次次interview都喊，有乜計？

judymama

Tonia_Ranson

How old is your kid?  Is it for P1 interview?  Interview preparation training may help..

原帖由 judymama 於 11-6-3 20:29 發表

SCKnight

自己先要心平氣和。我見過有啲父母因小朋友喺面試表現不佳，發小朋友爛渣，何苦呢！

judymama

3次國際學校小學面試都喊,因太趕,上唔到面試班,最近一次面試冇入到去,老公叫走.氹唔到可以掂,平心靜氣講就易,當你小朋友係咁,用乜方法到氹唔到佢入去,你就會覺得佢唔乖.出到學校,忍唔到要發爛.氹得多佢就係皇帝,有時要鬧先得.佢驚想唔入,就喊,比佢得逞.老公就怪我平時太就佢,所以成日扭,其實有時我都好惡,只不過得我照顧,咪扭我囉.小朋友性格咁硬頸,唔係似我,掂解要我受晒.


[ 本帖最後由 judymama 於 11-6-4 11:19 編輯 ]

HIN2003

原帖由 judymama 於 11-6-4 11:16 發表
3次國際學校小學面試都喊,因太趕,上唔到面試班,最近一次面試冇入到去,老公叫走.氹唔到可以掂,平心靜氣講就易,當你小朋友係咁,用乜方法到氹唔到佢入去,你就會覺得佢唔乖.出到學校,忍唔到要發爛.氹得多佢就係皇帝,有時 ...

國際小學是否比local 小學早一歲入讀? 咁小朋友都係算細, 面試前帶定d玩具, 一路坐車一路玩玩具, 心情輕鬆d.
我諗真正ge國際學校收生無local咁緊張, 大家都放鬆d.

thomasha

既然知道小朋友會緊張，應該預早半小時或45分鐘到達學校，和他輕鬆的玩，令他盡量放鬆心情。時間太趕是面試大忌，先令大人非常緊張，從而亦令小孩緊張。

說到底，孩子不肯入面試試場，除了少數是臨場受刺激外，不外乎家長準備工夫不足，我們當時用了大半年為小兒準備，特別是面對面試的心態。

原帖由 judymama 於 11-6-4 11:16 發表
3次國際學校小學面試都喊,因太趕,上唔到面試班,最近一次面試冇入到去,老公叫走.氹唔到可以掂,平心靜氣講就易,當你小朋友係咁,用乜方法到氹唔到佢入去,你就會覺得佢唔乖.出到學校,忍唔到要發爛.氹得多佢就係皇帝,有時 ...

peepee

阿女一樣, 郁d就喊: 唔識做-喊, 做唔到-喊, 做得唔好-喊。 所以全部interview 衰哂。

我有同佢上面試班; interview 前幾日做"輔導"; 早d到學校"培養"情緒; 亦有同佢學呢樣個樣, 見多d野。 但全部冇用, 好話唔好聽, 佢自己都唔爭氣。

最後我自己都頂唔順, 勁鬧 + 打佢一餐 。 跟住再 in 埋剩餘一間學校, 終於成功, 可惜個間並非心水之選

努力, 我知好難搞

Charlie1978

可以試吓搵d唔係成日見既親戚或者鄰居叫佢地扮幫你扮interview...我都試過，無辦法之中既辦法la..

lamtsuiyee

可唔可以早幾日帶佢去學校睇吓, 比多D心理準備佢, 同佢講呢間學校點好, 點好.... 等佢先入為主... 仲同佢講...唔係個個小朋友都有得見.. 係學校打係, 話你好叻, 邀請你來... 跟住interview當日帶定佢喜歡的糖等....

希望幫到你...

原帖由 judymama 於 11-6-3 20:29 發表

To_Ma

佢有冇特別想要的玩具而你之前唔啤買 or 特別想食的糖or 特別想去的地方e.g.disneyland etc.,同佢講只要佢肯同老師傾下就得架喇..我阿仔in 幼稚園都用呢招，只要佢有做而你又有實踐承諾就得 。

prettygirls

我覺得你囡囡其實係叻女，佢明白到interview 學校的重要性，佢有點擔心自已做得吾好呀！所以，才會“唔識做-喊, 做唔到-喊, 做得唔好-喊。”。你不如係加強信心個part 幫幫佢呀！多點讚佢做得好！我估會幫到你囡囡多點。

