個黃綠醫生!

ANNAFRIEND

唉! 浪費成千銀. 佢同我廢UP既野跟本係我話佢知. 又話我小朋友唔揀書睇. 我小朋友揀左玩車仔又可以話佢唔坐定玩車. 我反問阿黃綠醫生玩推車仔會坐定定在椅上玩的嗎? 佢居然答我會喎. 仲有又話我小朋友由入房到而家都未坐過. 阿黃綠醫生試問一個小朋友見到甘多車仔玩具, 而佢又好有興趣玩o既話, 會唔會同你一碌木坐定定呀. 如果佢搓住架車仔, 坐定定剩玩架車o既輪, 睇怕你又話佢自閉症啦. 鐵車仔唔係在地上推推下點玩呀, 我真想叫佢示範下. 仲有佢仲比張圖我反問我你覺得小朋友似邊一種症狀. 阿黃緑醫生你係醫生, 又自稱有二十幾年經驗, 睇怕你閱細路無數, 冇一萬都有幾千, 睇症狀你應該係專家, 唔係我. 問我小朋友問題後, 又同我講你小朋友對答好正常, 都好醒目, 智力冇問題. 唉!我黎睇係專注力問題, 唔係CHECK IQ. 跟住同我講你小朋友屬輕微專注力問題. 又比D廢UP意見我例如獎勵, 父母有共識等等. 但跟手見意我比佢食藥, 我同黃緑講佢症狀輕微JA喎, 我唔會比佢食. 阿黃緑似乎想SELL藥, 一尾講食藥好處, 又話而家症狀輕微, 遲D就唔知啦. 又話大D可能會好返, 但又可能更嚴重. 又講個個案比我聽, 我直覺係SELL藥多D. 又有意無意叫我直接去佢診所睇, 話呢度冇藥比等等. 叫我自己考慮下. 我再話我唔考慮比小朋友食藥. 佢個面口就好似唔多高興. 談話完畢, 成為一千大元. BY THE WAY, 我直覺佢好似想講到我小朋友有ADHD, 佢就可以SELL我藥. 但我小朋友只係上堂發下夢, 唔專心. 仲諗住睇完醫生可以有D課程幫助下, 點知一尾SELL藥. 不知所謂.

ANNAFRIEND

想問下小朋友有專注力問題的媽咪, 你地睇醫生時, 醫生會唔會用工具來評估小朋友? 我個黃緑就只同我傾計, 叫小朋友自己玩, 從旁觀察. 甘樣評估正唔正常. 會唔會第一次就叫小朋友食藥?

lillymarie

ADHD的確是靠臨床診斷 clinical diagnosis, 醫生手上有一套criteria, 若符合就可以斷症的。我不是說你看的醫生一定對，要確診ADHD需要有一些指定的病徵，不肯定醫生有沒有向你解釋。

belau8009

私家係睇根據家中，在外和在校三方面的情況來評估，如要實地考察就要政府的日間中心會有場地模擬，根本精神科的醫生都會要D小朋友食藥，對醫生來講越早食越好！(以上係我係私家得來的經驗)

wingl410

我小朋友上週睇左何醫生, 佢反而話第一次睇唔想咁快就比藥我仔, 仲話我而家個方向正確(1月會上協康d社交課程, 黎緊我自己上3p親子正策..etc), 叫我1月上完, 睇下2月,3月囝囝情況有冇好d, 如有就唔駛返去, 若差左至再去睇佢....咁我呢個醫生係咪算幾好咁呢?!