Porfolio 夠"照" 就考到好私校/直資及叩到好津/官校

chachalai

你地認為/有無實證Porfolio 夠"照" - 如有好多獎, 一般會考到好私校/直資及叩到好津/官校嗎?

我識人連Portfolio都無交, 但考到DGJS.

亦識人無獎/Cert.都被CKY取錄
大家分享下

[ 本帖最後由 chachalai 於 11-7-29 14:39 編輯 ]

hwm399

好多學校第一輪面試只係睇學生的表現, 有的考學術, 有的考分析力, 所以portfolio就算幾好, 但臨場脫腳, 喺第一round就己經出咗局. 所以有幾靚的portfolio並包保有得入final interview.
但去到最後面試, portfolio有便於令學校理解家庭的培養方向.

去面試逐間報逐間考, 咁艱辛都做, 只係砌個portfolio姐, 頂多用兩三星期嘅夜晚就砌得掂, 有心考直資私校的, 不要吝啬那少少功夫. 而且一定要自已做, 出便比錢比centre做的一定睇得出.

MW9919

我識有家長兩公婆都係中學教師，扣門都中幾間，另一個家長就打份普通工但有宗教背景都冇計，大家都係高班同學，表現差不多啫。
我就覺家長背景都有決定性影響！

pandabonita

當然如果小朋友有特異功能,放d知料在portfolio就一定有幫助,用$買返來的對一d最top名校應冇乜用.

仔仔錫錫你

如幾個小朋表現一樣時，Profile同家庭背景將有可能係決勝負關建

share123

原帖由 仔仔錫錫你 於 11-7-30 00:17 發表
如幾個小朋表現一樣時，Profile同家庭背景將有可能係決勝負關建

甘我覺得家庭背景一定比portfolio重要囉

cheungmingwai

有冇經驗之談，有什麼內容先夠照

tokwawan

我都覺得家長背景都會有影響的, 我有個同事既仔, 算OK啦, 佢話有3間直資都去到FINAL, 但唔知係咪呀爸有影響, 因為我同事就係叻女, 讀到MASTER, 但佢老公得F.5, 雖然叫揾到D $, 家住豪宅區, 但我都同佢老公傾過計, 可以話係老粗一名, 我地同事之間就會覺得可能父母INTERVIEW時, 佢老公太多缺點, 令學校覺得唔好....

hwm399

好多學校都好重視家長的教育理念跟學校一致, 這是見家長時, 家長必需做的功課.
父母敎育程度係点, 屋企住喺邊有無米, 唔係決定因素. 但如果見家長唔注意重点, 答非所問, 露出尾巴, 或者一直’逗’圈講唔到重点, 可能真係會累咗小朋友.
家庭背景是不可改變的事實, 或者我地應該諗吓還可以做到乜去幫小朋友.....例如同另一半練習吓見校長時的對答, 有乜方向理念想話比校長知, 成功是留給有準備的人.

kkhon

好多名校都會睇父母職業，是否full-time mama,更會考慮埋係大仔定細仔。份fortfolio幾好都唔關係，主要看面試表現，如2個小朋友一樣時，便會考慮以上因素。

ok_ko

家庭背景是不可改變的事實。
對! 吾好理人地點，先做好自己要做的。

原帖由 hwm399 於 11-8-1 11:47 發表
家庭背景是不可改變的事實

MW9919

家庭背景真係一山還有一山高，我係討論區都見過單親家庭面試時嘅不愉快經驗，校長問來問去查家宅，講到得一個家長支援唔到小朋友讀佢間小學，唉！

hwm399

面試靠小朋友表現(尤其是第一輪), 大家都會同意.
至於自己小朋友的portfolio夠唔夠照, 要今年考小一嘅都已經定局啦. 裏面嘅料, 無得作假, 係有就有, 無就無. 不過即使知道只計5%(男拔上年講明好少比例, 但忘記係幾多), 大家都會做靓佢.因為大家都會諗住,如果同對手係爭些微分數,可能就係portfolio呢5%make the difference
至於下年或兩年後才考小一的, 大把時候執靚裏面啲成績, 到時大家會發現, 原来自己的小朋友經過年多兩年嘅鍛練, 能力提升咗, 自信心大咗, 努力是有回報的.
Portfolio唔係話執靓就執得靓, 都要有材料在手才可以講, 材料就是靠前兩年落幾多功夫.

wh0709

想請教下好多人會放「給校長的信」入portfolio, 但如已有幼稚園校長等推薦信，可以不用了？

hwm399

校長的推廌信只是好片面的寫吓小朋友的學業及性格好的一面, 平時小朋友有幾何見校長吖, 就算是老師代筆, 都突出唔到小朋友有幾優秀. 人有我有, 無乜特別.
但家長的信不同, 它不单止講述小朋友的性格, 還會突出家長敎養的方向, 這点一定要跟學校的取向一致, 所以家長的信一定不可以抄, 網上的範本, 學校年年都收差不多內容的, 我係老師, 一睇就知道無誠意, 真係唔交好過.
有些學校規限只可交幾多頁紙, 有自廌信在手, 好多時我都係抽起校長的推廌信唔交