仁立,仁紀,浸聯,馬灣基慧..

cookie

邊間好??     

lucy

仁立, 仁紀 / 浸聯, 馬灣基慧, 好似唔同網wor?

據隔離師奶報料, 仁立舊校舍, 小三開始精英班, 勁多功課及好辛苦, 佢個女讀左一年頂唔順, 自行要求調回正常班級. 佢個女考到第80名, 今年入左林護, 據講小六考前60名入林護chance大. 大部份老師改簽合約制, 無晒心機教書. 今年剛剛換左新校長, 唔知會唔會有d新改革.

仁紀千禧校舍. 老師好好, 有熱誠, 開放日有個家長問緊一位佢以為係老師既人有關學校既事, 個位老師好nice, 好有耐心解答, 後來先知原來佢係校長, 所以對佢印象好好. 考到前80名入林護就有chance.

其實兩間都幾大功課壓力架. 要睇下你個小朋友受唔受lor.

KOKOMAN

今天東方日報刊登轉自小學概覽資料，話浸聯有80%BAND ONE，但我有幾個朋友的兒女是現讀此校，他們話老師說要考67名內才是BAND ONE，全級約180多名，即約33.33%，何來有80%? 請問有冇人知何解?何況此校好似冇以往幾年學能測驗成績!

christina

浸聯及仁紀

Lovely媽咪

我仔仔今年都有同學入咗仁立,仁紀,浸聯,依家開學都只是一星期,聽番佢地講:
仁立係會好多功課,因此要你個小朋友係自動自覺去做功課先好選這間.
仁紀比仁立冇咁多,但就要成日睇課外書,家長要用多啲時間去陪小朋友睇多啲課外書,吸收多啲課外知識.今朝另一個媽咪講佢囡囡的班主任很惡,開學到依家每天都有小朋友俾佢罰企,多數係傾計.
浸聯:聽落就好似好好,一年只得一次考試,冇測驗,平日評估,每科都係上孖堂,即每日只3-4科,起碼個書包唔駛咁重,同埋啲老師都好好,功課亦不是太多.
馬灣基慧:冇人選呢間,所以唔清楚.

Mrssslui

馬灣基慧,等我補充下啦!
會讀得幾開心,不過一年都3測3考,Band 1 生都唔少,老師有愛心.

christina

講真馬灣基慧環境校舍一流, 只是擔心打typhoon及黑雨交通混亂, 尤其是打typhoon, 無ship又驚無車, 好煩.最衰無錢買樓(珀麗灣 ), 如果住個度就一定選佢lor.

Mrssslui

我識人住 Park Island, 佢地話好方便,打風落雨都唔驚.
再加上,小學係3號風球已經唔洗番,所以更唔會混亂,起碼冇塞車啦!由青衣入去條路不知幾咁暢通.
就算8號風球,佢地係唔會咁快封橋架.一樣有車有船搭.
如果時間許可,自己帶番學都得,係TW有船入,係青衣,葵芳又有 shuttle bus, 不知幾方便.

cookie

UP

CSW

Mrssslui 寫道:
我識人住 Park Island, 佢地話好方便,打風落雨都唔驚.
再加上,小學係3號風球已經唔洗番,所以更唔會混亂,起碼冇塞車啦!由青衣入去條路不知幾咁暢通.
就算8號風球,佢地係唔會咁快封橋架.一樣有車有船搭.
如果時間許可,自己帶番學都得,係TW有船入,係青衣,葵芳又有 shuttle bus, 不知幾方便.

Mrssslui講得無錯, 因我本身住深井, 兒子己讀了兩年幾馬灣啟思, 佢坐校車, 咁耐都未試過有問題. 如果萬一封橋, 校車入唔到馬灣, 佢地會讓小朋友坐珀麗灣shuttle出入, 校車則在青衣機鐵站接送, 所以無甚大問題. 不過小學的詳細情況, 好似在它們的website有說明.

另外, 其實在荃灣地鐵站綠楊小巴站那邊也有shuttle入馬灣, 每半小時一班車.

WYmom

I know some kids studying in different schools in Tsuen Wan, 浸聯 students are the happiest, less work, less exams.