囝囝打人

powersuite

囝囝就快六歲，很大力。到公園玩得興奮或我要他回家時會推人打人，他打人時會望住我，特意激我的。

另，他近期特登拉跌一歲妹妹，越鬧越做

請問我該怎樣做？

lillymarie

幾個原則：
1．給他一個好榜樣，平時不要在好嬲的情況下打他。
2．教他用說話去表達他的感受，教他一些和感受有關的詞語。
3．給他適當的懲罰，例如打人的話，就立即不能玩他當時的遊戲，同時亦教他肢體正確的用法。例如用手打人的話，就告訴他手是用來拿東西，給他一樣東西拿着五分鐘。用腳踢人的話，就告訴他腳是用來走路或跳的，罰他走路。
4．讓他知道打人是不對的，不論是打街外人或家人都不可以，打了人，要向人道歉。

Capricorn2521

回復 powersuite 的帖子

我個仔都係快6歲，都有”特登激我”或”要攞尾采”嘅問題。
除了上面的注意事項外，我仲會斯斯然(不怒不大聲)，同佢講：你今日係公園度打人，聽日冇得去公園。
聽日我會語氣平和，但登大雙眼同佢平視，再同佢講：你尋日係公園度打人，所以今日冇得去公園。(好似訓示下屬咁)
後日我會開開心心同佢講：你尋日冇係公園度打人，所以你今日可以去公園玩啦。然後再問佢可吾可以係公園度打人，佢會答吾可以。再提佢，如果你今日係公園度打人，聽日就冇得去公園玩。

powersuite

Many thanks. I will try.

學牌父母

特意激我 >>> 真的是小朋友的原意?

有時我都會好嬲, 覺得 "百厭+包頂頸" 就等於我個小朋友, 但當冷靜之後再回顧成件事, 可能會有新發現.
始終自己既仔女並唔係大壞蛋, 佢地咁做可能有佢地既原因, 或者仔細再觀察一下, 再由多角度再諗下, 我成日提醒自己, 唔好一時衝動, 破壞咗我地既關係.

大家一齊加油吖, 多d交流

wan_sosin

我覺得你個仔係想引你注意!當你激氣,就會注意佢!
推妹妹更加可能係佢想同妹妹爭你!可能佢覺得你理個妹多過佢!
男仔未必好識表達!就用錯方法!
不過都係我估!
試下同佢傾下佢嘅原因,教佢適當表達!
當然做錯嗰刻都要教佢!佢有6歲,佢知自己錯嘅!

powersuite

謝謝各位的回復。囝囝其實很多時都是作狀打人及很輕力，有時我無留意，他會說「打人」，我一望過去，他會陰陰嘴笑，有時還會眯滿眼。唉，他是想引我注意的。但因妹妹細，也怕他打到街外人，所以我不能忽視他的這種行為。我之前也用了類似各位的方法，但不是很見效，可能我不夠堅持，我會再試試

wan_sosin

回復 powersuite 的帖子

加油!教小朋友真係要好堅持!有時更唔知幾時先見效!盡力而為!