16區的培僑小學

pinkynsp

想問問16區的培僑小學校風成績和其它各方面好不好，因我不太認識此小學，可否比Ｄ意見參考，thanks

pinkynsp

:

pinkynsp

piggybank

Hi pingkynsp,

我是新加入的網友, 你好嗎?

我原本是住在港島區的,
一直心儀小西灣培僑小學,
佢地搞閱讀好出名, 去年明報升小概覽都有賣,
另外, 活動好多, 老師勁有愛心.

因隔離屋的女孩子是讀培僑的,
他們學校有function,
她的媽咪都會叫埋我去,
好幾次校長都帶頭唱一首叫做"可愛的家"的歌, 很搞笑
感覺得培僑的辦學團體很有"心", 很warm

去年教統局去同佢做外評,
聽佢媽咪講都好勁,
話管理同課程都全部係優異,
老師教學評語為良好(話全港只有幾%學校有此水平)

我本來都已鎖定報這間學校
但因間屋的問題而搬了去沙田,
竟然培僑起沙田開多間,
聽講都是從中小學調左D好老師過去,
我都好大期望.
今日報紙都有賣,
我就諗住搵多D資料,
就搵到呢個網站,
我依家仲十五十六,
究竟都係搬番過港島讀培僑小學,
定係報沙田的培僑書院....

    

Pulmma

piggybank:

沙田的要比錢 小學 $1700學費+$100雜費

小西灣的是津貼學校, 免費的!!!

你到小西灣培僑有咁多了解, 咁可唔可以講下佢左唔左派呢?????? d 唔知情的人個個都這樣說, 老實說, 我個囡讀沙田培僑, 都不知多開心and 語言方面很好呀~~~~

piggybank

Pulmma:

雖然沙田呢間要比錢, 但除非我搬番過港島啦, 如果唔係, 日日送番學湊放學, 交通費都起番度啦....不過因為一直都係諗住讀小西灣果間, 依家好似好難決定咁....

至於左唔左, 呢個問題真係好奇怪, 其實乜野叫做左呢? 係唔係逢大陸話既野都支持就叫做左呢? 咁如果逢係同大陸有關既野都反, 又算唔算左呢? 咁天主教區學校應該係最左, 係唔係? (順粹發表下, 哈哈哈! 其實我真係唔識乜野係左, 我估係話好支持大陸, 係唔係?)

話說回來, 我又真係唔係好覺, 一來我鄰居個女都只係好細, 平日都沒有聽佢講D乜. 二來我去過咁多次, 都唔多覺佢地有提過同大陸有關的任何野, 或者任何政治立場. 又唔會SELL愛國教育, 至多每週一次升旗儀式, 好多學校都有做架啦. 日日6點新聞前都有得睇架啦. 我又唔覺得起果度讀有D乜野特別左唔左....其實細路仔開心快樂成長, 學到野咪OK啦. 如果學校硬銷政治立場, 好多家長都會嘈啦. 間學校都咁受歡迎, 我估應該沒有呢個問題.

Pulmma

Piggybank

很好呀, 平時唔了解培僑的人都會這樣說, 心裡總有些說話想說但又不知怎樣組織說出來.

你這番說話我會記著的, 謝謝!

我有一位很要好的朋友, 小朋友今年考小學, 媽媽就好喜歡pkc, 但她的退休校長老爺和老公就非常抗拒.  我也沒有多說.  總之我覺得pkc很好啦, 希望明年你的小朋友都入到啦, 到時做其師兄妹啦!

Anka

piggybank :

你所講和收到的資料都是十分中肯和正確. 小朋友最好是就近上學. :