F3生超反判, 點算?

Ahling2004

個仔今年F3, 但性格越來越沉默,唔多出聲. 總成日係自已間房看書及上綱, 唔想出來.  大家越來越無溝通. 佢根本唔想溝通, 問一句答一句.想見佢個樣都好難. 點算, 點算... 真係怕出事. 當你見到佢有些行為,態度及讀書方式都唔對,當然會出聲, 佢一於當你耳邊風, 總覺的你好煩咁. 自問我本人好想同佢多溝通,  點解佢會變成咁? 有咩方法可以令佢自動自覺走出房間同我地多傾計???

alice44

如果個電腦放喺廳, 我估會好d.
升中一開家長會時, 個校長再三強調要將個電腦放喺廳, 所以喺我仔未反我之前, 將個電腦搬了出廳. 如果再大d先搬, 唔知佢比唔比, 所以你可以試下將個電腦搬出廳, 咁就可以見多d面, 佢上網時你都可以問下佢嘢, 可能佢都會答下你, 如果佢長期在房, 咁就真係好難同佢溝通.

Ahling2004

我就係衰左LU, 部腦係佢間房. 依家叫極都無反應. 唔通真係無辦法啦.

vincher

alice44 :gd pt !!!
~喺我仔P5 之前, 電腦搬了出廳
~F3先搬, I'm sure佢唔比

Jackielee

搬電腦出廳呢個動作都幾緊要。大部份小朋友都無乜自制能力，比佢地可以閂門上網，變成宅男宅女機會都大。

我有個朋友就比左d限制小朋友，每日上網時間只能有45min 或者 1hr (我忘記了是多少)，但佢係識得set時間將部電腦既寬頻截斷。但做呢樣野時，可能就先要同佢地溝通下，解釋點解要咁做，始終F3都大個了，不能太強權。

原帖由 Ahling2004 於 11-11-11 17:59 發表
我就係衰左LU, 部腦係佢間房. 依家叫極都無反應. 唔通真係無辦法啦.

Ahling2004

如果再咁落去, 我諗我個仔真係會變宅男. 依家我會時不時叫佢出來吃水果或睇下TV或找籍口問的野, 唯有係咁. 都唔明點解間學校的巧課經FB上傅通知, 要一直開著電腦CHECK當日功課, 問佢點解: 佢話係的科長上傳, 咪要等LU. 我真係好想打電話/SEND EMAIL比亞仔的班主任問下係唔係咁樣及問下亞仔係學校的情況. 但又怕被老師MAKR左我個仔是個問題青少年, 更加怕亞仔知道後會嬲左我. 你地話呢?