TEST?
大肌, 小肌, 智能分別大概要做D咩野?
麻煩各位, 謝謝!

why-me

老實講, 我仔能力有限, 唔好講寫字, 執筆都唔願意.
認字更加冇可能, 而家重停留在:分色及配對, 我亦預左佢入特殊, 之但係又會唔會因為做唔到某D項目而心理學家相對地將測試LEVEL降低?
評估過程父母可以跟身嗎?
若平時做到但在當日的陌生環境下唔肯做又如果解決?
另外唔係醫生做咩?點解係心理學家?
謝謝解答.

[ 本帖最後由 why-me 於 11-3-12 21:07 編輯 ]

pocoyo123

一定係心理學家做評估父母不可入去一齊做
主要都係做一些同齡小朋友能力範圍的測驗, 如應對, 思考, 寫字, 社交..............
我小朋友評估當天到最後表現都不好, 因心理學家知亞仔有專注力不足, 佢都同我講知亞仔能力應比評估高, 但因最後有些題目亞仔唔想答, ( 亞仔真係咁同個心理學家講, 你做咁耐, 我好呻苦呀, 我唔想再答呀, 吹脹), 個心理學家話亞仔應該識, 但評估計分就令D分拉低左, 無計
韋氐評估係國際性, 無得改, 佢有好大的範圍做測試, 做完后就用佢呢套計分標準來定, 聽說今年會改新版韋氐, 計分標準會高左, 所以會難左
我亞仔評估前我有去上PST, 個PST會同亞仔做多些評估內容的訓練, 谷得幾多得幾多

szeszes

我仔最近都做完呢個 TEST, 係心理專家單獨對住小朋友的, 我仔上次做左2小時

我知有... 玩砌圖 (有1部份係按圖砌, 1部份就要靠小朋友思考)

有語言上表達, 理解及思考 (係比 D 圖小朋友睇, 之後叫佢形容下圖上既野)

仲有係抄寫呢方野等等

由於我小朋友有言語發展延誤 (理解及表達差), 因為評為中至中下之間

bbricky

我小朋友剛做完認下字一齊玩玩具睇對答看圖畫解釋記得如果同平時差太遠可即場上訴結果

bbricky

我小朋友剛做完認下字一齊玩玩具睇對答看圖畫解釋記得如果同平時差太遠可即場上訴結果

owl_2046

好似未有言語表達能力已經扣一半分