升上主流小一有甚麼地方應主意?

bbricky

我仔仔九月要升主流小一,校長問我有甚麼地方需要支援,我不識答,請問各位家長可否教我?現在我小朋友讀s位但不係教自閉的比例1:6,升小學後1:15請問我小朋友從來都未試過dictation&test點算?同埋我小朋友感統有事會大叫你地會怎處理?ths

szeszes

其實, 我最擔心都係同學既恥笑 或 作弄; 你可以先行比佢返下主流小學先啦!!

我有個同事佢侄仔又係 A 仔, 今年5年級, 佢地父母都決定升中後入返 特殊學校 (因為小朋友真係融入唔到)

我仔都係今年升小一, 不過佢返開深程度 (K3 讀 P1 既書本及功課) 既主流幼稚園, 而學校一直都知仔仔係言語理解及表達差, 同埋怕羞 d 外, 其他既表現都可以接受 (佢都會同某幾位同學一齊玩)

pocoyo123

搵小學真係好難, 差不多私立, 直資, 名校, 全部無你份, 仲要搵間有支援, 有愛心, 包容, 小班(但又唔好比人殺校), 調息, 補底..............地區又要ok, 仲要考慮升中.,.............., , 我現在就係搵緊小學, 面對以上問題,你話想唔想死

原帖由 pipi331 於 11-4-28 00:33 發表
不如諗果d出名收得多特殊需要小朋友ge小學.
雖然系物以類聚, 好似無咁好. 但一般主流都好谷, 老師又未必識處理特殊需要; 正常小朋友會聯群結黨玩, 我地班仔好易被欺凌 同埋排擠. 系唔夠支援 唔fit個仔ge學校讀, 學 ...

mcdull888

1.試下小一預備班(如協康)
2.預備一份小朋友既資料, 如性格, 特質, 有冇固執行為, 情緒問題和 平時有用既處理情緒方法, 專注方面, 學術情度, 喜好, 飲食喜好, 言語情況(短句OR可表達自己). 有咩想比老師知都可加上去, 盡量精簡
3. 可與學校社工聯絡, 問一下學校支援特殊小朋友的現況, 如有冇註校言語治療OR社交小組OR功課支援
4.如小朋友有專注問題, 可與班主任提出坐比較前位置, 方便老師留意小朋友
5.問下有冇功課上和考試測驗的調適, 有些學校會比多D時間學習有問題小朋友答卷或小D工課, 可先了解學校的制度, 若小朋友番學後發現有需要便要提出.
6.我小朋友的學校開頭以讀卷形式測驗, 小朋友有經驗後才自己做卷, 所以可向老師了解一下第一OR二次測驗對小朋友既幫助有多少.
7.DICTATION好多時難唔倒自閉症小朋友, 佢地出名記憶力強, 若已發現學習有問題, 應預早向老師提出.
希望對你有幫助

原帖由 bbricky 於 11-4-25 07:15 發表
我仔仔九月要升主流小一,校長問我有甚麼地方需要支援,我不識答,請問各位家長可否教我?現在我小朋友讀s位但不係教自閉的比例1:6,升小學後1:15請問我小朋友從來都未試過dictation&test點算?同埋我小朋友感統有事會大叫 ...

bbricky

原帖由 mcdull888 於 11-4-30 18:10 發表
1.試下小一預備班(如協康)
2.預備一份小朋友既資料, 如性格, 特質, 有冇固執行為, 情緒問題和 平時有用既處理情緒方法, 專注方面, 學術情度, 喜好, 飲食喜好, 言語情況(短句OR可表達自己). 有咩想比老師知都可加上去 ...

多謝你詳細的解答,十萬個ths!

kmwun

因為小朋友比較難接受改變，由其是習慣左之後，所以請學校/老師在可能的情況下早d同小朋友講有咩改變，咁大家都會好d。

做功課方面，如果小朋友小肌肉比較差，可以同學校要求調適，減少抄寫的次數。我幾欣賞學校的做法，小朋友寫得好就可以寫少d，始終都有返d要求。

爭取老師多d同你講小朋友o係學校發生左d咩，因為屋企個環境比較穩定，一般突發都係o係學校發生。

[ 本帖最後由 kmwun 於 11-5-3 15:39 編輯 ]