返下午校的時間安排

nataliegogo

我仔仔今年九月返下午校, 請問有沒有時間表可供參考/分享. 我也不知怎樣安排他做功課/溫習/遊戲的時間才妥當. 謝謝.

yw

仔仔舊年的時間表(都幾的懶惰)，你可作參考：
1000 起床, 早餐, 網上功課 , 睇教育電視 , 公文數+練琴(通常都未完成),
1200 上校車 ( must bring snack)
1815 落校車
1830 沖涼, 茶點
1900 做功課 , 溫習
2030 家人回來一起食飯
2030 做功課 , 溫習
完成後可以玩或睇TV.
2400 sleeping

因為和家人起住，有d野較控制，未必能跟足時間表。
    

tamannabel

我都煩緊,請各有經驗家長多多分享!!

nataliegogo

謝謝 yw, 你的小朋友要幾耐先適應到? 有冇發晦氣, 扭計..?

yw

發晦氣, 扭計 - 當然有啦，     
其實原本上公文同學琴都在weekday的，但經常扭計唔肯上，結果加埋游水迫晒在sat 下午進行 因為sat上午是返長短周的。(我好辛苦呀    )
如果仔仔聽話肯合作，返半日學真係唔錯的，多些自己時間用。我仔下學期返全日了，又要重新安排!!!

Kristy-mummy

其實番下午班真係"said"好多時間,我女都係番下午,因我和老公都要返工,通常9:00-9:30我就打電話要佢起身,我會計到佢起碼有9-10個鐘睡眠時間先叫佢,跟住就食早餐,如果無野學,食飽早餐就練下琴,跟住自由時間,睇下故仔書or同個工人玩下玩具or畫下畫...11:15左右就食午餐,12:05出門口搭車上學,6:35左右放學回家,跟住就沖涼做功課,8:00左右食晚餐,因亞女食得好慢,通常9:00先食飽飽,跟住就食生果&睇半小時電視,跟住繼續做功課&網上功課,最快到10:30先finish,有時更攪到11:30先得,因有2晚要溫dictation,通常每晚都要攪到成12:00先可上床.

JJ1122

Kristy-mummy,
咁點解唔放學沖完涼食左飯先做功課呀?  
我plan係食左飯先做功課, 不過未知係咪有問題.  分享下.

nataliegogo

我有考慮俾佢上早上的補習社, 1.5小時, 主要幫佢睇下功課, 默/溫書, 我知一定唔可以靠工人幫佢溫習, 而且在家太多誘惑, 我家姐的經驗是: 上補習社會專心一d, 1.5小時等於在家3個鐘. 同時要佢習慣"速戰速決", 快手d.  我而家怕緊"每晚都要攪到成12:00先可上床"...可憐的b仔, 快要訣別幼稚園的歡樂時光.  :cry:

Kristy-mummy

如果少功課都可以,但如果多功課又做得慢,妳會忟到情願自己做好過,如果飯前做得晒,食飽飯未可以輕鬆下law.

JJ1122 寫道:
Kristy-mummy,
咁點解唔放學沖完涼食左飯先做功課呀?  
我plan係食左飯先做功課, 不過未知係咪有問題.  分享下.

JJ1122

Kristy-mummy,
icic... 咁我又想問下你地, 你地間學校有冇寫明話小幾至小幾d 功課時間大約幾耐做完咁架?  我個女間寫話小一大約一至一個半鐘完... 咁可唔可信架?  定係實際根本無咁理想呢?

heihei媽

我路過, 我諗小一功課應該會係一個鐘內完成, 不過有啲學校有導修堂, 咁係咪會做左大部份功課先番屋企呢, 咁咪半個鐘頭咪okay 囉.

JJ1122

heihei媽 ,
半日仲導修?!  唔駛上堂咩?!  我估半日制真係指意佢地番屋企做啦.  

heihei媽

係喎......半日咋喎................   

家庭主婦

分享一下我個仔上年既時間表，佢一年返上晝一年返下晝既。（小一）
８：１０　起身梳洗�食早餐
９：００－９：３０　自由活動�每日一篇
９：３０－１０：００重溫默書（一星期兩次）�公文（數）
１０：００－１０：１５　休息一陣
１０：１５－１０：４５　公文　（英）
１０：４５－１１：１５（自由活動）睇書�玩電腦
１１：１５－１１：３０　食午飯（佢食飯好快）
１１：３０－１１：５０　自由活動

１１：５０出門口上校車
１８：２５放學返到屋企
１８：３０－７：３０沖涼�食飯�睇卡通片
７：３０－８：００自己做功課（有時唔洗半個鍾�有時多１－２個字）（我就檢查佢既功課，之後佢自己執書包）
８：００－８：３０比佢玩一陣，
８：３０－９：００叫佢溫下默書
９：００－１０：００我會同佢一齊溫下當日教過既書或者備課。
１０：００－１０：３０自由活動（多數睇書同玩電腦）
１０：３０訓覺
我自己係全職媽咪，所以d時間可以自己就下，同埋我個仔都好乖好合作，時間許可會抽小小時間比佢做下課外練習，上年我就係根住哩個時間表，時間真係好緊迫，今年佢返上晝時間多好多，黎緊九月又輪返下晝喇！

nataliegogo

家庭主婦:
你係咪可以準時放工? 我就成日都收8點, 番到屋企都差不多8:45分, 而家亞仔會好乖自己食飯同做功課, 然後等我番嚟 "讚"佢, 我同老公一邊食飯, 一邊問佢學校/同學有咩新奇事物, 而家就冇問題law. 謝謝你的時間表, 我要向你多多學習先.

你亞仔真係好掂同好合作, 咁星期六日有咩安排? 會唔會鬆動d?

heihei媽

我想問下"公文英"係讀啲咩架?

家庭主婦

nataliegogo 寫道:
家庭主婦:
你係咪可以準時放工? 我就成日都收8點, 番到屋企都差不多8:45分, 而家亞仔會好乖自己食飯同做功課, 然後等我番嚟 "讚"佢, 我同老公一邊食飯, 一邊問佢學校/同學有咩新奇事物, 而家就冇問題law. 謝謝你的時間表, 我要向你多多學習先.你亞仔真係好掂同好合作, 咁星期六日有咩安排? 會唔會鬆動d?

我係全職媽咪，時間安排上會好好多，星期六亞仔要返長短週，放學後係學校學跆拳，星期日學圍棋，游水，星期五返公文。 :

nataliegogo

我傻左, 睇唔到你話明係全職媽咪 tim..

Kristy-mummy

JJ1122,

我個人覺得好難用時間去衡量應做幾耐功課,我似我亞女,讀緊小二,佢的性格一向都慢吞吞,而佢的學校又係非常傳統教學,功課亦多,平均每日都有6樣功課,如明日默書,今日仲要做抄寫,我覺得1-1.5hr可以接受,但我亞女平均都要2-2.5hr先可完成家課,跟住仲要做每日一篇 & 公文數,所以每日都要成2.5-3hr先攪掂.

JJ1122 寫道:
Kristy-mummy,
icic... 咁我又想問下你地, 你地間學校有冇寫明話小幾至小幾d 功課時間大約幾耐做完咁架?  我個女間寫話小一大約一至一個半鐘完... 咁可唔可信架?  定係實際根本無咁理想呢?