同埋小朋友係會feel 到你對見學校好緊張，你自已都放鬆點。你囡囡可能擔心自已做得吾好令你吾開心。所以，你都要relax relax 呀！

加油！

原帖由 peepee 於 11-6-23 18:10 發表
阿女一樣, 郁d就喊: 唔識做-喊, 做唔到-喊, 做得唔好-喊。 所以全部interview 衰哂。

我有同佢上面試班; interview 前幾日做"輔導"; 早d到學校"培養"情緒; 亦有同佢學呢樣個樣, 見多d野。 但全部冇用, 好話唔好聽,  ...

ziyi

雖然我家那個是不怕羞的,所以唔會出現樓主說的情況
但我上年選的那8間學校
都會在交了申請表後,不停跟她說這學校有什麼吸引的地方,引起她喜歡,這樣她會有祈待
而她的同學仔很少申請區外的DSS/Private,所以,我唔會早太多到學校,約20分鐘左右,不想她看到其他一群群認識的小孩玩在一起,而發覺得自己一個
相反,如果你跟小朋友的同學媽媽是有交情,也申請同一間的
可以的話約在一起早些去,像其他家長說的,玩一下

原帖由 To_Ma 於 11-6-24 09:06 發表
佢有冇特別想要的玩具而你之前唔啤買 or 特別想食的糖or 特別想去的地方e.g.disneyland etc.,同佢講只要佢肯同老師傾下就得架喇..我阿仔in 幼稚園都用呢招，只要佢有做而你又有實踐承諾就得 。 ...

tattc

唔好卑太大壓力自己同小朋友，最好親身去交form時帶小朋友一齊去，再介紹下學校入面有啲咩玩，例如：小朋友鍾意打籃球，你就同佢講新學校有一個好大好靚既籃球埸，你想唔想喺到讀書，如果小朋友話好就無問題，如果唔好你就要問點解？小朋友雖然細，但係佢都有自己既諗法，知道咗咩原因，你先可以解決到問題。小朋友由BB開始都係用咸表達自己既情緒，所以你唔可以怪佢哋成日咸，要同小朋友多溝通，傾多D，小朋友自然會同你講有咩開心有咩唔開心！去面試前只要提醒佢見到人要有禮貌，仲有去上次交form那間學校玩，其他就唔需要再提，唔好再卑壓力，同唔好再提上次面試做得幾差，今次要表現得好D既說話，小朋友會驚咗！

[ 本帖最後由 tattc 於 11-6-24 10:52 編輯 ]

STH920

想當年我個仔又係好"蛇guei"好慢熱, interview之前已做足上面各位媽媽提議既野.  點知第一次考直資時, 佢只係一味喊, 完全唔肯同其他小朋友上樓上課室, 連老師都無符唯有俾我拖佢一齊上, 去到課室門口又放聲大哭,唔肯同小朋友一齊入課室, 總之一定要我在身邊...  最後當然衰左!  interview完, 我捉住佢係個公園度勁丙~除左我真係好嬲, 亦等佢知自己有幾醜.~我要佢在公園大大聲講佢係一個好醜既小朋友!!

果次之後, 佢真係好似開竅咁, 之後in叩門既2間小學都表現好好. 依家讀緊果間, 當時既叩門interview要求家長在校門外等, 只有小朋友入學校in, 佢立即跟老師入學校, in完仲同我講老師讚佢答問題答得好!

依家我個仔直頭好似開籠雀咁, 好活躍, 好大膽tim.

每個小朋友既性格都唔同, 希望你都搵到個岩用既方法! 加油 !   

pangchaimami

我估小朋友都唔想成日喊, 試下同理心, 了解下佢點解喊, 應該係驚, 你表示明白佢好驚, 等佢知道你了解佢, 鬧只代表你唔明白佢, 佢仲唔開心, 仲喊!
我個仔超怕羞, 佢未去, 只係講INTERVIEW個字, 佢已經喊, 我又係問佢, 表示知道佢驚, 話比佢知以前自己細個都係咁, 個個小朋友都會驚, 平靜左佢個心先! 現在雖然仲未開始INTERVIEW，　不過佢起碼唔會一聽INTERVIEW個字就喊, 不過MAMI本身都要平靜, 明白係難, 咁你都可以理解到小朋友去控制唔喊係一樣咁難!
OR試下佢喊, 唔好講”唔好喊啦”, 試問邊個會立即停, 自己都唔得啦, 我個仔一喊, 我會抱實佢, 同佢講喊一陣啦, 喊完就冇事, 佢多數好快就停…
長氣左小小, 不過希望幫到大家!