懷疑有讀寫障礙，請問可以經學校搵教育心理學家作評估嗎?

emilylam

認字能力ok，但默字稍弱，記性差，小二連一些常寫的字都唔識，如，我們，今天。。都忘記。

老師話認唔到啲字的先可能是讀寫障礙，話我小朋友唔差。。

請問讀寫障礙係米都有分類嘅呢?

要求學校的心理學家評估是否好難呢?學校是否要出錢搵心理學家為小朋友評估?所以學校唔係好願意??

smallmama

咁佢係呢頭讀完唔識定點樣, 我仔小一時都係, 例如:"都""得"呢類常用字, 佢呢頭教完, 轉頭再問過, 讀寫係有分唔同嫁, 唔一定個個小朋友都一樣, 正常一般津校係會比佢哋去教育署見教育心理學家, 學校唔使比錢, 而且教育署會因應學校有呢類小朋友而比津貼學校去發展幫助佢哋, 越早發現幫佢哋做訓練, 佢哋大個可以自己讀書既情況會改善, 我仔而家小六啦, 佢都可以自己看完衞司理小說, 而且考試都試過有80分, 所以唔使咁担心, 只要同佢一齊努力便可以.

shirleycnf

我仔仔都有同樣問題, 我問過佢小一老師, 佢話要等教育署要好耐, 叫我問政府油麻地兒童專科比服務會快d, 但我問過政府,佢地又話叫我等小學教育署評估. 請問若要等學校教育署評估, 要幾時先有得做讀寫評估(小一下學期/ 小二上學期?). 同埋若確診左係有, 學校通常要幾時至會比訓練比小朋友呢?謝謝指教

emilylam

Thx !!我仔常用字好易唔記得，得，很，就。。果啲都常忘架。。

係咪所有津校都可以排教署的心理學家??會唔會有啲津校無，要自己出去評?我仔間學校無心理學家長駐的。。
好奇一問，讀寫障礙會否經日常訓練得多而去評估時，會評估出唔係讀寫障礙??即是原本係變左結果唔係呢?我仔未評估，但我想幫佢報讀寫小組果啲比佢，因他成績麻麻。。

MrBeast

係咪所有津校都可以排教署的心理學家?

係,但以我所知要老師覺得有須要才會安排,津校應有個附責sen的主任,或者找佢傾傾.

讀寫障礙會否經日常訓練得多而去評估時，會評估出唔係讀寫障礙?

我覺得會但幫我小朋友做評估的e生話唔會.

yywhk

我仔仔都有讀障, 已經中學, 係過來人,
如果你地小朋友係某D字(特別係抽象D, 如得,都,的之類), 可以試吓用每日默十個字左右, 連續5日都係默嗰幾個, 個字要連啱5 日先算佢啱, 然後換新的一個字

呢個方法係社工教我的, 當時我仔只係小一, 我初時都覺得個方法有D笨,點可以追得上課程, 但事實上用咗效果唔錯,針對D抽象D既字好WORK.

另外,如果懷疑小朋友係讀障, 就要早日自己開始幫佢, 唔好等政府/學校測完先開始, 最好自己去上下堂認識咩係讀障, 或者至少上吓網,睇吓書,揾資料.

小學課程去得好快, 早D幫仲追到, 越遲越難追, 小朋友好易放棄架

bmw123

回復 smallmama 的帖子

請問妳, 亞仔是否有學障,有訓練嗎? 因我亞仔都有咁既問題.

bmw123

回復 yywhk 的帖子

請問什麼叫抽象D既字呀? 咁你幾時發現他有問題呢? 他有什麼徵狀呢?
因我發現我亞仔,間中寫字有鏡字, 大細楷有時分唔清, 今日教完既字, 好快就唔記得, 但係除此之外, 就好似無其他問題.

咁唔知係唔係讀障呢?

唔知有無其他家長可比下意見呢?

yywhk

我所講只係針對中文字而己.

