小朋友上小一不開心的原因.....

hkcwchan

昨天第一天上小一, 放學後問仔仔開心嗎 ? 佢說不開心,  原因是....... 因為學校昨天派書本, 佢說書包很重, 我便對他說
日後每天收拾書包, 而且返全日, 部份書本可以放在學校, 知道後才有心機... 開始今天第 2 天的小學生活......

bee

my son is very happy, but I am not happy, as not likes kindergarten, every things will take care for the kids.

But Primary schools, parents and kids need to 配合學校。

pingubj

我仔仔好開心喎,不過佢想小息多d時間,因為早上得一個小息20分,又要去厠所,又要玩就唔夠食野喎.

tamannabel

pingubj 寫道:
我仔仔好開心喎,不過佢想小息多d時間,因為早上得一個小息20分,又要去厠所,又要玩就唔夠食野喎.

我囡都好開心,但佢話書包重(用spi但無書本,可能稚園3年都有工人姐姐咩) ,
你地小息都有20分鐘,我囡得15分鐘食得野黎玩唔到(我話遲d你就會學識到一路食一路玩既方法....   

貓BB

小朋1返學要時間適應啊...幼稚園生活好似玩咁...小學係有壓力既生活..比D時間佢啦~慢慢就冇事...
你要明白,環境唔同左,同學,老師,通通都唔同左...

hkcwchan

我個仔小息有 25  minutes, 佢都說不夠時間, 去完 toilet
食小小零食已經夠鐘, 在暑假時我已經同佢討論了小學 跟
幼稚園不同, 希望他可以儘快習慣小學生活, 但是都一定要
花一點時間, 我們家長一定要配合.

bee

貓bb

要時間適應的是我不是我兒，我要 Adjust 我自己，可能之前幼稚園太過體貼家長及學生，that's why 才覺得每樣事都不能完全與自己的期望一致，但you are right, time can solve every things.

thanks !

hkcwchan

bee
大家努力啦
hkcwchan

歌莉亞

呢兩日唔駛帶書，我個女都話個書包好重，下星期真是不敢想像！

rainyrainy

其實升小一同幼稚園有好大分別，小朋友同爸爸媽媽都要適應
對小朋友來說，分別真係好大，樣樣東西都唔同
好似學校一定比幼稚園大左，書包又要多好多野，老師、同學仔又唔同晒啦
而且佢地又係學校年紀最細的一群，所以都會好擔心架
不過，慢慢就會適應
但係小學老師同幼稚園老師真係會唔同
因為一班咁多小朋友，而且又唔係堂堂對住個小朋友，好難有咁多時間照顧小朋友，同以前幼稚園老師好唔同

kitty

係呀...其實小朋友同家長都要慢慢識應...
我上年都是咁樣...又擔心個女呢樣,果樣...
又唔知點解雖然佢小一代表大個女..但我又好似有一種失落咁...總之果種心情好難形容比大家聽..
我個女剛開學時因只有自己一個,冇幼稚園的同學仔,佢又比較細粒,覺得人地會蝦佢...所以佢都幾驚架,加上各方面的因素,佢時時都話肚痛,耳痛,眼痛...但我帶佢去醫生處 check 過是冇問題,佢又時常想念幼稚園的老師,咁我見到咁樣就帶佢返幼稚園探老師,老師很好,知道她的情況就教佢和安慰她....又安慰埋我這個做媽媽的心情..
小學方面,我開學幾日班主任就知我女咁樣都時刻留意佢,得閒就同佢傾下計....後來我女要在差不多1月先真真正正識應到小學生活,到了下學期老師仲比個班長佢做,等佢知道自己能力都應付到,佢很開心...
而家佢升小二了,比起剛升小一時真的很大分別,個人變得開朗,自信,勇敢...我都很開心~

Heihmom

我囝囝第一日返學, 攬著我流眼淚, 佢話唔捨得我。第二日就開開心心上學去, 佢話返學好開心、好好玩﹗謝天謝地﹗
    

toby豆

我仔最大問題就係抄手冊抄唔切,又唔夠時間抄~~~~

佢返學都好開心,無話唔想返學,我仔都係得15分鐘小息

hkcwchan

經過了幾天的上學時間, 昨天正式全日上學, 小朋友表示很
開心, 我都放心一些, 其他事慢慢再去和他一起適應

YeeOnMama

I am very happy that my son loves the school so much.

hkcwchan

各位媽媽
妳們的小朋友是否適應了小一的生活 ? 我的寶寶上學都幾開心, 可能現在功課不太多的原因..

pingubj

我仔仔昨日返黎同我講佢有d唔開心喎,因為有d小朋友未寫好手冊,所以全班冇得小息.

hkcwchan

對小朋友來說真的很慘, 其實現在仍然在適應期
如果沒寫完手冊都不應該罰他,  何況現在要全班
一起受罰, 我認為不太好了..