普通話班要收$300按金?!! 合理嗎?

Vijoyce

阿女上左半年既普通話班, 因近日搬CENTER, 今日出通告話1月1日起, 要多收$300按金, 如果日後取消/唔讀, 有一個月通知的話, 就退番$300比家長。

阿女6歲, 由2歲開始, 大大細細既興趣班都上過, 未見一間會收按金。依家爭取緊CENTER EXEMPT我既按金, 否則就唔報讀。

為左$300, 要同阿女轉CENTER, 好唔好呢?

Vijoyce

回覆 Kuen1225 的帖子

我同佢地講我一報都報12堂啦, 點會無那那係中段走, 佢地可以在第8堂問家長仲繼唔繼續.. 講真, 報左幾個興趣班都唔記得邊堂到期.. 除非月費果D姐。

Vijoyce

回覆 Kuen1225 的帖子

我覺得預先比留位費都合理, 起碼我讀既時侯在學費中減免, 但呢個叫按金既收費, 係學費額外收費, 到你完全唔讀既時侯, 仲要乖乖地一個月前通知先取回, 就唔合理。

濼晴

我唔會比$300

我都報過好多班 冇咁既需要

Wonderlady

除非好想跟個老師，如果唔係no way 。人人收$300，咪好過搶！

luvgaga

童樂童學收一千按金

assado

如果夾到2個小朋友，自己請老師，平過出面學。

幸福黃太太

原帖由 assado 於 15-12-26 發表
如果夾到2個小朋友，自己請老師，平過出面學。

教普通話老師可以係邊度搵？

adacheng_yk

回覆 Vijoyce 的帖子

我個仔都讀緊銅鑼灣這間center，都大約半年了，我都冇打算交按金，因為每次都是交足十二堂，
所以我覺得舊生根本沒有這必要，你是否已決定會轉，有沒有好介紹，我本來都不想走，因梁老師也敎得不錯，
如果不是按金問題，你覺得這間ok嗎？

cheerychank

回覆 幸福黃太太 的帖子

上網大把啦~
不過好多都係做緊老師
得放學後

Vijoyce

回覆 adacheng_yk 的帖子

我女都係梁老師教, 應該是同一間, 匯X?
我幫阿女轉左一間係駱克道, 上左一堂阿女都鍾意...

helenfan888

我自己都幫朋友代過堂，有部份人可以臨上課半小時話您知今日唔上堂 或 今個月唔上堂，咁我原先特登調左學校課堂和兼職去教這位小朋友，突然成個月因為佢而游手好閒。唔學早一頭半個月講嘛，大家好來好去...

miss321

原帖由 helenfan888 於 16-01-13 發表
我自己都幫朋友代過堂，有部份人可以臨上課半小時話您知今日唔上堂 或 今個月唔上堂，咁我原先特登調左學校 ...

好多家長都是這樣。
我曾試過有家長故意不交學費，用月頭那堂補返上月缺席那堂，上課前20分鐘 訊息交代退學。這是一個教了7年的學生。一個學了7年的學生都會咁對老師，我都覺得好來好去，提早講退學，係互相尊重！

普通話班收按金，事出必有因，只能怪那些不受規矩的家長。正如預訂了酒店，臨時取消也收罰款一樣。

helenfan888

  其實大家互相尊重，不要剥奪別人的利益，基本上我都唔建議收什麼按金。但如果大多數人也自私地只顧自己，我都會贊成收按金。  

P.S. 家長怕老師不教好自己小朋友，所以不敢預早告訴老師將會退學，咁會浪費左老師預留比您小朋友的時間呢

P.S. 如果老師因為小朋友退學而 hea 教，這個老師人格有問題，亦唔會有什麼口啤出到街，收生自然不會理想呢

Wonderlady

原帖由 綠林仙子 於 16-02-01 發表
下，乜可以咁既咩？？ 真係未聽過

原來RWI centre 要收$1000 按金㖭。

琴日聽同事講。

Wonderlady

原帖由 綠林仙子 於 16-02-01 發表
仲要$1000添....$100我都接受唔到囉

佢地話個個都要，唔讀退返