古人造字的原則共有六項，稱為(六書) 。六書是就已有的文字加以研究分析，整理歸類所得，因此我們可以依據六書的類別，為每一個字找出當初造字的方法。

一般習用之六書名稱與次序 ：象形 、指事、會意、形聲、 轉注、假借。(小學時應讀過)

六書之中象形字最早；形聲字最多。
造字的基本法則---象形、指事、會意、形聲。
造字的補充法則---轉注、假借 。
不能再加以分析的獨體、稱為「文」---象形、指事。
可以再加以分析的合體,稱為「字」---會意、形聲 。
象形與指事之別---象形是具體的「物」； 指事是抽象的「事」。
會意與形聲之別--- 會意是「形符」+「形符」 ；形聲是「形符」+「聲符」。
所以有D字係比較具體, 如日, 月, 呢D, 你俾番象形字佢睇吓好容易就明白同記到,
但有D字, 如的, 了, 是呢D, 真係唔知點解要咁寫, 咁就要靠死記, 有讀障的小朋友, 佢地可以响屋企默全對, 但返學就錯漏百出, , 咁都係因為佢地其實未真係記得實個字點寫. 一耐咗就甩掉了.

我仔仔到而家久唔久一唔小心都會寫錯D好淺O既字, 例如"卻", 佢會無啦啦响右邊"卩"加多個"又"字. 提吓佢, 咁佢望多兩眼又知錯咩.

你小朋友幾大? 上小學未? 如果係幼稚園仲可以觀察下, 因為可能發展未到, 但如果上咗小學或者明年上小學, 咁你最好揾定專家CHECK 吓

emilylam

yywhk 發表於 12-11-5 14:54
我所講只係針對中文字而己.

古人造字的原則共有六項，稱為(六書) 。六書是就已有的文字加以研究分析，整 ...

thx....你講得很仔細!我仔常用字真是好易忘!學你講呢啲字唔知點解要咁寫，如是，的，得，到，了。。要死記囉!!就算今日識寫，隔一段時間又唔記得!!唉。。。我都唔知佢有冇讀寫障，想問，如果成日將詞語寫錯，又會否是呢?如:仔細，會寫咗指細，摔倒，會寫摔到，檢查，會寫驗查。。。。

Flower

我仔小一時老師認為他比較弱，便在學校排隊等評估，等到二年班仲未有消息，於是打去問社工，佢話見我仔有好轉便停止排隊，好嬲，因没有通知我，於是去了協康會做assessment。
報告一两星期出了，立刻fax比學校，社工回覆因學校向政府申請資源係開學頭，當時學期中，但都盡量找資給我仔學。而學校老師亦知道，他們又联絡家長學校的支援。
現在每隔星期有兩堂都有職業治療師幫佢，我興幸自己快快作出決定出外比錢做評估。
認字方面，那位心理學家教我們中文字可以拆字圖畫故事化，例如'靈'有小朋友联想到，有位巫婆係雨天時係天空大叫哈哈哈。英文字我都盡量拆拼音記，policeman=> po-li-ce-man
我仔好接受拆字方式，默書方面对他已不是一件難事。

安格斯媽媽

我仔已中一，自小三起中英默唔合格，甚至食旦，溫了回校得兩成，中作能力弱甚少合格，但其他能力無問題，順利升上b1中學，因升中適應問題轉介學校社工，社工替他安排教育局評估，超快兩個月已有專家到校替他評估，我好運，小學只會話他懶，但可能真是有問題，成績好但有範圍默書唔掂，最好成份卷不用寫字

安格斯媽媽

很好彩9/1仔在校見了心理專家,社工通知專家下星期再約家長面談,有關孩子情況及改善方法,真是遇到好心人幫助,升中到現在短短幾個月已有安排

emilylam

Flower 發表於 13-1-10 11:30
我仔小一時老師認為他比較弱，便在學校排隊等評估，等到二年班仲未有消息，於是打去問社工，佢話見我仔有好 ...

又會突然無幫你排嘅?