維多利亞 vs 根德園

yamede

阿囡而家讀緊維多利亞幼稚園 根德園啱啱收左 如何是好？
屋企人覺得維多利亞課程比較淺但英文比較好 小朋友都讀得幾開心 不過就好似成日黎玩咁 又驚佢銜接唔到好學校嘅interview 同課程

但係根德園就好有紀律 中文數學比較好啲英文就差少少 但係聽到有好多小朋友好似好怕返學 有冇讀緊根德園嘅家長可以分享下小朋友怕唔怕返學
，有冇出現壓力太大嘅反應 例如好容易扭計？

真係唔知點樣選擇？請大家幫幫手！俾啲意見！

wonderland07

你既問題應該問番自己你係咪想谷個幾歲B。如果係你咪揀kv law. 要又谷又冇壓力，冇咩可能掛。香港教育小學中學都係填鴨色，點解唔可以俾細佬仔開心多幾年。到了小學，人大左，適應力強d，再唔適應都好快適應la. 我見唔少小一，二考前五名的學生，去到小五，六，甚至中一二，都變左下游。幼稚園谷幫到你頭幾年，之後呢?又要靠自己!我是外國腦子思想，實在受唔住現在香港k形的教育。我們以前幼稚園都淨係去玩。忍唔往抒發一下。

hoyau

先講英文呢part。

有家長講KV K1 第3次評估（啱啱3月）英文paper listening 果part 有部份已像 Cambridge Starter.

KV冇NET 冇phonics, 但英文深唔會淺過V 記，要全面D就出去讀phonics 同 oral。我覺得唔係問題，有D名幼入面D NET好似聨合國，口音文法用詞slang都唔同，手寫簡單英文都串錯字，質素太參差，也不能保証英文好。我朋友個仔讀V記都有出去讀phonics.考直資私校全軍覆沒，

KV既家長英文好會好D，有學校通告只有英文版。我有時都有機會睇下其他名幼既通告，KV既英文最得。

PS 語言發展每個小朋友都唔，男仔女仔亦好唔同。有兒童發展書說平均男仔4歲半才能達到平均女仔3歲的語言能力。如果你個係仔，要睇男仔家長既comment, 唔冇聽埋人地講乜野我個女唔洗出去補都好得等等。。。

wonderland07

好似SC咁，問十個家長九個都有去補習，咁讀咩幼稚園有什麼分別?d家長答我，sc老師會知道細佬有咩不足，會吩咐到家長補咩，達到老師要求，就好掂。。。聖公會都係咁。Vic 最大分別因佢有私小back up，老師唔會叫人去補。我聽d勁學家長講，d學生到k3補到十一X除，連分數都識。咁講，一般學校都唔會達到。如果你覺得bb仔自己食飯，著衫，tie 鞋帶都冇時間識，但識分數叫正常，咁我冇野講。

ngokwan

原帖由 wonderland07 於 13-05-15 發表
好似SC咁，問十個家長九個都有去補習，咁讀咩幼稚園有什麼分別?d家長答我，sc老師會知道細佬有咩不足，會吩 ...

我應該係第十個家長，我囡囡一個補習班都冇。
我識D SC 家長，都係一個補習班都冇。

wonderland07

我問個d讀k2。

hoyau

一般國際幼稚園的評估評分只有3個grade - good, very good 同 excellent. 不用批評字眼。我有D朋友三年黎每次家長日都聽班主任話個小朋友幾好，就諗掂硬啦，一上小學個小朋友就。。。我亦有一個朋友係K2發現比起其他學校K2既小朋友佢自己小朋友乜都唔識，呀媽即刻resign唔做狂發功，小朋友考到男拔。。

重申：我唔係要係度否定Victoria. 要Happy足3年，家長信念需要很堅定。

mimwing

v 仔個派位都唔夠sc, kv, km, hkps 好wor..

kittyland06

你意思係咪考直資？派位不是跟地址嗎？我覺得 kv 出嚟嘅小朋友此較守規矩啲，就是一貫港式教育。V 記行 ib,  佢地比較自主自理。

pakyin1108

讀根德園嘅學生都好開心，我隔離屋個男仔上年畢業，佢話好鐘意根德園，返學超開心，佢不停用超級開心黎形容

hoyau

分享下＂谷＂同壓力呢part。

每校名幼都出名D乜野，講明白D就係佢地"谷"小朋友乜野。否則那來的xx出名乜野呢D講法。

如KV谷學術，SC丶HKPS等谷英文丶presentation等。

只不過有D家長只用＂谷＂來形容學術，"train"來形容presentation。你真的覺得KG人仔能企出黎present好好唔係谷出黎?

如果小朋友'受谷'和聽話，才根據他性格選谷乜野既名幼。相反，讀邊間名幼都痛苦。

coffei1

回復 yamede 的帖子

真係好睇小朋友咩性格. 兩間都識人讀.
有人話讀KV好開心, 又有人話讀到返屋企發脾氣
有人讀緊VIC K1驚考唔到好小一而會轉校. 又有人個仔讀緊名小話VIC上傳統小學完全無問題.
如果你要上傳統小學, KV好似大路D, 不過最重要睇下小朋友谷唔谷得, 以免弄巧反拙.

jenjenny

感覺上kv應高vic一線，但真係要睇小朋友性格係唔係academic型。不過我相信kv收得樓主小朋友，小朋友會有能力應付。

kittyland06

原帖由 LittleCowCow201 於 13-05-17 發表
I have same question previously and hope the following information would help:

維記或根德畢 ...

Thank you for your sharing. I agree what kind of parents will choose what kind of school for their kids and I'm happy with what I chose for my daughter! Hope your kid enjoys his/her school life as Well!

Twongcw

會選擇KV, 原因很簡單:
(1) 從不相信教育是愈昂貴愈好, 一年學費$5xk vs $2xk, 而兩者名氣/實力相若, 你話呢? 花多一倍cost而無法說服自己必定能夠獲得多一倍benfit, 是為低效益, 不值得;
(2) 一間私校能多年來維持低學費水平而甚少調整, 單憑此點, 其辦學理想值得敬佩;
(3) 一向不贊成幼兒教育太著重NET及Phonics並以此作招徠, 身為土生土長香港人, 中文根基至為重要, 中文語法詞彙遠比英文難學, 英文方面有基本認識即可, Oral English 應在中小學階段磨練, 而Phonics縱使不學, 多讀兩年詞彙亦會自然學曉(拼音而已,回想當年我們無聽過Phonics, 但小學低班時已經根本無英文vocabulary不識讀/拼, 只會不識用), 無奈現今社會價值觀已被扭曲, 要3/4歲幼童鬥早扮外國人講英文以令自我感覺提升的家長比目皆是, 而KV似乎是難得一所無隨波逐流推崇NET及Phonics的幼稚園;
(4) 課程中的親子活動/功課可以令家長非常煩惱費時, 又要請假又要準備, 容易流於形式主義而達不到學習效果, 徒增家長壓力和時間, 個人認為家長自發的親子活動才最有意義.

Jane1983

鍾意維記和KV的，根本係兩類家長。你問自己的教育理念，就有答案。

irene_the_pooh

wonderland07 發表於 13-5-15 09:16
好似SC咁，問十個家長九個都有去補習，咁讀咩幼稚園有什麼分別?d家長答我，sc老師會知道細佬有咩不足，會吩 ...

如果好似你咁講，o個D谷學校可以派到好小學，唔係因為幼稚園教得好，而係因為家長「補」得好！

irene_the_pooh

hoyau 發表於 13-5-15 10:22
一般國際幼稚園的評估評分只有3個grade - good, very good 同 excellent. 不用批評字眼。我有D朋友三年黎每 ...

其實我估而家唔會真係有好多媽媽完全放晒手比學校，自己真係咩都唔教個仔掛？

kittyland06

原帖由 Jane1983 於 13-05-18 發表
鍾意維記和KV的，根本係兩類家長。你問自己的教育理念，就有答案。

同意。跟本唔同家長有唔同期望，維記大部份會上維記小學之後去外國讀書，所以未必會由幼稚園計劃定本地小中大學條路。